Odeyi 1:3 - IWE ỌNỊNỊ

³ Ị́rẹma isu anị, ộ vana sị ẹngụ zụ̀ ezirẹma anị ụmẹ ọrụrụ-ọrụrụ, ọ mẹ̀ ha hụụnị isu. Ê re e mẹ ẹkụhị ẹbẹẹva ini oze ana ahịka ọza ọ yị zụ jị ọọ ịrẹka ka ọ yàra. Ộ kà a yị wa ịjọva Ohomorihi mẹmẹ yà.

Odeyi 1:3 Referans Kwoze

Odeyi 13:31

Ijeesu ộ sị ẹngụ zụ̀ aza ọnị ọnịrịị̄ zịị hụrẹ Igariri nọ Ijerusarẹmị mẹ ẹkụhị ọrụrụ-ọrụrụ. Aza ẹnẹẹ aa dọ ivenu ịrẹyị anịị yị aza booro aanị.

Ịjọọnụ 20:26

Ịrẹma ẹkụhị ịhịnta para hu, di ezirẹma Ijeesu rẹ kụ́ gụ hi ini eehi nị. Ịtọmọsị kụkụ yà ịzọọ pe wa. Oze vị vị oyichire, dị Ijeesu rẹ vana va jẹẹ ịnị akakana ẹnịnị nị. Dị ọ rẹ kụ́ wa ka, “Ẹngwọọrọ ọ̀ vị awụ nịnị!”

1 Ịjọọnụ 1:1

Yaa chẹrẹ iwee tụ́ụ hi wu nịnị ịnị oze ịrẹyị ana yà ịzọọ hụrị ụmọrụmọ, dị a va yẹ ka aa mẹ ẹhẹ. Ẹyị ụvọta ộ wụ́ Ịrẹyị ọnọọ, yáa sị eyi ré e, ya raà jị eyi ngụ ọ, dị ị raà sị ụvọ kanyị ọ nị. Ọnị ọ vị ịrẹyị anaā sịị ụhwẹ yị aza nị.

Ịjọọnụ 21:14

Ọnọọ ọ tụ́ ọọ ụpẹ ọhụta oni Ijeesu sị ẹngụ zụ̀ ezirẹma anị, ọ mẹ̀ ha hụụnị isu nị.

Ịjọọnụ 21:1

Ọ mẹ̀ rẹ da kù chee, Ijeesu ọ rẹ sị ẹngụ anị zụ̀ ezirẹma anị ụtọ irehu Itiberiyasi. Aanị ọ mẹmẹ sị ẹngụ zụ̀ wa nị:

Imatiwu 28:9

Kẹnẹ, dị Ijeesu ve tù wa, dị ọ kụ́ wa nị. Dị ẹ kà pe e, dị ẹ za ahụ Ijeesu, dị ẹ va ku ẹtẹ kụ́ ọọ nị.

Odeyi 28:31

Aa kà ịrẹyị, Óhomorihi mẹmẹ aa mẹ ịjọva, dị ọ raa sị ịrẹyịị zụ̀ wa ini oze Ijeesu nị. Aa sị ọtụtụrụma kà ịrẹyị, ẹ yị nyị ọza ana dọ ọ oro.

1 Anịtẹsaronika 2:12

ka waa zị ụsẹ ana vọrọ tụra aza Ohomorihi nịnị. Ọnị ọ hị́ wụ nịnị ka wa va nyị tụ́ ịzị ọnị yà aa mẹ ịjọva ọnịrị ụbanyị anị nị.

Anikorasi 1:13

Ohomorihi ộ dọ yị hụụnị ụkata ịrahụ, ọ raà sị yị va ngụ ịzị Ozi anị oni o sì ịrẹyị anị yà aa mẹ ịjọva.

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Imatiwu 21:43

Agụvị avọọ, dị ma kà a wụ nịnị ka a vaa dọ wụ nịnị oze anaa vọrọ ka wa zị ngụ ịzị Ohomorihi yà aa mẹ ịjọva, dị a sị yị anẹkụra ana vaa nyị ẹtụtụ anị.

Iwe Ọhụhị Imosiisi ana aa hị́ Ọyịvatụrọda 9:9

Imosiisi ka ọnị ộ hịrẹ nọ ịrẹsụ ataba ka ọnị na dọ ọparị ịrẹta ana a chẹrẹ oto ọnị Ẹnẹyịmavara wo yị ẹnịnị tụ ịnị anị. Ọnị ộ ya ịzọọ ọọdụ ọnịrị ịrahụ ẹbẹẹva, mẹ yị rị ịsa, me yi hú ịsa ọnyọọnyị.

Imatiwu 4:2

Ịjị Ijeesu sị awẹ ba ẹkụhị ẹbẹẹva ọọdụ ọnịrị ịrahụ, dị ụngwẹ aa kụ̀ ọ nị.

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

1 Ohinọyị 19:8

Ịzẹyịza di Erija kwẹẹtẹ dị ọ rẹ rị ịsa, di o re hú enyi nị. Ịsa ọnị ọ vavọọ rị avọọ ộ sị ụkata yọ ka ọ̀ zụ zị ụsẹ mẹ ẹkụhị ẹbẹẹva ọọdụ ọnịrị ịrahụ, pooro dọ ọ va na ngụ ịnị ataba Ohomorihi ana aā hị́ Ịhọrẹbị.

Iwe Ọhụhị Imosiisi ana aa hị́ Ọyịvatụrọda 9:18

Mâ rẹ vana vaku ẹtẹ ọvịdị Ẹnẹyịmavara ọọdụ ọnịrị ịrahụ ẹbẹẹva; mẹ yị rị ịsa ọnyọọnyị, mẹ yị re hú bẹẹ. Agụvị ka wa raa rị ịvị Ẹnẹyịmavara, wâ mẹ ayị kụ́ ọ nịnị mị maanị sị mẹ nị.

Ịmaakị 16:19

Ịjị Ananyị yị maanị sị wa pe kà ịrẹyị, dị a sị ọọ nọ ẹbẹẹba nị, dị ọ na yaayịtẹ é yi ụvọrị Ohomorihi nị.

Odeyi 8:12

Ama Íhwiripi ọnị mẹ̀ va kà enube ọyịza ịjọva Ohomorihi ọnịrị ịrẹha Ijeesu Ikirisiti yị wa, dị ẹnịnị dọ wụ́, â mẹ̀ ọyịhwọzenyi yị wa, anọrụ ọnịrị anẹẹ ẹnịnị.

Odeyi 19:8

Ịpọọrụ ộ yà ịzọọ, ộ nọ ini irehi Ohomorihi Aniju nịnị mẹ ụhwẹ ẹẹta, dị aa sị ọtụtụrụma kà ịrẹyị, di ee sì ka ọnị ọ̀ mẹ wa ka ẹ̀ dọ ịrẹyị ịjọva Ohomorihi nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.