Odeyi 10:9 - IWE ỌNỊNỊ

⁹ Eyinẹhẹ anị, aza ẹnẹẹ màa na, ẹyaa vaa ngụ Ịjọpa. Ịnị ẹhụụ ụmẹ agogo ẹwụrẹva, dị Ipita hịrẹ nọ ịrẹsụ irehi ka ọnị ọ̀ na mẹ̀ aduwa nị.

Odeyi 10:9 Referans Kwoze

Ịzẹhwanaya 1:5

Ọ kà avaba aza ana hịrẹ tụ ịrẹsụ irehi na hẹkẹ ọyị ọnịrị ụhwẹ neberi ụzọmị nịnị ẹ yị vaa ha. Ẹnẹyịmavara kà ọnị vaa pa ịva yị aza ana mẹ ayị ẹẹva, dị ẹ yaa hẹkẹ ọnị, dị ẹ ya sị ịrẹha anị hị́ eku, dị ẹ rẹ yaa hẹkẹ ori ana aā hi Imorẹkị.

Ahẹ Ụgama 55:17

Ẹnẹnẹ, ọọdụ ọnịrị ịrahụ vị oni mee nowu ka Ohomorihi ọ̀ gụ mị ụvọ Ịzẹyịza, Ohomorihi ộ ba mị owu.

Odeyi 6:4

Ẹyị vaa sị avaba ụmẹ ayịị mẹ̀ aduwa, dị yaa kà ịrẹyị Ohomorihi.”

Ịmaakị 6:46

Ịjị ọ sị ọọ kà yị wa ka ẹ̀ẹ na, dị ọ nọ ịnị ataba ọnya, dị ọ naa mẹ̀ aduwa nị.

Ịmaakị 1:35

Ẹnẹnẹ eyinẹhẹ anị, ẹ́tẹ mèe yii vee hweyi kẹnẹ dị Ijeesu kwẹẹtẹ, dị ọ jịnẹ nọ aha ọnya aanị ịzị aza ẹ̀ yị yà nị, dị ọ na mẹ̀ aduwa ịzọọ nị.

Imatiwu 27:45

Ịnị ụmẹ agogo ẹwụrẹva, avaba ẹtẹ ọnọọ saka-saka ọ sị vara ịrahụ, pooro na ngụ ụmẹ agogo ẹẹta.

Imatiwu 24:17

Ọza ana àa yà ịrẹsụ irehi, asị o chí nọ ini eehi na sị ịsọnyị-ịsọnyị!

Imatiwu 20:5

Dị ọnọrụ ọnọọ rẹ jịnẹ nọ ẹhẹ ịnị ẹhụụ ụmẹ agogo ẹwụrẹva ọnịrị ẹhụụ ụmẹ agogo ẹẹta, dị ahịka avọọ ọ mẹ̀ rẹ mẹ nị.

Imatiwu 6:6

Ama ẹwụ àa mẹ̀ aduwa, ngụ ini aku awụ! Wàa sị oze awụ gù, dị ụ waa mẹ̀ aduwaa hi Ada awụ ana yà aha ẹvagu! Ada awụ nịnị eneē re ẹtẹ aha ẹvagu vee sí wu atọ ịnị eyigede.

Ịdanịyẹrị 6:10

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

Ijeremaya 32:29

dị ẹ jị ịra da a. Ẹnịnị vaa rị ọ ịra bẹrị avaba irehi ana aza ya mẹ ayị kụ ọnị. Aza ẹ ya ịrẹsụ irehi ẹnẹẹ aa rị eturare ịra yị ori ana aā hị́ Ịbaarị, dị ẹ́ rẹ yaa sị eche mẹ̀ ịsọvọ yị ori ana vọ nị.

Ijeremaya 19:13

Ọ kà, ịzẹyịza avaba irehi ene hi Ijerusarẹmị beri irehi ohinọyị Ijuda nịnị vana vaa yaa anka Itohwẹtị. Avọọ avaba irehi ene e hi ịrẹsụ anịị rị eturare ịraa yị ụzọmị ẹnẹ ẹ sị mẹ ori dị ẹ yaa ka echee hi ẹtẹ yị ori ẹnịnị ịnị anị mẹ vaa yà nị.

1 Ịsamụwẹrị 9:25

Ẹ mẹ̀ raà hụrẹ aha ịsọvọ ọnọọ chi vẹ, dị Ịsamụwẹrị ọnịrị Ịsọọrụ nọ ịrẹsụ irehi dị ẹ naa kà ịrẹyị nị.

1 Itimoti 2:8

Mee sì ka avaba aha anọrụ ẹ̀ẹ mẹ̀ aduwa; ẹ̀ sị ayị ọnịnị sị ụvọ tụ́ ẹba, dị asị a nyị ọyịkụ ọnịrị ahankata ịnị ayị ẹnịnị!

Anẹhwẹsọsị 6:18

Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.

2 Ịsamụwẹrị 11:2

Ini oruva ẹkụhị ọnya di Idevidi ohinọyị kwẹẹtẹ hụụnị ịbẹẹdị anị, dị ọ hịrẹ nọ ịrẹsụ írehi anị, dị aa zị ụsẹ ịzọọ nị. Ọ mẹ̀ vavọọ yà ịrẹsụ irehi anị, di o re ka ọnẹẹ ọnọọ, ô zoza pooro ee.

Odeyi 10:3

Ẹkụhị ọnya ịnị ụmẹ agogo ẹẹta ọọdụ, ô re ẹtẹ. Di o re anggẹẹrị Ohomorihi, dị ọ ngụ eehi ve tù ọọ, dị ọ hị́ ọọ ka, “Ịkọnẹrịyọsị!”