Ọbadaya 1:3 - IWE ỌNỊNỊ

³ Ọyị sị ẹngụ tụ ẹba Anedomi nịnị ọ sị wa vene. Agụvị ka ẹẹ ra ịrẹsụ ataba, dị ẹ sị ịrẹta-ịrẹta jị ọvọ okiri-okiri kara ohyẹtẹ ẹkụra ẹnịnị, di ê ro ka ẹ yị nyị anẹkụra ẹnyẹnyị ene zu ziizi ẹnị ụvọ nị.

Ọbadaya 1:3 Referans Kwoze

Ijeremaya 49:16

Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ụhịrẹyị 29:23

Ọza anaā sịị ẹngụ anị tụ ẹba vị ọnị ụhị nyị. Ama ọza ana ka ẹngụ anị chi vị ọnị a vaa sị ụbanyị yị.

Ayịsaya 16:6

Anijuda ka ẹnị ệ vịdị yẹ Animowabi mẹmẹẹ mẹ eyi. Vị ọ nyayịnẹ ẹ mẹ eyi ẹnẹmẹhị nị. Ama irenu osusu kẹnẹ ẹ vavọọ nyị nị.

2 Ohinọyị 14:7

Amaziya ộ wụ̀ isoja Anedomi akawụ-akawụ oze ẹẹhị ịzị aā hị́ Inozi Anọ. Ộ dọ wa ẹkụra ana aā hị́ Isera ọ́ mẹ̀ pe wa kụ ịrẹkụ, dị ọ sị ịrẹha yọ ka ọnị ọ rị Ijokiteeri nị. Ịrẹha ọnọọ ọ rị pooro tu ajịnị nị.

Ịmarakayị 1:4

Ezi Iisọ ana vị anẹkụra Edomi ọnọọ ẹ̀ẹ kà ẹkụra ẹnịnị o si du, ẹnị aa varẹma tenyi ọ da. Ẹnẹyịmavara Ochẹtẹẹngụ kà a ẹnịnị èe tenyi ọ da, dị ọnị rẹ varẹma wu ọ za ẹtẹ nẹrẹ-nẹrẹ. Dị aza aa hị́ ịzọọ ẹkụra odivi, anẹkụra ọnị Ẹnẹyịmavara aa kụ ayị hi pooro.

Ijeremaya 49:4

Sị ẹ vẹ dị ẹwụ nịnị ẹnẹ ẹ̀ yị nyị ịzẹyịza aanị ee wo oto kẹ? Waa sị ayị tụra ogu awụ nịnị di wee wo nịnị ka ẹ́ yị nyị ọza ana zụ kwẹẹtẹ tu wu nịnị nị.

Ụhịrẹyị 18:12

Ọza ana ka ẹngụ anị chi ọọ̄ nyị ụbanyị nị, ọza ọ̀ọ sị nyima àa sị ẹngụ tụ ẹba à vaa mẹ̀ ụhị nyị ẹngụ anị.

Ụhịrẹyị 16:18

Ụhị ọọ̄ nyị ọza anaā sịị ẹngụ tụ ẹba nị. Ịrẹsụ ọyị sị tụ́ ẹba vị anaā va ọza nẹtẹ.

2 Ịtọpa 25:12

Dị ẹ rẹẹ̀ za aza ẹnị akawụ-akawụ oze ẹẹhị ireyi-ireyi, dị ọ kụ́ wa nọ ịrẹsụ ọwọrọba, dị ọ tụ́ wa ụvọ zina na gara ha nị.

2 Ịtọpa 25:11

Amaziya ộ sị ayọvị kụ́ aza jịnẹ nọ ịrẹkụ ini ozi ẹtẹ anọ, dị ọ wụ́ isoja Anedomi akawụ-akawụ oze ẹẹhị (10,000) nị.

Ijoovu 20:6

Ọ hyakụ na ka ihinẹba dị ọ sị ịrẹsụ ka eguhi nị,

Ijeremaya 21:13

Ẹnẹyịmavara kà, ọnị vaa va eyi ịrazịị ka Ijerusarẹmị enee wo oto ka, ẹnị ẹ sị ha, ẹ yị nyị ịsị ẹ kụkụ zụ kanyị ẹnị agụvị ataba ana kara ẹnị aanị.

Ijeremaya 37:9

Ẹnẹyịmavara kà ọnị aa kà a yị wa ka, asị e vene ẹngụ ẹnịnị dị ee rò o ka Anibabironi ẹ yị ma vana vavẹ, ẹnịnị vaa vaavẹ o.

Ijeremaya 48:28

Ẹwụ nịnị ana ra hi ẹtẹ Imowabi, zwe hụrẹ ẹkụra awụ nịnị dị wa na tẹ̀ hi ịnị akakana ịrẹta nịnị. Sị́ mẹmẹ nịnị anka arivadi ana na mẹ ịrẹngwẹ anị tu irenu ụtẹha avọọ.

Oyinyima 36:8

Di Iisọ na ra ịnị ẹkụra ịnị ataba ana aā hị́ Ịsẹyị nị. Ịzọọ a rẹẹ̄ hị́ Edomi nị.

Ezikẹẹrị 28:16

Ohu vị ọnị waa sẹ pooro kẹnẹ. Ọnị ọ mẹ wụ naa sị ụkata mẹ ịrẹyị, dị waa mẹ̀ ebira odivi nị. Ẹnẹyịmavara kà agụvị avọọ ọnị dụ wụ hụụnị ataba ọnịnị anị, dị anggẹẹrị ene vịdị ê sere wu kụkụ dụ wụ hụụnị akakana ịrẹta anaa jị ịra aanị nị.