Ịzẹhwanaya 2:8 - IWE ỌNỊNỊ

⁸ Ẹnẹyịmavara kà ọnị ô wụ avaba ụhụ ọnịrị isiya ọnị Animowabi ọnịrị Anamọnị aa mẹ̀ aza anị. Ẹ hyakụ ee wo oto ka ẹnị a dọ Anisirẹrị ẹtẹ.

Ịzẹhwanaya 2:8 Referans Kwoze

Emọsị 1:13

Ẹnẹyịmavara kà ọnị aa pịva yị Anamọnị agụvị ebira odivi odivi ẹnị ê mẹ̀. Ẹnịnị ệ há ọnịrẹẹ ịnẹ ẹkụra ana aā hị́ Anigiriyadi agụvị di e si zune ẹtẹ tụ́ ịnị ẹtẹ ẹnịnị. Ẹnịnị ẹ yị mẹ̀ sị rị.

Ijeremaya 49:1

 nyị ẹkụra ana aā hị́ Amọnị. Ịrẹyị anẹkụra ọnọọ ọnị Ẹnẹyịmavara kà yị. Ẹnẹyịmavara kà, ịzị Anisirẹrị nịnị hi? Aanị ka ẹ́ yị nyị ọza ana vọrọ ka óó sere ẹtẹ Isirẹrị? Sị ẹ vẹ dị ẹ navọ ka aza anaa mẹ ori ana aā hị́ Imorẹkị ẹ̀ va ra ịnị ẹtẹ ịrẹsụ ana aā hị́ Igadi?

Ezikẹẹrị 36:2

ọnị Ẹnẹyịmavara Ochẹtẹẹngụ tụ́ hi wa ka: ọnịvị Anisirẹrị nịnị ee wo oto ka ataba ịyẹẹyẹ ẹnẹẹ, ẹ́ sị vị ẹẹnịnị.

Ijosuwa 5:9

Dị Ẹnẹyịmavara kà yị Ijosuwa ka ọnị ọ ra sị wa hụụnị ụhị ọnị ẹ ya ịnị anị ẹ mẹ vị ọrịhị tụ Ijipiti. Agụvị avọọ dị ọ hị́ ịzọọ Igirigari ana vị ịrẹha anị pooro tu ajịnị.

Ayịsaya 15:1

Ịrẹyị ọnị Ohomorihi ka o vee tù Animowabi. Ẹkụra Ari ọnịrị Ikiri ene hi ịnị ẹtẹ Imowabi vi ene vú ẹtẹ ịnị ịrahụ ẹkụhị ọnya.

Ayịsaya 16:6

Anijuda ka ẹnị ệ vịdị yẹ Animowabi mẹmẹẹ mẹ eyi. Vị ọ nyayịnẹ ẹ mẹ eyi ẹnẹmẹhị nị. Ama irenu osusu kẹnẹ ẹ vavọọ nyị nị.

Ijeremaya 12:14

Ẹnẹyịmavara kà, aa nyị ịsị ọnị aa kà ịnị ịpa aza ana ra vahụra Anisirẹrị nịnị. Ẹnịnị ẹ sị ẹtẹ ọnị ọnị sị yị aza anị, Anisirẹrị nịnị du ha. Ọ kà, ọnị vaa kụ aza edivi ẹnẹẹ hụụnị ẹkụra ẹnịnị anka á mee hu ọchị hụrị ẹtẹ avọọ, dị ọnị dọ Anijuda nịnị hụrẹ wa ụvọ.

Arụwẹ 3:61

Ẹnẹyịmavara ộ wụ́ ụhụ ọnị ẹ yaa kụ mị, dị ọ yẹ avaba eyọgẹ odivi ọnị ẹ hụ vị amị aa gẹ nị.

Ezikẹẹrị 21:28

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ọọ kà ịsẹ. Ọnị ọ̀ nọọ yị Anaamọnị nịnị anaa kụ Anisirẹrị nịnị ụhụ aanị, ịsị ọnị ọnị Ẹnẹyịmavara Ananyị ụkata hu aa kà. Ọ kà, ọnị ọ̀ kà a yị wa ka, asị ụhwọ tụ̀ a vaa wụ̀ aza. Asị ọ ne, dị a da ịsa sisi ọ ka ọọ za nyoonyo anka ịnyanya avọọ nị.

Emọsị 2:1

Ẹnẹyịmavara kà ọnị aa pịva yị Animowabi agụvị ebira odivi odivi ẹnị ẹ mẹ̀. Ẹnịnị ệ kụ ẹchụkụ ohinọyị Anedomi dị ẹ rị ọ ịra dị ọ sụ atịtọ nị. Ẹnịnị ẹ yị mẹ̀ ẹ sị rị.

Ịzẹhwanaya 2:10

Ẹnẹyịmavara vaa vavọọ mẹ̀ ẹ yị wa agụvị ka ẹnịnị aa sị ẹngụ tụ ẹba, dị ẹ rẹ ya kụ̀ aza anị ụhụ nị.

Oyinyima 19:37

Ana vị ọzọkụ ọ ma ozi ọnọrụ ọnya, dị ọ yị ọ Imowabi nị. Ọnị ọ vị ohiku Animowabi ve tụ́ ajịnị nị.

Oyinyima 19:38

Ana vị ozweyi ọnị ọ rẹ ma ozi ọnọrụ dị ọnị rẹ yị ọ Ịbẹnamị nị. Ọnị ọ rẹ vi ohiku Anamọnị ve tù ajịnị nị.

Ijeremaya 48:1

Ijeremaya kà, ịrẹyị ọnị Ẹnẹyịmavara Ochẹtẹẹngụ tụ ọnị hi aza ene hi Imowabi yị. Ịrẹyị o tu ẹwụ nịnị ene hi Inebo ẹngụ. Ẹkụra awụ nịnị ee vee vú ẹtẹ. Ẹtẹ Ikiriyatayimi vị ana a vaa mẹ̀ ụhị nyị, dị aa za a. Aha ụkata ẹnịnị vị ana a vaa gara a ha.

Ezikẹẹrị 25:1

Ezikẹẹrị ka ẹkụhị ọnya, Ẹnẹyịmavara ộ kà a yị ọnị ka.

Ezikẹẹrị 35:12

Ọ kà, ụ vaa yẹ nịnị ka ọnị, Ẹnẹyịmavara ộ wụ isiya ọnị waa mẹ nịnị ka, asị ataba-ataba ene hi Isirẹrị tu osusu, asị ọ hụrẹ ụvọ wụ nịnị ka waa gara a ha.