Odeyi 13:17 - IWE ỌNỊNỊ

¹⁷ Ohomorihi Anisirẹrị ẹnẹnị ộ nyị ada ayị nịnị, dị ọ vara wa anẹkụra ọbanyị, ẹ mẹ̀ yị vị ọzọga tụ́ ịnị ẹtẹ Anijipiti nịnị nị. Ini oze ụkata Ohomorihi ộ kụ́ wa hụụnị ẹtẹ Ijipiti.

Odeyi 13:17 Referans Kwoze

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Imika 6:4

Ẹma kụ́ wụ nịnị hụrẹ ẹtẹ Ijipiti vẹ nị, dị mị kụ́ wụ nịnị hụụnị udi ọrịhị nị. Ẹma tụ́ Imosiisi ọnịrị Eerọnị beri Imeriyamị ka ẹ gụ nịnị ụvọ nị.

Emọsị 2:10

Avọọ ọnị mẹ dọ wa ha hụụnị ụvọ Anijipiti nịnị, dị ẹ ya ịnị ụnọmị ịrayị ẹbẹẹva nị. Dị ẹ dọ ẹtẹ Anamọnị nịnị nị.

Ayịsaya 44:1

Ẹnẹyịmavara kà, “Sị ụtọ pe ẹtẹ booro aanị, ẹwụ Isirẹrị, ozi ahụ amị. Ẹwụ nịnị ezi Ijekọvụ, ọnị mị nyị mẹ aza amị.

Ahẹ Ụgama 135:4

Ẹnẹyịmavara ọ sị Ijekọvụ nyị ka aanị ọ vị nị. Ọ kà Anisirẹrị vị ogu anị.

1 Ịsamụwẹrị 4:8

Ẹ ka ịrẹyị ô tù ẹnị ẹngụ, ẹ ka ẹnẹ zụ dọ ẹnị tụ̀ hụụnị ụvọ Ohomorihi ana maanị nyị ụkata aanị? Ẹ ka aā vi Ohomorihi ọnọọ ọ vavọọ sị ụkụ irenyi-irenyi pa ịva yị Anijipiti ịnị ụnọmị.

Iwe Ọhụhị Imosiisi ana aa hị́ Ọyịvatụrọda 14:2

Ka aza ana a sị tụ́ irenyi yị Ẹnẹyịmavara Ohomorihi ẹnịnị ẹ vị nị. Ẹnị Ẹnẹyịmavara nyị yị ẹngụ anị hụụnị avaba aza ene hi ịnị ẹhẹ nị.

Iwe Ọhụhị Imosiisi ana aa hị́ Ọyịvatụrọda 10:22

Ohiku awụ nịnị ana nọ Ijipiti vị ẹnị ẹtarẹwụ. Ama booro anị, Ẹnẹyịmavara ọ raà mẹ̀ wa rụrụ ẹtẹẹtẹrẹ anka ụzọmị ịnị eguhi.

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 7:19

Tamayị ụya edivi-edivi ẹnẹ ẹ rị, dị ụ sị eyi awụ nịnị re e. Tamayị ịvọpa ọnịrị ohyozirenu, ọnịrị ụkata ọbanyị ọnị Ẹnẹyịmavara Ohomorihi awụ nịnị sị ngwara wụ nịnị tịtẹ. Ọ́ mẹmẹ vu Anijipiti nịnị ẹtẹ gẹdẹ-gẹdẹ avọọ, avọọ ọ́ mẹ̀ rẹ vee vu aza ọnị u wee hí angwa anị nịnị aanị ẹtẹ nị.

Iwe Ọhụhị Imosiisi ana aa hị́ Ọyịvatụrọda 4:37

Agụvị ka o sì ịrẹyị ohiku ẹnịnị, ọ sị nyị ezi ẹnịnị, dị ọ sị ụkata anị kụ wa jịnẹ hụrẹ Ijipiti nị.

Iwe Ọhụhị Imosiisi ana aa hị́ Ọyịvatụrọda 4:34

Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.

Iwe Ọhụhị Imosiisi ana aa hị́ Ọyịvatụrọda 4:20

Ama Ẹnẹyịmavara vị ana dọ ẹnịnị ha hụrị Ijipiti ana sị mẹ anka ịra avọọ. Ọ kụ wụ nịnị jịnẹ hụụ ịzọọ ka ẹnịnị ẹ vị aza anị anka ẹ mẹ ya ajịnị aanị.

Ọyịkụra 18:11

Ma sị yẹ ka Ẹnẹyịmavara o huna avaba ori nịnị nị. Wéē re ịsị ọ mẹ aza ana aa chamayịị yị Anisirẹrị.”

Ọyịkụra 13:16

Dị ọ rẹ ka Ido ọnọnị vị ana vaa sị mẹẹ anka apọtẹrẹwa ọnị ọza dà tụ́ ụvọ avọọ, à vị ịsị aā sụụ za ibe anaā tama ọza ayị ịrẹyị. Dị ọ rẹ ka ẹẹ yẹ ka ụkata-ụkata ọnị sị tụ́ wa hụrẹ Ijipiti nị.

Ọyịkụra 13:14

Ọ kà ịnị ụmẹ ana aa vẹ, ezi ẹnịnị ẹ̀ẹ họ̀ ka sẹ vị iruvo ịsị ẹ yaa mẹ aanị dị ẹ̀ kà a yị wa. Ọ kà ẹ̀ kà a ka ụkata-ụkata Ẹnẹyịmavara sị kụ́ wa jịnẹ hụrẹ Ijipiti, ka asị ẹ kụkụ vị ọrịhị tụ́ ịzọọ nị.

Ọyịkụra 12:51

Ịhị ọnọọ gẹdẹ-gẹdẹ dị Ẹnẹyịmavara kụ́ Anisirẹrị ogu-ogu jịnẹ hụrẹ Ijipiti nị.

Ọyịkụra 14:8

Dị Ẹnẹyịmavara mẹ ka ayị Ihwarawo ohinọyị Anijipiti ọ̀ katẹngụ, dị ọ kụ́ chire Anisirẹrị ana aa kanyị ahụ ẹtẹẹ na nị.