Ịzẹhwanaya 3:1 - IWE ỌNỊNỊ

¹ Ịrẹyị o tù Ijerusarẹmị ẹngụ agụvị ka ẹkụra ọnọọ o si du. Aza ana ra ịzọọ aa mẹ akamawụ, dị ẹ yaa chamayị yị ẹngụ nị.

Ịzẹhwanaya 3:1 Referans Kwoze

Ijeremaya 6:6

Ẹnẹyịmavara Ochẹtẹẹngụ ka, ohinọyị ẹnẹnị ẹ̀ má ọchị ene hi Ijerusarẹmị, dị ẹnịnị ẹ̀ sị mẹ ẹnya ịrẹkụ. Ẹnịnị ẹ̀ kụ ezi gụ, dị ẹ̀ sị mẹ oze na hịrẹ ọvọ Ijerusarẹmị. Ọ kà, aa nyị ka ọnị ọ̀ sị ụya rị Anijerusarẹmị nịnị agụvị ka ẹvaya kẹnẹ ẹ yaa mẹẹ yị ẹngụ ịzọọ nị.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ayịsaya 30:12

Avọọ Ohomorihi Ọnịnị ana Anisirẹrị aa hẹkẹ va kà a ka A vị ụ ka wẹ dọ ịrẹyị ana a va kà wụ nịnị dị ahịka ayịchama ọnịrị amẹrị ụ sị ayị tụra nịnị nịị?

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Ịzakaraya 7:10

Asị ẹ mẹ ẹvaya yị osoku a vị ozi oku ọnịrị ọzọga a vị ọnụya. Asị ẹ sị ịrẹyị odivi ọza tụ́ ịnị ayị.

Ezikẹẹrị 22:7

Ẹ́ yị nyị ọza Ijerusarẹmị ana sị ụbanyị ada anị ọnịrị ọnyị anị. Waa mẹ azọga nịnịị rị. Dị waa mẹ ehunaa yị osoku nịnị ọnịrị ezi-oku nị.

Imika 2:2

Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ.

Ijeremaya 22:17

Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ireevi 1:16

O vee hu inomi ọnọọ asịsẹ, dị ọ kụ asịsẹ anị ọnịrị iruvu va hị́ eyi ọnị ụta ịsọvọ và ka ịzị ọyịị̄ hụrẹẹ vẹ ana aā kụ atịtọ hi.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Emọsị 3:9

Ẹnẹyịmavara kà Emosi ọ kà yị ohinọyị Anasiriya ọnịrị ohinọyị Anijipiti ka ẹnịnị ẹ jịnẹ nọ ịrẹsụ ataba Isamariya di e vee re ebira odivi Anisirẹrị nịnị nị.

Ezikẹẹrị 23:30

agụvị ka ẹwụrị anẹkụra ọsa nịnị ệ sẹ̀ ịrẹka, wa raa sị ori ẹnịnị du ẹngụ awụ ẹngụ.

Ezikẹẹrị 22:29

Opisa ẹnịnị vị anaa mẹ ọzaa rị, dị ẹyaa mẹ akoo yị aza. Ẹnịnị vị anaā mẹ ehunaa yị onosiye ọnịrị anẹkụra ọsa nịnị.

Ijeremaya 5:23

Ama ẹwụ nịnị vị anayọkatẹngụ, vị ụụ kụ̀ụ hịrẹ ọza nịnị nị. Wa sị ha tụ awụ nịnị, wẹ yị kụkụ saasa ọnị nịnị.

Ayịsaya 59:6

Ọ yị wụra mẹ achị ku ẹngụ; Ẹ yị nyị ọyịza ọnị ọ mẹ yị wa. Udivi kẹnẹ ọ vị ụkọrọ ụvọ ẹnịnị nị. Ụkọrọ eduha kẹnẹ ẹ sị ụvọ za nị.

Ijeremaya 6:7

Enyi meē hi ẹtẹ ịnị ịkangga avọọ, avọọ ebira odivi-odivi mẹ gwẹtẹ Ijerusarẹmị nị. Ebira ụkata-ụkata ọ̀yị sị mẹ ịrẹyị ọnịrị ịsa oyi du ha aa wụ́ ịzọọ nị. Ụkụ ọnịrị ụnava kẹnẹ ọnị ee re ịzọọ nị.