Odeyi 1:17 - IWE ỌNỊNỊ

¹⁷ Ijudasi vịdị vị ọza ịnya ịnị akakana ayị, â nyị ọọ ka ọ̀ nyị ụvọ tụ́ ịnị ụkọrọ ọnọnị.

Odeyi 1:17 Referans Kwoze

Odeyi 1:25

ka ọ̀ dọ Ijudasi ịrẹsụ ịnị ụkọrọ odeyi ọnọnị oni Ijudasi sị hụụnị anị, dị ọ zị nọ ịzị ẹ vọrọ tụra a.”

Odeyi 21:19

Dị Ịpọọrụ kụ́ wa, dị ọ kà enube yị wa ahụ-ahụ ịsị Ohomorihi zị oze ịnị ụvọ anị mẹ ịnị akakana Anigiriki nịnị nị.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Ịjọọnụ 17:12

M mẹ̀ yà pe wa ịnị ẹhẹ, mâ sị ụkata awụ sị eyi pe wa. Avaba aza ọnị ụ sị mị, mị sị eyi pe nị, ẹ yị nyị ikonyara ẹnịnị ene vú; ẹ̀ yị hụhụ vị ọza ana vị ọza oyivu ịnị ẹnịnị kẹnẹ. Ọnọọ vị ana mẹ, agụvị Iwe Ohomorihi ọ̀ zụ sẹ.

Ịmaakị 3:19

ọnịrị Ijudasi Isikarịyọtị, ọza ana vana sị Ijeesu chire ọnịvị anị ụvọ.

2 Anịkọrịntị 5:18

Avaba ịsa ẹnẹnị vị ana hụụ ịdị Ohomorihi vẹ. Ini oze Ikirisiti ọ raà sị yị hụụnị ọnịvị anị va vara ọta anị. Dị ọ sị ụkọrọ chire yi ụvọ nị, ọnị ọ vị ka ẹ̀ yà rẹẹ mẹ ka aza ẹ̀ vara ọta anị.

2 Anịkọrịntị 4:1

Ohomorihi ô sì ịrẹyị ayị, dị ọ sị ụkọrọ ọnọnịị yị nị, agụvị avọọ, o yi vee du yi eyi.

Odeyi 12:25

Ị́banabasị ọnịrị Ịsọọrụ mẹ̀ sị ụtụ ẹnịnị zị ta, dị ẹ hụrẹ Ijerusarẹmị aa vẹ, ệ sị Ịjọọnụ ọnị ịrẹha ẹtẹ anị rị Ịmaakị za.

Iruuku 22:47

Íjeesu mẹ̀ yị yà ịnị ịrẹyị aa kà kẹnẹ, dị ọkọnị aza vana vẹ nị, beri ọza ịnya aanị ana aā hị́ Ijudasi, ana vị ọnya ini ezirẹma ẹwụrẹva. Dị ọ kà pe Ijeesu, ka oni ò kú ọ irenu nị;

Iruuku 6:16

Ijudasi, ozi Ijemiisi ọnịrị Ijudasi Isikarịyọtị, ọza ana vana sị Ijeesu chire ọnịvị anị ụvọ.

Imatiwu 10:4

Ịsayịmọnị Anikenaani beri Ijudasi Isikarịyọtị, ọza ana vana sị Ijeesu chire ọnịvị anị ụvọ.