Odeyi 1:9 - IWE ỌNỊNỊ

⁹ Ịjị ọ maanị sị ịrẹyị kà yị wa, dị Ohomorihi sị ọọ nọ ẹbẹẹba nị. Ẹ́nịnị mèe yii re e, di eguhi vú ọọ hi wa eyi nị.

Odeyi 1:9 Referans Kwoze

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Ịmaakị 16:19

Ịjị Ananyị yị maanị sị wa pe kà ịrẹyị, dị a sị ọọ nọ ẹbẹẹba nị, dị ọ na yaayịtẹ é yi ụvọrị Ohomorihi nị.

Odeyi 1:2

pooro ne tù ẹkụhị ana a va sị sị ọọ nọ ẹbẹẹba ịdị Ohomorihi. Dị a va sị ọọ nọ ẹbẹẹba, ộ sị ụkata Ụhwẹ Ọnịnị mẹ ọda yị odeyi anị ọnị ọ nyị.

Ọyịkụra 19:9

Dị Ẹnẹyịmavara kà a yi Imosiisi dị ọ ka, “Mị vaa yà ini eguhi ene hozi di mi ve tù wu nịnị, dị aza ẹnẹẹ ẹ̀ wụ́ m mèe pè wuu kà ịrẹyị. Ọnọọ vaa mẹ ka ẹ̀ẹ dọ ịrẹyị awụụ tụ́ ịzọọ pooro nị.” Di Imosiisi kà ịrẹyị ana aza ẹnẹẹ kà yị Ẹnẹyịmavara nị.

Ẹtore 11:12

Dị ọnịsẹ ẹnẹẹ wụ́ ọngwẹ ọbanyị ọnya aanị hụrẹ ẹbẹẹba vẹ, dị ọ kà a yị wa ka: Hịrẹ vẹ ịzẹnị nịnị! Ọnịvị ẹnịnị vị enee yii re wa, dị ẹnịnị yà ini eguhi, dị ẹ hịrẹ na ngụ ẹbẹẹba nị.

Ịjọọnụ 6:62

Wèe ve re ka ẹmị Ozi ọza onigirima aa varẹma hịrẹẹ nọ ịzị mị vịdị yà yọ?

Iruuku 21:27

Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ahẹ Ụgama 68:18

Ộ hịrẹ nọ ẹbẹẹba dị ọ kú aza ọnị ọ za éyi ịrẹkụ aa na nị. Ộ dọ ịsa ẹtẹ hụụnị ụvọ aza Aza ana hyakụ kwẹẹtẹ tù ọ vị ọnị za agụvị dị ọ̀ ra ịzọọ. Dị ẹkụkụ aa tụ́ ịsa ẹtẹẹ yọ nị.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.

Ọyịkụra 34:5

Dị Ẹnẹyịmavara ngụ eguhi chi vẹ, dị ọ va jẹẹ pe Imosiisi ịrẹsụ ataba ịzọọ nị. Dị ọ hị́ ẹngụ anị ịrẹha ka Ẹnẹyịmavara nị.

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

1 Anịtẹsaronika 4:17

Dị aa kụ́ ẹyị ana vọ ana yàra ịnị ụmẹ ọnọọ beri wa, dị ị dudu tụra eguhi na gẹrị Ananyị yị ẹ́bẹẹba. Dị ị kụkụ yà ịdị Ananyị yị pooro zịna-zịna.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.