Odeyi 1:8 - IWE ỌNỊNỊ

⁸ Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 1:8 Referans Kwoze

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Ịmaakị 16:15

Dị Ijeesu kà a yị wa ka, “Waa nọ avaba ẹhẹ nịnị, dị ụ waa kà enube ọyịza yị avaba anẹhẹ nịnị.

Aniroomi 15:19

ọnịrị ini oze apọtẹrẹwa ẹbanyị-ẹbanyị ọnịrị ụkọrọ ohyozirenu ọnịrị ini oze ụkata Ụhwẹ Ọnịnị. M mẹ̀ ngwọọ hụrẹ Ijerusarẹmị na ngụ Iririkumi, ma raà kà enube ọyịza Ikirisiti avaba aha.

Odeyi 5:32

Ya zụ dọ ivenu tụ́ ịnị ịrẹyị ẹnẹnị. Ụhwẹ Ọnịnị oni Ohomorihi sị yị aza ana wụ́ chire e, ọnị rẹ vị onivenu.”

Odeyi 4:33

Apositeri nịnị ệ sị ụkataa dọ ivenu ka Ijeesu Ikirisiti ọ sị ha hụụnị isu. Dị Ohomorihi aa mẹ ọyịzaa yị avaba ẹnịnị nị.

Odeyi 6:8

Ohomorihi ộ yà pe Isitivini ẹtẹẹtẹrẹ, dị ọ rẹ sị ụkata yọ, dị aa mẹ̀ ụkọrọ ohyozirenu ọnịrị apọtẹrẹwa ịnị akakana aza ẹnẹẹ nị.

Aniroomi 10:18

Ama me ve họ̀ use ka aanị ka Aniju nịnị è yị wụ́ enube ọyịza da? Ẹnịnị ệ wụ́ ẹtẹẹtẹrẹ. Avaba anẹhẹ ẹ sị wụ́, a màa kà ịrẹyị ọnọọ. Ịrẹyị ẹnịnị ọ na sị ngụ avaba ẹhẹ.

Ịjọọnụ 15:27

Ẹwụ nịnị rẹ vaa dọ ivenu tụ́ ịnị ịrẹyị amị bẹẹ, agụvị ka ịdị amị ụ yà nịnị hụrẹ ụmọrụmọ nị.

Iruuku 10:19

Re, mâ sị ụkata wụ nịnị ka waa kụ́ ahụụ hi ẹwụ ọnịrị iku, dị ụ wa rẹ zụ nyị ehuna ụkata Echu nịnị. Ẹ yị nyị ịsị ẹ va zụụ mẹ wụ nịnị.

Odeyi 1:5

Ịyẹẹyẹ, enyi obooro Ị́jọọnụụ̄ sịị mẹ ọyịhwenyii yị aza nị. Ama yị ẹwụ nịnị, ọ̀ọ na aa mẹ ẹkụhị chee, Ohomorihi vaa sị Ụhwẹ Ọnịnị hụụ wụ nịnị enyi.”

Imatiwu 24:14

A vaa kà enube ọyịza ịjọva Ohomorihi ịnị avaba ẹhẹ, agụvị dị ọ̀ vị ivenu yị avaba anẹhẹ; ịjọnọọ ọgọnị, dị ẹzẹtẹ ẹhẹ vẹ.

Odeyi 2:32

Ijeesu ọnọọ Óhomorihi sị ha hụụnị isu, dị avaba ayị aa dọ ivenuu tụ́ ịnị anị aanị nị.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Odeyi 22:15

Ẹwa vaa vị onivenu anịị yị avaba aza ini oze isu u re ọnịrị ịsụ ụ wụ́ nị.

Imika 3:8

Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Odeyi 13:31

Ijeesu ộ sị ẹngụ zụ̀ aza ọnị ọnịrịị̄ zịị hụrẹ Igariri nọ Ijerusarẹmị mẹ ẹkụhị ọrụrụ-ọrụrụ. Aza ẹnẹẹ aa dọ ivenu ịrẹyị anịị yị aza booro aanị.

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Odeyi 1:22

hụrẹ ụmẹ ọnị Ịjọọnụ hụrẹ aa sịị mẹ̀ ọyịhwọzenyi ne tù ụmẹ oni Ijeesu sị hụrẹ ịdị ayị nọ ẹbẹẹba, â vọrọ ka à nyị ọza ịnya ẹnẹ ẹyịrịị va zụụ dọ ivenu tụ́ ọọ ka Ijeesu ọ sị ha hụụnị isu.”

Ayịsaya 66:19

Ẹ vaa yẹ ka ọnị ọ vị ọza anaa sị ụya rị wa nị. Ama, ọnị vaa navọ aza ẹnyị ẹnịnị, dị ọnị tụ́ wa nọ ẹkụra irenyi-irenyi aha onoze ịzị ọza ẹ yị wụ́ ịrẹyị anị, dị ẹ hyakụ ve re ụkata. Ẹnịrị aza ana yara ne ọpa vaa nọ Isipeni, Iribiya ọnịrị Iridiya, Itubari beri Igiriisi. Ẹ vaa sị ụbanyị anị zụ ịnị ẹkụra ẹnịnị.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Odeyi 8:1

Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

Ayịsaya 42:10

Jị ahẹ ọwọọwa gono Ẹnẹyịmavara nịnị. Jị ahẹ gono o avaba ẹwụ nịnị anẹhẹ. Ẹwụ nịnị anaā zị ụsẹ ini òkū ee gono o. Avaba ịsa ene hi ini òkū ee gama a Dị aza ana ra hị́ aha ẹnẹẹnẹ eni e ree gono o.

Ahẹ Ụgama 98:3

Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị. Avaba anẹhẹ ẹ si o re ka Ohomorihi ọ nyị ehuna nị.

Iruuku 24:29

Dị aza ẹnẹẹ aa dá ịpẹẹ yọ ẹtẹẹtẹrẹ nị, dị ẹ ka, “Ọyị ộ ta, ẹtẹ ee hozi, kụkụ jẹẹ pe yi ịzẹnị!” Ịzẹyịza, dị Ijeesu ngụ eehi, dị ọnịrị wa yà ịzọọ nị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.