Ịzẹhwanaya 1:7 - IWE ỌNỊNỊ

⁷ Dị ọ ka, ẹnịnị ẹ mẹ hẹẹ ka ẹkụhị ọnị ọnị vaa sị mẹ̀ ọkarẹyị yị wa aa gụrị ẹtẹ. Ọ kà ọnị ô tenyi ẹngụ ka ọnị ọ̀ hụrẹ wa ụvọ, dị ọnịvị ẹnịnị ẹ va hụ wa hụụnị ẹtẹ ẹnịnị.

Ịzẹhwanaya 1:7 Referans Kwoze

Ihabaku 2:20

Ẹnẹyịmavara yaa ịnị irehi anị, ọzọza ọ mẹ̀ hẹẹ ọvịdị anị.

Ịzakaraya 2:13

Avaba aza ẹ mẹ hẹẹ ọvịdị Ẹnẹyịmavara, agụvị ka ọ sị kwẹẹtẹ hụrị aha ọnọnị anị aa vẹ.

Ịzẹhwanaya 1:14

Ẹkụhị ọnị Ẹnẹyịmavara vaa sị ụya rị wa aa gụrị ẹtẹ. Ẹ yị jẹẹ dị eyi anị ọ nị. Ẹkụhị odivi ọnọọ aa vẹ ọnị ọka ịrẹkụ ọnọrụ nịnị vee nowu ịjị ẹtẹ ọ̀ọ ka za wa.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ayịsaya 34:6

Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị.

Ayịsaya 13:6

Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.

Imatiwu 22:4

Dị ọ rẹ tụ́ ezi ahụ anị ọsa nị, ka ẹ̀ na kà a yị aza anaa vịdị kà a yị aanị ka, ‘Ma sị ịsa mẹ, ọ! Ma kụ́ imaaru amị wụ ọnịrị ịsụpa anaa pá ka ọ̀ banyị dị à va wụ ọọ. Ma sị avaba ịsa mẹ ta; vẹ ịnị ịrẹyị ọnẹẹ amị nịnị!’

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

1 Ịsamụwẹrị 16:5

Dị Ịsamụwẹrị ka ẹ yị nyị ịrẹyị, vị ọnị vẹ ka ọnị ọ̀ va mẹ̀ ịsọvọ yị Ẹnẹyịmavara nị. Ọ kà ẹ̀ mẹ ido ana vọrọ ka ẹ̀ mẹ, dị ẹnịnị ẹ̀ vẹ ịnị ịsọvọ ọnọọ.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Emọsị 6:10

A vaa nyị anda ana vẹ ka ọnị ọ vaa rị oku ẹnẹẹ ịra kwooze, ịjị ọ raa kụ́ wa hi ẹhẹ, di o họ̀ use ọza ana vọ ịnị irehi ọnọọ ka, oku ọ́ọ́ vọ? Dị ọ tụ́ ọ ohi ka heyiye. Dị ọ ka pe kẹ, asị a nyị ọza ana ha irenu ta Ẹnẹyịmavara ubo.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Ezikẹẹrị 7:10

Ọ kà, ẹwụ nịnị Anisirẹrị ẹkụhị ọnị ụ vaa sị rị ụya nịnị aa vẹ. Ebira jugu-jugu vị ọnị ọzọza kụkụ aa mẹ o me zee e eyi. Ọzọza vị ana kụkụ à sị ẹngụ tụ ẹba ọ mẹ zụ mẹ zụ.

Ezikẹẹrị 7:7

Ẹwụ nịnị ana ra hi ẹtẹ Isirẹrị, ẹzẹtẹ awụ nịnị aa vẹ o. Ụmẹ ọ sị gụrị ẹtẹ ana avaba awụ nịnị vaa vazi, dị ọza ẹ yị ma vana kụkụ wụ ka aza ee nowu, ayị ẹnịnị mee hine, ịnị ịrẹba ọnị ụ jị hi ịnị ataba nịnị.

Ayịsaya 6:5

Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”

Anikorasi 1:12

dị ụ waa kụ́ Ohomorihi Ada ayị avọ nịnị. Ọnị ọ mẹ wụ nịnị vọrọ ka wa zụ nyị tụ́ ịnị ẹyịza ọnị ọ sị tẹ yị aza anị ịdị anị ịzị ẹtohweyi ya nị.

Anihwiripi 4:5

Sị zụ̀ avaba aza nịnị ka waa nyị ebira hẹẹ nịnị. Ananyị yị aa vaa vẹ.

Aniroomi 9:20

Ẹ yị vị avọọ ọ mẹ̀ vị, oo. Ẹwụ ọzarẹyịrẹsụ kẹnẹ, ẹnẹ vị ẹwụ ana aa và Ohomorihi ị̀karenu? Ụnọkọ ọ yị zụ kà a yị ọza ana jị ọọ ka, “Ho, sị ẹ vẹ dị ụ maanị jị mị?”

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.

Ahẹ Ụgama 46:10

Ohomorihi ka ẹ̀ za ụvọ jẹẹ, asị ẹ rẹ kụkụ kụ̀ ịrẹkụ dị ẹ̀ yẹ ka ọnị ọ vị Ohomorihi nị ọnị ọ vị Ohomorihi nị Avaba anẹkụra ene hi ẹhẹ vaa sị ụbanyịị yị ọnị

1 Ịsamụwẹrị 20:26

nyị ịsị Ịsọọrụ kà ịhị ọnọọ. Ô ro ka â nyị ịsị ẹ mẹ̀ Idevidi ana vị ịrẹyị enyisi. Ọ kà a yị zụ nyị ka ẹ yị vị a nyị ịrẹyị enyisi ene tù Idevidi.

Ijoovu 24:1

Ijoovu ka sị ẹ vẹ dị Ohomorihi Ochẹtẹẹngụ ẹ yị sị ụmẹ tịtẹ ana a sị mẹ̀ ọkarẹyị, agụvị aza anaa hẹkẹ ẹ è zụ re e ka ọnịzẹyịza ọ́ vị nị?

Ayịsaya 13:3

Ẹnẹyịmavara ọ raà hị́ isoja anị ka ẹ̀ na sị ụya rị aza ọnị ịrẹyị anị aa kụ́ ọnị ayị. Ezirẹkụ ẹnẹẹ vị ana vaa jẹ ka Ananyị yị ọ sị ọnịvị anị huna.

Ayịsaya 29:2

Ama yẹ ka Ohomorihi aa kụ́ ịrẹkụ vee tù wu nịnị, ẹwụ nịnị Anariyẹrị. U vee nowu nịnị, dị waa jị òrèrè. Vị Ohomorihi vaa mẹ wụ nịnị anka arasị ịzị a yàa rị ịsa ịsọvọ ịra avọọ nị.

Ayịsaya 34:5

Ẹnẹyịmavara ọ sị ụhwọ anị ne rị ụvọ tụ́ ẹbẹẹba. Ọnị ọ vaa sị wụ̀ Anedomii vaa ha nị. Ộ vịdị raà mẹ̀ ọkarẹyị ẹnịnị ka à wụ̀ wa và ha.

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Emọsị 8:3

Ẹnẹyịmavara Ohomorihi ka ịhị ẹkụhị ọnọọ òo tú, ahẹ ẹnẹ ẹ vịdịị jị ini irehi Ohomorihi vaa vara orere. Oku aza ene su vi ana vaa gụ nyaanya aha tụra aha. Dị ọzọza aa kụ aanị hi ẹhẹ hẹẹ-hẹẹ hụụnị ẹkụra.

Ịzakaraya 14:1

Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ. Ịhị ọnọọ dị anẹkụra ọsa vaa kụ́ ogu Ijerusarẹmị, dị ẹ ga hi ẹngụ ụvọ eyi ẹnịnị.