Ịtayịtọsị 3:4 - IWE ỌNỊNỊ

⁴ Ịrẹma ẹnẹẹ, ụmẹ ọnya kẹnẹ, dị Ohomorihi Ọdọzaha ayị sị zụ̀ ka ọnị ọ́ọ ngụ ayị aza, dị o re sì ịrẹyị aza nị.

Ịtayịtọsị 3:4 Referans Kwoze

1 Itimoti 4:10

Agụvị avọọ, ị vụrị aa mẹ̀ ụkọrọ nị, agụvị ka yáa sị eyi tụra Ohomorihi ana yára. Ọnị ọ vị Ọdọzaha avaba aza nị, hu keekere, aza ana hyakụ sị ayị tụraa.

Anihiburu 9:26

Àyị vị avọọ, vị ọ yaanị aa rị ụya ụmẹ tụra ụmẹ, ẹ́hẹ mẹ̀ hụrẹ nyima nị. Ama ộ vẹ ịnị ẹhẹ ọnọnị ụpẹ ọnya gene-gene ịnị ụmẹ ẹnẹ ẹhẹ aa vaa ta aanị, ka ọnị ọ̀ sị ẹngụ anị mẹ̀ ịsọvọ, dị ọ̀ kụ́ ịvị aza kwooze.

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

Ịtayịtọsị 1:3

Ịjị ụmẹ anị ve si tù, dị Ohomorihi ana vị Ọdọzaha ayị va sị avaba ịrẹyị ọnọọ zụ̀ aza ini oze ịrẹyị anị ọnị o si chire mi ụvọ nị Ộ mẹ ọdaa mị ka ma vavọọ mẹ.

2 Itimoti 1:10

Ijeesu Ikirisiti Ọdọzaha ayị mẹ̀ vavẹ ẹhẹ aanị, Ohomorihi ọ raà mẹ ka aza è ree. Ijeesu ọ va raà kụ́ ụkata isu kwooze; ọ raà mẹ ka aza ẹ̀ kụkụ yára pooro dị asị e kuku sú. Ini oze enube ọyịza ị ya yẹ ọsọnị nị.

1 Itimoti 2:3

Ẹngụ ọnọọ óo zoza, o re zé Ohomorihi Ọdọzaha ayị eyi.

1 Itimoti 1:1

Ẹma vị Ịpọọrụ ana vị odeyi Ijeesu Ikirisiti nị. Ohomorihi, Ọdọzaha ayị, ọnịrị Ijeesu Ikirisiti oni i sị eyi tụra, ọ mẹ ọda ka ma vị odeyi nị.

Iruuku 1:47

Mâ da jẹ agụvị Ohomorihi Ọdọzaha amị,

1Ipita 2:3

agụvị ka wa sị ayamva Ohomorihi dá ree nịnị.