Ịzẹhwanaya 3:11 - IWE ỌNỊNỊ

¹¹ Dị Ẹnẹyịmavara kà, ịnị ụmẹ ọnọọ, ụhị ọ yị kụkụ vaa nyị aza anị ana vịdị mẹ̀ akamawụ hi ọnị. Ọ kà ọnị va kụ́ aza ana aa sị ẹngụ tụ́ ẹba kwooze, dị aza ẹ yị kụkụ vaa mẹ̀ akamawụ hi ọnị ịnị ataba ọnịnị anị.

Ịzẹhwanaya 3:11 Referans Kwoze

Ayịsaya 54:4

À sị u hí angwa, agụvị ka ọza ẹ́ ma vana mẹ̀ ụhị nyị wụ. Àsị u hụrẹ ayịnẹ, agụvị ka ụhị ẹ́ ma vana nyị wụ. U vee hí ayị ụhị ana nyị wụ ịjị ọnị ụ vị ozweyi. Wẹ́ ma vana tamayị ụhị ana nyị wụ ịjị ọnị ụ vị ọnịịnya anka osoku avọọ.

Ayịsaya 11:9

Ịnị ụmẹ ọnọọ, ịrẹsụ Ịzayọnị ana vị ataba Ohomorihi, ẹ yị vaa nyị ịsị ẹ vaa mẹ̀ ọza ịsa odivi. Òkū mẹ̀ vị enyeenyi avọọ, avọọ avaba ẹhẹ mẹ̀ vaa yẹ ịsa oni Ohomorihi sì nị.

Ayịsaya 61:7

Agụvị ụhị oze ẹẹva ene tu wa ịnị ẹtẹ ẹnịnị. Ẹnịnị vaa ra aha ọbanyị oze ẹẹva dọ ịrẹsụ. Ẹ vaa nyị ogu oze ẹẹva ịnị ẹtẹ ẹnịnị, Ẹ vaa jẹ ịrajẹ pooro-pooro-pooro nị.

1Ipita 2:6

Wáa yẹ ka â chẹrẹ ẹ tụ́ ini Iwe Ohomorihi, ọ mẹ kà a ka, Re, Maa nyị ịrẹta ọnya, ịsa obooro ọ vị mị nị. Mâ sị ịrẹta ọnọọ ká irehi ẹtẹ tụ́ Ịzayọnị. Ọza tụra ọza ana àa sị ayị tụra a, ọ́ yị vaa mẹ ụhịị nyị ọ vụrụ-vụrụ.

Aniroomi 9:33

 vịdị vavọọ chẹrẹẹ tụ́ ini Iwe Ohomorihi ka, “Re! Mâ sị ịrẹta ọnya tịtẹ Ịzayọnị; ịrẹta ọnị ọzaā tụ́ ahụ ịnị anị ọ vị nị; ịrẹta anaā mẹ ka ọza ọ̀ hyẹdụ ọ rẹ vị nị. Ama ọza ana àa sị ayị tụraa, ụhị ọyị vaa nyị ọọ.”

Imatiwu 3:9

Asị u ne roo, dị ụ waa kà a ịnị ayị awụ nịnị ka, ‘Ị yàaa nyị Abụrahamị ana vị ada ayị nị.’ Dị ma kà a yị wụ nịnị ka Ohomorihi ọ zụ sị ịrẹta ẹnẹnị dị ọ sị vara ezi yị Abụrahamị

Ịdanịyẹrị 9:16

Ẹnẹyịmavara, anka ụ mẹ mẹ̀ ịzẹyịza hi yị ịyẹẹyẹ navọ a sị ụ kụkụ kụ ayị hi Ijerusarẹmị huni aanị. Ẹkụra awụ ọnị ụ yaā sị ẹngụ awụ zụ ọ vị nị. Ama agụvị ebira odivi ohiku ayị nịnị, Ijerusarẹmị ọnọọ ọnịrị aza awụ avaba anẹkụra ana kara a kụkụ a sị mẹ enyinyi aanị nị.

Ijeremaya 7:4

Hụụnị ịrẹyị evene ọnị aza aa kà a wụ nịnị ọ̀yị dọ wụ. Ẹ ka, agụvị ka Irehi Ẹnẹyịmavara yịị ịda awụ nịnị, wa sị ha nịnị.

Ayịsaya 45:17

Ama Ẹnẹyịmavara ọ raà dọ Anisirẹrị nịnị ha, ẹ vaa nyị ehuna pooro zịna-zịna nị. Ụhị ẹ yị vaa nyị wa.

Aniroomi 2:17

Ẹwụ nịnịị yọ? Waa hị́ ẹngụ awụ nịnị Aniju, dị ụ kụkụ sị ayị tụra ọda nịnị, du wee wo oto ka aza Ohomorihi ụ vị nịnị nị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ịdanịyẹrị 9:20

Ịdanịyẹrị ka, ọnị maà mẹ̀ aduwa dị ọnị aa dọ irenu ịvị anị ọnịrị ịvị aza anị Anisirẹrị nịnị nị. Dị ọnị aa da ịpẹ ka Ẹnẹyịmavara ana vị Ohomorihi anị ọ̀ navọ dị ọ varẹma tenyi irehi Ohomorihi anị dà nị.

Ezikẹẹrị 24:21

Ọnị ọ̀ ka ụtụ ọnọnị yị Anisirẹrị nịnị ka ẹwụ nịnị Anisirẹrị vị enee wuu zị ka aa nyị ụkata ịnị irehi Ohomorihi nịnị. Uū sì ka wa vẹ ịnị Irehi Ohomorihi nịnị. Ama ọnị Ẹnẹyịmavara vaa mẹ Irehi anị ọnọọ ọsọọsa. Ezweyi-ezweyi awụ nịnị ana vọ hi Ijerusarẹmị vị ana a vaa kụ ịrẹkụ vaa wụ̀.

Ahẹ Ụgama 49:5

Ịjị ụmẹ odivi ọ̀ọ vẹ, ọọ vẹ dị aza edivi ana aa rị mị ẹtẹ ahụ gụ kara mi nị, me yi vee hí angwa.

Ịrịka 16:3

Dị ẹnịnị vabẹ va eyi ka Imosiisi ọnịrị Eerọnị. Dị ẹ ka Imosiisi ọnịrị Eerọnị è ro ka ẹnị hụụnị aza ana vọ nị. Avaba ẹnịnị Anisirẹrị vị aza Ẹnẹyịmavara, dị ọ rẹ ya pe ẹnị nị. Sị ẹ zụ mẹ ka Imosiisi ọnịrị Eerọnị ẹẹ sị eyi wụ̀ aza ana vọ?

Ahẹ Ụgama 59:12

Ebira odivi kẹnẹ ẹẹ̄ kà pooro nị Navọ oto ene e yee woo zị ọ̀ vara ịrẹpa za wa Ireche ọnịrị ịrẹyị odivi ẹẹ̄ kà nị.

Ahẹ Ụgama 131:1

Ẹnẹyịmavara, wâ yẹ ka mẹ mā mẹ eyi, mẹ yị kà ka â nyị ịsị mị vị. Mẹ mā sị ụvọ nọ ịnị ịrẹyị ẹbanyị-ẹbanyị ọnị ụvọ amị ò yi tù.

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

Ayịsaya 5:15

A vaa mẹ̀ ụhị nyị aza, dị a tẹ avaba aza ene ee wuu zị.

Ayịsaya 56:7

Ọ kà, “Mị vaa sị wụ nịnị vẹ Ịzayọnị, ataba ọnịnị amị. Mị vaa mẹ ka ẹẹ jẹ ịnị irehi amị ana yaā mẹ̀ aduwa. Mị vaa dọ ịsọvọ ẹnẹ ẹ̀ẹ mẹ ịrẹsụ ụta ịsọvọ amị. A vaa hị́ irehi amị irehi aduwaa yị avaba anẹkụra nịnị.

Ijeremaya 13:9

Aanị ọnị mẹ vee du avaba ịsa ọnị Anijuda ọnịrị Anijerusarẹmị nịnị aa sị mẹ̀ eyii zịị ha nị.

Ezikẹẹrị 20:40

Ọ kà, agụvị ka ịnị ataba ọnịnị anị, ataba ana nẹba tụ ẹtẹ Isirẹrị, avaba ẹwụ nịnị Anisirẹrị vaa yaa hẹkẹ ọnị nị. Ayị anị vee hinee tu wu nịnị, dị ọnị ee zì ka wa va mẹ̀ ịsọvọ yị ọnị nịnị ịzọọ dị wa sị ịsị ịsọvọ awụ nịnị ene hu kere-kere ọnị ụ sị tụ irenyi nịnị va yị ọnị.