Iruutu 4:4 - IWE ỌNỊNỊ

⁴ Mê ro ka a vọrọ ka ma kà a yị wụ, dị wa hị́ ọ ịnị eyi anda ayị ọnịrị azọkụ ayị ene hi ẹtẹ aanị. Wèe sì ka waa hị́, ụ hị́ ọ, wẹ̀ yị rẹ hị́ ọ, waa kà a mị dị ma yẹ. Wâ yẹ ka ẹwụ ọ vọrọ tụra ka ọ̀ hị́ ọ nị. Wẹ̀ yị hị́ ọ, di o si tù mị.” Dị ọnọrụ ọnọọ ka, “Maa hị́ ọ de!”

Iruutu 4:4 Referans Kwoze

Anihwiripi 4:8

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

2 Anịkọrịntị 8:21

Ẹ yị vị Ananyị yị kẹnẹ, i yee sì ka ya mẹ̀ ịsa ana vọrọ ini eyi anị. Yee sì ka ya rẹẹ mẹ̀ ịsa ana vọrọ ini eyi ọza bẹẹ.

Aniroomi 12:17

Ọza ọ̀ọ mẹ wụ nịnị ịsa odivi, asị u sị odivi sí ọọ atọ nịnị! Waa mẹ avaba ịsa ana aza dọ ka hịịn, ịzẹyịza yọ nị!

Ijeremaya 32:25

Ijeremaya ka: Ama Ohomorihi Ananyị ka dị a daka aa yịị vaa sị ẹkụra ọnọnị yị Anibabironi aanị, ọnị sị ẹkẹhị na hị́ ẹtẹ ọnọnị dị ọnị ọ̀ nyị onivenu tụ ọ.

Oyinyima 23:18

a ná yị Abụrahamị éyi avaba Anihiti ana na gẹ eyi ụtọ oze ẹkụra nị. Dị ẹtẹ ọnọọ kụkụ vị ẹtẹ Abụrahamị nị.

Oyinyima 23:11

“Eyiye, nda, re ọnị ọ sị ẹtẹ ọnọọ yọ ne beri ụtẹha ana yà ịnị anị éyi avaba anda ẹnịnị ẹnẹnị. Ọ kà ọnị ọ sị yọ ka òo ne oku ene èe sú ọ ịnị anị.”

Iwe Ọhụhị Imosiisi ana aa hị́ Ọyịvatụrọda 25:8

Ọdọvịdị ẹkụra nịnị vaa tụ́ụ hị́ ọ, dị ẹ kà ịrẹyịị yọ ọ̀ọ kị ka ọnị ẹ yị nyị ọ,

Iruutu 2:20

Dị Inawomi ka, “Ẹnẹyịmavara vaa mẹ ka ò zee yi Ibowazị. Ẹnẹyịmavara o yi mē hí ayị ọza ene sú ọnịrị ọza ana yàra. Oō vayị ẹnịnị.” Dị Inawomi ka, “Wáá yẹ ka ọnọrụ ọnọọ vị anda ayị. Ọza ana vọrọ ka ọ̀ za ẹnya ayị ọ vị nị.”

Iruutu 3:9

Di Ibowazị họ̀ ọ use ka, “Ẹnị ẹ yà ịzọọ?” Dị Iruutu ka ọnị ọ vị Iruutu ozi ịdị anị nị. Dị ọ rẹ ka, “Ẹwa vị anda ọva amị ana a vọrọ ka ọ̀ kú mị ogu nị.”

Iruutu 3:12

Ịzẹyịza, ẹmị a vọrọ ka ọ̀ kụ́ ụ ogu nị, ama â nyị ohova awụ ọsa ana gụrị ọva awụ huna amị.