Odeyi 12:11 - IWE ỌNỊNỊ

¹¹ Dị Ipita sị yẹ ịsị ẹ mẹ, dị ọ ka, “Booro aanị, ma sị yẹ ka ịzẹyịza yọ. Ananyị yị ọ raà tụ́ anggẹẹrị anị ka ọ̀ va dọ mị hụụnị ụvọ Ịhẹrọdị ọnịrị avaba ịsa ana Aniju nịnị ro ka ẹnị vaa mẹ.”

Odeyi 12:11 Referans Kwoze

Ịdanịyẹrị 6:22

Ọ kà, Ohomorihi ộ tụ anggẹẹrị anị va sị ịsa kú idu nịnị irenu ka asị ẹ zụ mẹ̀ ọnị ịrẹyị. Agụvị ka ộ yẹ ka ẹ yị nyị odivi ọnị ọnị mẹ, dị ẹ̀ yị rẹ nyị odivi ọnị ọnị mẹ hi ẹwụ ohinọyị nị.

Ịdanịyẹrị 3:28

Dị ohinọyị ka: À sị ụga yị Ohomorihi Isediraki, Imesaki ọnịrị Abedinego nị. Ọ kà, Ohomorihi ọ tụ anggẹẹrị anị dị ọ va dọ ezi ahụ anị anaa hẹkẹ ẹ, dị ẹ sị ayị tụra a ha nị. Ọ kà ẹnịnị ệ sị ahụ jịnẹ ọda anị, ka asị chọmọ ọnị ẹnị vaa vaku ẹtẹ dị ẹnị ẹ hẹkẹ ori anị, ẹnị ẹ dọ ka ẹnị e su.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

Ahẹ Ụgama 34:7

Anggẹẹrị Ẹnẹyịmavara vị ana maanị yà kara aza ana sị ayị tụra Ohomorihi dị ệ dọ ọ tụ́ ka asị a nyị ịsị ẹ mẹ̀ ẹ nị.

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Iruuku 15:17

Ịjị eyi anị si hweyi, dị ọ ka: ‘Anụkọrọ ada amị ẹnị aa rị ịsa, dị ẹ vọ kú aanị, oo; dị ụngwẹ aa vaa wụ̀ ẹmịị tụ́ ịzẹnị aanị nị.’

Ahẹ Ụgama 33:18

Ẹnẹyịmavara ô si eyi pè aza avaba ene ee hí angwa anị Avaba aza ana jẹẹ zi ọ, dị ẹ sị ayị tụra ayamva anị.

Odeyi 12:7

Kẹnẹ, dị anggẹẹrị Ohomorihi vana va jẹẹ ịzọọ dị ẹtẹ hweyi ini irehi ẹngwa nị. Dị anggẹẹrị ọnọọ sị ụvọ nya Ipita ịza, dị ọ ha a, dị ọ ka ọ̀ wụsẹ kwẹẹtẹ nị. Dị ẹba ẹnẹẹ wụsẹ ngwara hụụnị ụvọ Ipita nị.

Ịdanịyẹrị 3:25

Dị ọ rẹ họ̀ wa ka, sị ẹ vẹ dị ọnị vee ré ka aza ẹnị ẹẹna aa zị ụsẹ ịnị ịra nị? Ọ kà ịsa a sị sụ wa ọ sị ngwara, ẹ yị rẹ nyị ịsa ana sị zụ ka aa kata wa ẹngụ, dị ọnị ọhụna ẹnịnị sị mẹẹ anka anggẹẹrị avọọ nị.

Ahẹ Ụgama 109:31

Ọnị ọọ̄ gụ oniruwa ụvọ nị, dị ọ dọ ọ tụ́ hụụnị ụvọ aza ana aa jị ịvịị yọ.

Ahẹ Ụgama 97:10

Aza ana àa ka ẹnị ê sì ịrẹyị Ẹnẹyịmavara ộ vọrọ ka ẹ̀ẹ nyị ịhyẹrẹ ịsa odivi. Ẹnẹyịmavara vi ene eē sere aza anị ana nyị ịzẹyịza ka asị ịsa odivi mẹ wa.

2 Ịsamụwẹrị 22:1

Ẹnẹyịmavara mẹ̀ maanị sị Idevidi dọ tụ́ hụụnị ụvọ avaba ọnịvị anị ọnịrị hụụnị ụvọ Ịsọọrụ, di Idevidi maanị ahẹ ọnọnị nị

Ahẹ Ụgama 41:2

Ẹnẹyịmavara vi ene vee sere wa, ọ yị vaa zẹẹ ka à nyị ịsị ẹ mẹ̀ wa Ọ rẹ vaa mẹ ka òo zee yị wa ịnị ẹtẹ ẹnị ẹ̀ yà Ọ yị vaa zẹẹ ka ọnịvị ẹnịnị ò re wa za.

Ahẹ Ụgama 34:22

Ẹnẹyịmavara vaa dọ aza anịị tụ́ Avaba ọza ene zwe na vaka a ệ yẹ ka ẹnị ẹ sị há.

Ijoovu 31:31

Avaba anineehi amị ệ yẹ ka miī sì azọga ẹtẹẹtẹrẹ.

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

Anihiburu 1:14

Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

Odeyi 24:27

Ị́rayị ẹẹva mẹ̀ sị mẹ para hu, dị Ịpọkịyọsị Ịhwẹsịtọsị dọ Ịhwẹrịsị ịrẹsụ nị. Ịhwẹrịsị ô sì ka ọnị ọ̀ mẹ ịsị Aniju nịnị sì, agụvị avọọ dị ọ navọ Ịpọọrụ tụ́ ịnị ẹngwa nị.

Ijoovu 5:19

Ọ vaa dọ wụ tụ ụpẹtụrụpẹ agụvị asị a nyị ịsa ana mẹ wụ.

Oyinyima 26:9

Di Abimẹrẹkị va hị́ Ayiziiki dị ọ ka, “Ọ́ọ́ yẹ ka ọnị ọ sị yẹ ka ose anị ọ vị nị? Di ọ rẹ ka sị ẹ vẹ dị ọ ka ọyịnyara anịị yọ nị? Di Ayiziiki tụ́ o ohi dị ọ ka: Vi oni ro ka ọ va hụ agụvị anị wụ ọnị nọ.”

Oyinyima 18:13

Dị Ẹnẹyịmavara va kà a yị Abụrahamị dị ọ ka, “Sị ẹ vẹ dị Isera ee nyinyi, dị ọ ka ọnị ọ́ọ́ kụkụ zụ ma ozi ọnị mẹ̀ sị vịra aanị?

Oyinyima 15:13

Dị Ẹnẹyịmavara va kà a yị Abụramị dị ọ ka: Ọnị ee sì ka ọ yẹ kaakara ka ezi anị ịrẹma-ịrẹma va naa vị ọzọga ịnị ẹtẹ ẹnẹ ẹ̀ yị vị ẹtẹ ẹnịnị. Ẹ vaa vị ọrịhịị tụ́ ịzọọ dị aa mẹ ẹvayaa yị wa pooro dị ọ mẹ ịrayị akava.

Odeyi 25:9

Ịhwẹsịtọsị ô sì ka ọnị ọ̀ mẹ̀ ịsa ana Aniju nịnị ee sì, dị ọ kà a yị Ịpọọrụ ka, “Ụ waa hịrẹẹ nọ Ijerusarẹmị, dị ma na mẹ̀ ọkarẹyị ịrẹyị ọnọnị ịzọọ?”

Ahẹ Ụgama 33:19

Ọ yị vaa navọ ka ịsụ ọ̀ sị wa, ẹnịnị vaa há ịnị ụmẹ ụngwẹ