Ịzẹhwanaya 3:9 - IWE ỌNỊNỊ

⁹ Ịhị ọnọọ, Ẹnẹyịmavara kà ọnị vaa vara aza, dị ẹ kụkụ a hẹkẹ ọnị, dị ẹnịnị ẹ yị kụkụ mẹ̀ ori. Dị ẹnịnị kụkụ aa wụ́ chire ọnị Ẹnẹyịmavara.

Ịzẹhwanaya 3:9 Referans Kwoze

Oyinyima 11:1

Ịnị ịyẹẹyẹ avaba anẹhẹ vị ana aa kà ẹkụra ikonya. Ẹ yị nyị irenyi ịnị ịrẹyị ẹnịnị.

Ayịsaya 19:18

Ịnị ụmẹ ọnọọ anẹkụra ẹẹhị ịnị ẹtẹ Ijipiti vaa kà ẹkụra Anikenaani. Ẹnịnị vaa hị́ eku ka Ẹnẹyịmavara Ochẹtẹẹngụ ẹnị kụkụ aa hẹkẹ nị. Ọnya ịnị ẹkụra ẹnẹẹ vị ana a vaa hị́ Iheremi.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Ihabaku 2:14

Aza ana yẹ Ẹnẹyịmavara dị ẹ sị ụbanyị yọ vaa rụrụ chi ẹhẹ ẹngụ anka enyi meē hi oku avọọ.

Anẹhwẹsọsị 4:29

Asị ụ rẹ̀ kà ịrẹyị odivi nịnị! Ama waa kà ịrẹyị ọyịza ana vaa gụ aza ụvọ nịnị, dị aza ana aa wụ́ ịrẹyị awụ nịnị, è zụ re ọgụvọ ịnị anị.

Imatiwu 12:35

Ịsa ọyịza ana yà ịnị ayị ọza ọyịza, ọọ̄ mẹ̀ ka ọọ mẹ̀ ebira ozoza nị. Ịsa odivi ana yà ịnị ayị ọza odivi, ọọ̄ mẹ̀ ka ọọ mẹ̀ ebira odivi nị.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ahẹ Ụgama 113:3

Aza ana ra hi ịzị ọyịị̄ zịị̄ hụrẹ huu na ngụ ịzị ọ zị naa ngụ ẹtẹ ẹ̀ẹ kụ́ Ẹnẹyịmavara avọ.

Oyinyima 4:26

Ose Ịsẹtị ọnị ọ rẹ ma ozi ọnọrụ ọnya yọ, dị ọ yị ọ nị. Ụmẹ ọnọọ aza nyima dị ẹ yaa mẹ̀ aduwa hi Ẹnẹyịmavara nị.

Ayịsaya 57:19

Mâ sị ẹngwọọrọ yị avaba aza; aza ene hi aha ẹnẹẹnẹ ẹnịrị aza ana gụrị ẹtẹ. Mị vaa mẹ avaba aza amị ụkụ.

Ezikẹẹrị 37:17

Ọnị ọ̀ kụ ọchị ẹyịva ẹnẹẹ rị ụvọ, dị ọnị ọ̀ kụ wa ka ẹngụ, dị ẹ̀ sị mẹẹ anka ọchị ọnya avọọ ịnị ụvọ anị.

Ayịsaya 6:7

Dị ọ sị akịna ọnọọ kanyị mi irenu dị ọ ka emi éē re ịra ọnị ọnị sị kanyị mi irenu aanị. Ọ kà a raà sị ịvị ọnị mị rị kwooze, a rẹ raà mẹ̀ ịsọvọ ịvị ọnị mị mẹ.