Ịzẹhwanaya 2:3 - IWE ỌNỊNỊ

³ Ama aza ana nyị angwahi Ẹnẹyịmavara ene hi ịzọọ, èe ro ịnẹ, dị ẹ saasa ọda anị nị, ẹyịyara Ẹnẹyịmavara vaa vayị ẹnịnị dị ọ dọ wa ha hụụnị ọyịkụ anị.

Ịzẹhwanaya 2:3 Referans Kwoze

Ahẹ Ụgama 76:9

Mị ka anẹhẹ ẹ yị zụ há irenu, ụ mẹ̀ kwẹẹtẹ ka wa mẹ̀ ọkarẹyị dị wa dọ avaba aza ana aza aa mẹ ehuna yịị tụ́.

Ahẹ Ụgama 22:26

Onosiye nịnị vaa rị ịsa dị ịnẹ ha wa; avaba aza ana àa ká Ẹnẹyịmavara vẹ, vị ana vaa gama a. Vi o vee zee yị wa pooro nị.

Ijona 3:9

Ẹnịnị ẹ̀ẹ vavọọ mẹ̀, ẹnẹ yẹ̀ ẹyịyara ayị Ohomorihi vaa rọ, dị ọ va hụụnị ọyịkụ anị, di o yi vu ẹnị ẹtẹ.

Ahẹ Ụgama 105:4

Wē nee tù Ẹnẹyịmavara kà ọ̀ gụ wụ nịnị ụvọ, dị waa hẹkẹ ẹnịnị pooro.

Ihoseya 10:12

Anka ọgẹrẹva ana jị ịrụkụ ịsa ọyịna avọọ, ẹnịnị e tenyi ebira ẹnịnị, ẹ mẹ ịzẹyịza agụvị e re ọyịza. Ẹnẹyịmavara kà ụmẹ o si tụ́ ka ẹnịnị ẹẹ hẹkẹ ọnị agụvị ọnị ọ mẹ ọyịza yị wa anka orihi mẹẹ̄ zụ avọọ.

Ijeremaya 39:18

Ka, ịzẹyịza ọnị vaa dọ ụ ha. Ịrẹkụ ẹ́ yị vaa rị ụ. Ọ kà ụ vaa ha agụvị ka waa sị ayị tụra ọnị.

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ahẹ Ụgama 57:1

Ohomorihi, aarịhịnị kwogwo navọ wa vayị amị Wâ yẹ ka ẹwụ mi zwe va vaka nị Ịda awụ m maa vakaa tụ́ pooro dị avaba ẹtẹ ana aa sụ́ kúkùkù ọ̀ ta nị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Ijeremaya 45:5

Avọọ, asị ẹwụ Ibaruki kà a ka wee si ịsa ozoza-ozoza yị ẹngụ awụ, agụvị ka ọnị Ẹnẹyịmavara vaa kụ ẹngụkata tu avaba aza, ọ ka, ama ẹwụ Ibaruki, aha tụra aha ọnị waa nọ, ọnị ẹ́ yị vaa zẹẹ ka à nyị ịsị ẹ mẹ̀ ẹwụ.

Ahẹ Ụgama 91:1

Ọza ana aa sị ẹngụ anị na tẹ̀ ịda Ohomorihi ana nẹba hu keekere ẹnị Ananyị yị vaa jị òkúu kú, dị ẹ yaa tụ́ ụhwọ nị.

1Ipita 3:4

Ama navọ ọvị awụ nịnị ọ̀ vị ọvị ịnị ayị, ẹhụụ ayọnẹtẹ ọnịrị ebira hẹẹ; ẹngụ ọvị ẹnẹẹ e mē du, ịsa obooro ẹ rẹ vị ini eyi Ohomorihi nị.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

Imatiwu 5:5

Aza ana nyị ebira hẹẹ vaa daa jẹ, agụvị ka ẹnị Óhomorihi vaa sị avaba ẹhẹẹ yị nị.

Ahẹ Ụgama 31:20

Ẹwụ ụvọta ọ sị wa tẹ dị wẹ̀ yị zẹẹ ka aza ene ee bè wa è re wa za nị Wâ sị wa tẹ ịda awụ, wẹ yị zẹẹ ka à nyị ịsị irenu ọnịvị zụ mẹ wa.

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ihoseya 7:10

Ka ẹnịnị aa sị ẹngụ tụ ẹba, ẹnịnị ẹ yị varẹma ne tu Ẹnẹyịmavara Ohomorihi ẹnịnị ịnị ụmẹ ọnị ịrẹyị sị tụ́ wa.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ahẹ Ụgama 149:4

Ịnẹ Ẹnẹyịmavara vi ene hine tù aza anị. Aza ana kà ẹngụ ẹnịnị chi vị ọnị ọọ̄ mẹ ka ẹ̀ nyị ehuna ọnịvị ẹnịnị.

Ọyịkụra 12:27

dị ẹ̀ kà a yị wa ka ịsọvọ ọyịparahu ọnị sịị mẹ yị Ẹnẹyịmavara nị. Ọ kà ẹ̀ kà a ka ọ mẹ̀ ngụ Ijipiti na para hu dị ọ wụ̀ wa, dị ọ para irehi avaba Anisirẹrị hu nị.” Dị aza ẹnẹẹ tana tụra ẹtẹ dị ẹ kụ́ Ohomorihi avọ nị.

1 Anịtẹsaronika 4:10

Ịzẹyịza, avọọ ụ màa mẹẹ hi anda ayị ene hi Imasedoniya nị. Ẹwụ nịnị ẹyịnyara amị, yaa dá ịpẹẹ wụ nịnị ka waa sịị vụrịị hu avọọ nịnị.

Ịzakaraya 8:19

Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ.

2 Ịsamụwẹrị 12:22

Di Idevidi kà, “Ịjị ozi ọnọọ yà ịzọọ, mẹ yị rị ịsa, mee sụ́ ùnè ka ọza ọ mā yẹ Ẹnẹyịmavara ọ zụ vayị amị, dị ọ naavọ.

Ahẹ Ụgama 45:4

Ẹwụrị ịzẹyịza beri ebira hẹẹ ọ̀ vavọọ ra. Ụ vaa nyị ụkata dị ụ nyị ẹbẹẹba ọnịvị awụ.

Ayịsaya 1:17

dị waa mẹ̀ ebira ene zoza. Na sị ụvọ hụụnị amẹrị. Wèe re ka aa chamayịị yị ọza, ụ na gụ ọ ụvọ. Asị ụ rẹ mẹ ehuna yị ozi oku. Ọza aa mẹ ehunaa yi osoku dị ụ na dọ ọ tụ́.

Ezikẹẹrị 13:5

Ẹnịnị ẹ́ yị na jẹẹ ịzị ọvọ wú hi ẹtẹ dị ee sere e. Ẹnịnị ẹ́ yị rẹ va kà a ka ẹnị ee tenyi ọvọ ọnọọ tụra; agụvị avọọ Anisirẹrị nịnị é yi vee re ịsaa dọ waa tụ ịhị Ẹnẹyịmavara ọọ ka ọnị aa sị ụyaa rị wa, dị a kụ ịrẹkụ ve tu wa nị.