Odeyi 13:36 - IWE ỌNỊNỊ

³⁶ “Idevidi ộ mẹ̀ ịsa oni Ohomorihi mẹ̀ eto anịị yọ ta ịnị ụmẹ anị, di o sú, di e ne e anka ohiku anị nịnị, dị ọ vụ̀ nị.

Odeyi 13:36 Referans Kwoze

Odeyi 2:29

Ẹwụ nịnị ẹyịnyara amị, jẹẹ ma kà a wụ nịnị gedebee ini oze Idevidi ada ayị. Idevidi ô sú, di e ne e nị. Ikuta anị yà ịdị ayị ịzẹnị pooro tù ajịnị.

1 Ohinọyị 2:10

Ịjị Idevidi maanị sị ịrẹyị kà, di o sú nị, di e ne e ịnị ẹkụra Idevidi nị.

Odeyi 13:22

Ịjị Ohomorihi raà sị Ịsọọrụ kwooze, dị ọ sị Idevidi rị ohinọyị ẹnịnị nị. Ohomorihi ộ dọ ivenu tụ́ ọọ ka ọnị ộ yẹ Idevidi ozi Ijeese ka ộ nyị ebira oni oni sì. Ọ kà ọ vaa mẹ avaba ịsị oni òo sì.

2 Ịsamụwẹrị 7:12

Kà a ka ịhị ẹkụhị amị ọ̀ọ sị gụ dị ọ sị hụrẹ ẹhẹ nị, mị vaa si ozi anịị dọ ọ ịrẹsụ. Kà a ka ozi anị ụvọta ozi ọnọọ vaa vị nị, dị mị mẹ ka ohinọyị ọnị ọ rị ọ̀ nyị ahụ jẹẹ.

1 Ịtọpa 18:14

Idevidi ộ mẹ̀ ohinọyị tụra avaba Anisirẹrị ịrẹsụ, dị ọ mẹ ka aa mẹ̀ ebira ene zoza dị ọ rẹ vọrọọ hi aza anị nị.

1 Anịkọrịntị 15:18

Ọnị ọ rẹ yaanị vị ka aza ana sị ayị tụra Ikirisiti dị e sú, ka vị ẹ ta avọọ nị.

1 Anịkọrịntị 15:6

Ịrẹma ọnọọ, ọdọwụ ene vene re e ụpẹ ọnya ụpẹ ọnya, ê huna akava rị ẹchẹhị (500). Ọrụrụ-ọrụrụ aza ẹnẹẹ yi hi ẹhẹ booro aanị, ama aza ẹnyị ê wusu.

Ịjọọnụ 11:39

Dị Ijeesu ka, “Sị ịrẹta ọnọọ kwooze nịnị!” Dị Ịmata, ọyịnyara ọza ene sú aanị ka, “Ho! Ananyị yị, aa dà agụ booro aanị, ọ! Ọ sị mẹ ẹkụhị ẹẹna ene e hụrẹ ne e!”

Ahẹ Ụgama 49:14

Ẹnịnị vi ene vee sú kẹnẹ anka atẹmẹ avọọ Di Iswọọza kụ́ wa aa nọ ini ikuta Ọza ana aa mẹ̀ ebira ana vọrọ ọ vaa nyị ẹbẹẹba ẹnịnị Ịjị eyi ọ̀ọ sị nị̄ nị Aza edivi vị ana vaa vụụ hi ini ikuta. Ẹnịnị ẹ yị kụkụ vaa yà anka ụbanyị ẹnị ẹ vịdị nyị tụ́ ini irehi ẹnịnị ana vịdị vavọọ zoza.

Ahẹ Ụgama 49:9

ana vaa mẹ ka asị ọza ọnọọ kuku sú pàá.

Ijoovu 21:26

Avaba ẹnịnị vị ene e ne tụ ịnị ẹtẹ, di idegu rị wa.

Ijoovu 17:14

Ọnị vaa hị́ ukuta ada anị, dị ọnị rẹ hị́ ukukurumi ana vaa rị ọnị ọnyị anị ọnịrị ẹyịnyara anị anẹẹ.

2 Ịtọpa 26:23

Uzaya me su di ệ ne e ịzị eē ne oku ohinọyị nịnị tụ, ụkụ ana za ọchẹngụ ọza ẹ yị ne e tụ́ ụsị ohinọyị nịnị. O me wusu, di ozi anị Ijotami rị ohinọyị dọ ọ ịrẹsụ nị.

2 Ịtọpa 21:1

Ijehosahwati mè su, di e ne ịzị eē ne ohinọyị nịnị tụ́ ịnị ẹkụra Idevidi, di ozi anị Ijehorami dọ ọ ịrẹsụ nị.

2 Ịtọpa 12:16

Irehobowami me su di e ne e ịzị eē ne ohinọyị nịnị tụ́ ịnị ẹkụra Idevidi. Ozi anị Abija ộ rị ohinọyị udi ada anị nị.

2 Ịtọpa 9:31

Òo me su, di e ne e ịnị ẹkụra ada anị Idevidi nị. Ozi anị Irehobowami ọ vana rị ohinọyị tụ udi anị nị.

1 Ịtọpa 17:11

Ịjị wèe wusu, dị ụ zị và ka ohiku awụ nịnị na nị, ọnị vaa sị ozi ewu ọnya rị ohinọyị, dị ohinọyị anị nyị ụkata.

Oyinyima 3:19

Ọ kà dị ọ ve re ịsa rị, ọ vaa sị ụvọọ ka ẹhịị mi. Ọ rẹ ka avọọ ọ mẹ vaa mẹ pooro dị ọ̀ varẹma nọ ịnị eteesu nị, agụvị ka ezi a sị mẹ ẹ nị. Ezi ọnọọ ọ rẹ vaa vàa nọ ịnị anị nị.

1 Anịtẹsaronika 4:13

Ẹwụ nịnị ẹyịnyara amị, yee sì ka wa yẹ nịnị ini oze ịsa ene vee tù aza ene wusu, agụvị asị u ne du ayị nịnị anka aza ẹnẹ ẹ̀yị nyị ọyịtureyi.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

Odeyi 7:60

Di o ku ẹtẹ, di o nowu tụ́ ẹba dị ọ ka, “Ananyị yị, asị ụ sị ịvị ịrẹyị ọnọnị tụ́ wa ọrọkọ!” Ịjị ọ maanị sị ọọ kà, di o sú nị.

1 Ịtọpa 11:2

Ẹ ka ịyẹẹyẹ ọnị Ịsọọrụ hyakụ vị ohinọyị ẹnịnị, Idevidi ọọ̄ dọ ọvịdị ẹnị Anisirẹrị nọ ịrẹkụ nị; dị Ẹnẹyịmavara Ohomorihi anị kà a yọ ka ọ vaa dọ ọvịdị aza anị, dị ọ vị ohinọyị ẹnịnị nị.

1 Ịtọpa 29:28

Ộ vịra ẹtẹẹtẹrẹ dị o ve su. Ộ nyị ogu ẹtẹẹtẹrẹ, dị a sị ụbanyị yọ nị. Ozi anị Isoromọnị ọ vana rị ohinọyị tụ́ udi anị nị.

Odeyi 8:1

Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

Imatiwu 25:16

Ọza ana dọ achuchu ẹẹhị aanị, ộ sị na sẹ ohu, dị ọ rẹ rị ọgụ achuchu ẹẹhị tụ́ ọ nị.