Odeyi 10:35 - IWE ỌNỊNỊ

³⁵ Ọza ene èe hí angwa anị, dị ọ mẹ̀ ịsa ana vọrọ nị, vị Ohomorihi aa dọ ọ nị, anẹkụra tụra anẹkụra ọnị ọ̀ọ vị.

Odeyi 10:35 Referans Kwoze

1 Ịjọọnụ 2:29

Wáa yẹ nịnị ka Ijeesu Ikirisiti vị ọnịrẹyịzẹyịza; agụvị avọọ wa rẹ yẹ ka ọza ana àa mẹ̀ ịsa ana vọrọ, ozi Ohomorihi ọ vị nị.

Odeyi 10:2

Ộ nyị ahẹkẹ ẹtẹẹtẹrẹ, ọnịrị aneehi anị ệ nyị angwahi Ohomorihi. Ọ rẹẹ̄ mẹ aza ẹyịza, dị ọ rẹẹ̄ mẹ̀ aduwaa hi Ohomorihi ụmẹ tụra ụmẹ nị.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

Odeyi 15:9

O yi sị eyi irenyi re ẹyịrị wa. Ộ mẹ ayị ẹnịnị ọnịnị, agụvị ka ệ sị ayị tụra a.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Ụhịrẹyị 16:6

Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ahẹ Ụgama 85:9

Mâ yẹ kaakara ka Ohomorihi vaa dọ aza ene hí angwa anịị tụ́, dị ẹ̀ yẹ ịnị ẹtẹ ayị ka Ohomorihi yà pè ẹnị.

Anẹhwẹsọsị 5:21

Waa sị ịrẹsụụ yị ẹngụ nịnị, agụvị ka wáa nyị angwahi Ikirisiti nịnị.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

1 Anịkọrịntị 12:13

Yàa vị Aniju, yẹ̀ yị vị Aniju, yàa vị ọrịhị, yàa vị ozi; avaba ayị ọ sị vị ẹngụ ọnya, a mẹ̀ sị Ụhwẹ Ohomorihi mẹ̀ ọyịhwọzenyi yị. Ụhwẹ Ohomorihi ọnọọ ọnyọọnya ọ yà ịnị ayị avaba ayị nị.

Aniroomi 3:22

Aza ana sị ayị tụra Ijeesu, Óhomorihiī vara ọnịrẹyịzẹyịza nị. Avaba aza ana sị ayị tụra Ijeesu Ikirisiti kẹnẹ, Óhomorihiī vavọọ mẹ nị. Oze ọnya ọ vị yị avaba aza nị,

Aniroomi 2:13

Ayị vị ka vị ọza aa wụ́ ịrẹyị ọda ọnọọ kẹnẹ, dị Ohomorihi wụsẹ jị ịhị yọ nị. Eyiye, ịjị ọza àa mẹ̀ ịsa ọnị ọda ọnọọ kà, ịjọnọọ Ohomorihi vaa jị ịhị yọ nị.

Iruuku 1:28

Dị anggẹẹrị ọnọọ ve tù ọọ nị, dị ọ ka, “Tangwa o! Ohomorihi ô re wu eyi, ọ rẹ yà pe wụ.”

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ụhịrẹyị 3:7

Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Ụhịrẹyị 2:5

Ịjọnọọ ụ́ vaa yẹ Ẹnẹyịmavara dị wee hí angwa anị nị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Ahẹ Ụgama 19:9

Waa sị ụbanyị yị Ẹnẹyịmavara, ịsị e zoza ọ vị ọnọọ nị. Ụbanyị Ẹnẹyịmavara eni e zụ zizi ọ ịnị ẹhẹ kẹ!

Odeyi 10:28

Dị ọ kà a yị wa ka, “Ẹwụ nịnị nyẹmba ộ yẹ ka ahẹkẹ Aniju ọ mā zẹẹ ka ẹnịrị Anigiriki ẹ̀ mẹ ẹvabẹ. Aniju ẹ mā rẹ ngụ ini eehi ẹnịnị. Ama Ohomorihi ọ raà sị zụ̀ mị ka asị mị kụkụ hị́ ọzọnyị-ọzọnyị ka ẹ yị nị, à vị ka di mee re wa anka ịsa eenyisi.

Aniroomi 2:14

Aza ẹnẹ ẹ̀ yị vị Aniju, ẹ yị nyị ọda ọnọọ. Ama ịjẹnyị ịnị ebira ẹnịnị, ẹyaa mẹ̀ ịsa ana yà ịnị ọda ọnọọ. Ịzẹyịza, ẹnịnị ẹ yị nyị ọda ọnọọ, ama ẹ raà sị zụ̀ ka ẹnị ẹ́ẹ yẹ ịsa ana vọrọ.