Odeyi 11:24 - IWE ỌNỊNỊ

²⁴ Ịbanabasị vị ọza ọyịza. Ụhwẹ Ọnịnị ộ dọ avaba ayị anị, dị ọ rẹ sị ayị tụra Ohomorihi ẹtẹẹtẹrẹ nị. Ohomorihi ộ kụ́ aza ọrụrụ-ọrụrụ va yị ẹngụ anị.

Odeyi 11:24 Referans Kwoze

Odeyi 11:21

Ohomorihi ộ sị ụkata yị wa ẹtẹẹtẹrẹ, dị Anigiriki ọrụrụ-ọrụrụ dọ wụ́, dị ẹ và ká Ananyị yị vẹ nị.

Odeyi 5:14

Ama aza vị ana aa yịị naa vaka wa, anọrụ ọnịrị anẹẹ ana sị ayị tụra Ananyị yị.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Aniroomi 15:15

Ama ini iwe amị ọnọnị, â nyị ịrẹyị ẹnyị, ana ahịka beri ọtụtụrụma mị sị chẹrẹẹ nị, ọnị mị tama wụ nịnị ayị anị. Ayị amị ộ vị́, agụvị ka Ohomorihi ô nyị mị iyi

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Odeyi 6:8

Ohomorihi ộ yà pe Isitivini ẹtẹẹtẹrẹ, dị ọ rẹ sị ụkata yọ, dị aa mẹ̀ ụkọrọ ohyozirenu ọnịrị apọtẹrẹwa ịnị akakana aza ẹnẹẹ nị.

Odeyi 6:3

Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ.

Ahẹ Ụgama 112:5

Aza ana aā mẹ ẹyịza dị ẹ̀ yị mā sị ụvọ kú oku, dị ẹ̀ yị mā rẹ mẹ irikichi vị ana vaa dọ ẹyịza.

2 Ịsamụwẹrị 18:27

Di oserẹtẹ ọnọọ ka ọnịpaapa ana aa vẹ ịsọọnị vi ene ee zwe echi anka Ahimaazị ana vị ozi Ịzadọkị. Di ohinọyị ka aa vị ọnịị yọ, ebira anị ô zoza. Enube ozoza ọ za aa vẹ nị.

Aniroomi 5:7

Ộ tụ́ akanya, dị à nyị ọza ana dọ ka ọnị hyakụ ee súu yị ọnịzẹyịza. Àa daka vavọọ nyị ọza, ọnịzẹyịza obooro ọ vaa dọ ka oni ò sú yị nị.

Odeyi 24:16

Dị maa sịị vụrị ka me re ka ayị amị ộ nị ọ́vịdị Ohomorihi ọnịrị aza nị.

Ịjọọnụ 7:12

Dị aza tangwa aa kà ịrẹyị Ijeesu nyamaa nị. Aza ẹnyị ka ọza ọyịza ọ vị nị; aza ẹnyị ka eyiye, vi ee vene aza nị.

Iruuku 23:50

 nyị ọza ịnya aanị ana aā hị́ Ijosẹẹhụ, ọnyara ọ vị ịnị anikootu nịnị nị. Ọza ọyịza ọ vị, dị ọ rẹẹ̄ mẹ̀ ebira ana vọrọ nị.

Imatiwu 19:17

Dị Ijeesu kà a yọ ka, “Sị ẹ vẹ dị waa hị́ mị ‘Ọga ọyịza’? Ẹ yị nyị ọza ọyịza ikonya vụrụ-vụrụ, ẹ̀ yị vị Ohomorihi ọnịnya kẹnẹ. Ama wèe sì ka wa yàra pooro zịna-zịna, sị ụvọ za ọda!”

Imatiwu 12:35

Ịsa ọyịza ana yà ịnị ayị ọza ọyịza, ọọ̄ mẹ̀ ka ọọ mẹ̀ ebira ozoza nị. Ịsa odivi ana yà ịnị ayị ọza odivi, ọọ̄ mẹ̀ ka ọọ mẹ̀ ebira odivi nị.

Ụhịrẹyị 14:14

Ọza ọhịmị vaa dọ ọgụ ebira odivi anị, ọza ọyịza ọnị rẹ vaa rị aha ebira ọyịza anị.

Ụhịrẹyị 13:22

Ọza ọyịza vị ana a navọ ogu tịtẹ yị ezi ọnịrị ẹmazị anị. Ama ogu ọza ọhịmị ọnịzẹyịza vaa sị mẹ ẹhẹ nị.

Ụhịrẹyị 12:2

Ayị Ẹnẹyịmavara hine tu ọza ọyịza ama ọza ọhịmị ene ro ịrẹyị odivi vị ọnị ọ sị ụya rị.

Ahẹ Ụgama 37:23

Ebira ọnị ọza aa mẹ òo zee Ẹnẹyịmavara eyi dị aa gụ ọ ụvọ ịnị avaba ịsị àaa mẹ

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.