Odeyi 10:19 - IWE ỌNỊNỊ

¹⁹ Ipita ee yii sì ka ọnị ọ̀ yẹ iruvo ẹtẹ oni oni re aanị, dị Ụhwẹ Ọnịnị kà a yọ ka, “Re, â nyị aza ẹnị ẹẹta ene ee sì wu.

Odeyi 10:19 Referans Kwoze

Odeyi 8:29

Dị Ụhwẹ Ọnịnị kà a yị Ihwiripi ka ò tere pe ịkẹkẹ ọnọọ, dị ọnị rị ọọ ẹ̀ẹ na nị.

Odeyi 21:4

Yê re ezirẹma ẹnyị ịzọọ, dị ị yà ịzọọ pe wa mẹ ẹkụhị ịhịmba nị. Ụhwẹ Ọnịnị ộ mẹ̀ ka ẹ̀ kà a yị Ịpọọrụ ka asị ọ nọ Ijerusarẹmị.

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Odeyi 11:12

Dị Ụhwẹ Ọnịnị ka ma wụsẹẹ dị waa na, asị mị mẹ ayị ẹẹva nị. Anda ayị ịhịnọnyị ẹnẹnị ệ saasa mị nọ ini eehi ọnọrụ ọnọọ.

1 Itimoti 4:1

Ụhwẹ Ọnịnị aa kà a, oyi were, ka ịnị ụmẹ ọdịrẹma ẹhẹ, aza ẹnyị ẹ yị kụkụ vaa sị ayịị tụra Ohomorihi. Dị ẹ kụkụ aa wụ́ ịrẹyị ụhwẹ echu eneē vene ọza, ọnịrị ịsa ọnị ụhwẹ echu aa sịị zụ̀ aza.

1 Anịkọrịntị 12:11

Ụhwẹ Ohomorihi ọnya chọchọchọ̀ ọ vavọọ aa yịị mẹ̀ ịsa ẹnẹẹ nị. Ộ sị ụkata irenyi-renyii yị ọzọza, anka o mè sì ọọ.

Ịjọọnụ 16:13

Ama ịhị Ụhwẹ Ọnịnị anaā sịị ịzẹyịzaa zụ̀, ọ̀ọ vẹ, ọ vaa mẹ ka wa yẹ avaba ịzẹyịza nịnị. Ọ yị vaa dà ẹ́ẹngụ anịị kà; ịrẹyị ọnọ ọ̀ọ wụ́ kẹnẹ, ọ vaa kà nị. Ọ rẹ vaa sịị zụ̀ wụ nịnị ịsa ana aa vẹ ụhwọọ.

Odeyi 10:3

Ẹkụhị ọnya ịnị ụmẹ agogo ẹẹta ọọdụ, ô re ẹtẹ. Di o re anggẹẹrị Ohomorihi, dị ọ ngụ eehi ve tù ọọ, dị ọ hị́ ọọ ka, “Ịkọnẹrịyọsị!”

Odeyi 10:18

Di e nowu họ̀ use ka, “Áá nyị ọzọga ene chí ịzẹnị ana rị Ịsayịmọnị Ipita?”

Odeyi 15:7

Ịjị ẹ da ahankata nyị, di Ipita kwẹẹtẹ, dị ọ ka, “Anda ayị nịnị, wâ yẹ nịnị ka ịnị ụmẹ ọnya o si kù aanị, Ohomorihi ộ nyị mị hụụnị akakana awụ nịnị ka ma na kà enube ọyịza yị Anigiriki nịnị, agụvị dị ẹ̀ zụ dọ wụ́.