Iruutu 4:1 - IWE ỌNỊNỊ

¹ Ibowazị ọnị ộ nọ aha eyọgẹ anẹkụra, oze ovwoovu ẹkụra, dị ọ yaayịtẹ nị. Ọ mẹ̀ yà ịzọọ, dị anda Ẹrịmẹrẹkị ọnị Ibowazị kà ịrẹyị aanị aa parahu ịzọọ nị. Dị Ibowazị ka, “Va yaatụ ịzẹnị ọta amị.” Dị ọnọrụ ọnọọ na yaatụ nị.

Iruutu 4:1 Referans Kwoze

Iruutu 3:12

Ịzẹyịza, ẹmị a vọrọ ka ọ̀ kụ́ ụ ogu nị, ama â nyị ohova awụ ọsa ana gụrị ọva awụ huna amị.

Iwe Ọhụhị Imosiisi ana aa hị́ Ọyịvatụrọda 25:7

Ama ọyịnyara ọva ọnẹẹ ọnọọ è yi si ka ọnị ọ̀ nyị ose ọyịnyara anị, ọnẹẹ ọnọọ ò ne tu ọdọvịdị ẹkụra nịnị enoze ọbanyị ẹkụra, dị ọ̀ kà a ka: Ọyịnyara ọva amị ka ịrẹha ọyịnyara ò vu hụụnị ẹtẹ Isirẹrị o. Ô yi ka ọnị ẹ yị mẹ ịsị a vọrọ ka ọnị ọ̀ mẹ o.

Iwe Ọhụhị Imosiisi ana aa hị́ Ọyịvatụrọda 16:18

Re ka waa nyị ọmọkarẹyị nịnị ọnịrị ọdọvịdị nịnị hi ẹkụra-ẹkụra ẹnẹ Ẹnẹyịmavara Ohomorihi awụ aa sịị wụ nịnị. Ịzẹyịza ẹ vaa sịị mẹ̀ ọkarẹyị yị avaba aza nị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Ijoovu 31:21

Mẹ̀ yị mẹ ehuna yị ozi oku da, agụvị ka maa yẹ ka àa kụ́ ọ tụ́ ikootu mị vaa rị ịhị.

Ijoovu 29:7

Azọkụ ẹkụra ẹ̀ẹ dị ọnị rẹ ya aha anị ịnị akakana ẹnịnị.

Iwe Ọhụhị Imosiisi ana aa hị́ Ọyịvatụrọda 21:19

Aza ana ma ozi ọnọọ ẹ̀ sị ọ ne tu ọdọvịdị ẹkụra èe hi ini ikootu óze ọbanyị ẹkụra.

Ịzakaraya 2:6

Ẹnẹyịmavara kà a ẹnịnị e juntu-juntu zwe hụụnị ẹtẹ eyi ẹbẹẹba agụvị ka ọnị ọ raa gara wa tụ́ oze ahị ẹbẹẹba ẹẹna.

Ayịsaya 55:1

Ẹnẹyịmavara kà, avaba ẹwụ nịnị oni onyi aa kụ̀, wa vẹ nịnị. Enyi yị! Ẹwụ nịnị ẹnẹ ẹ̀ yị nyị ẹkẹhị, wa vẹ. Vá hị́ apaapa dị ụ wa rị ọ. Vá hị́ eche ọnịrị ịrẹva ụnọ ọọhẹ nịnị.

Iwe Ọhụhị Imosiisi ana aa hị́ Ọyịvatụrọda 17:5

a sị ọ jịnẹ nọ ịrẹma ẹkụra, dị a sị ịrẹta-ịrẹta wụ̀ ọ.

Oyinyima 23:10

Ịjị ọ maanị kà a, Ehwironi vị ana yaayịtẹ beri Anihiti ana vọ. Di Ehwironi tụ́ ohi eyi avaba Anihiti ana vọ ana nọ ịnị eyọgẹ ụtọ oze ẹkụra dị ọ ka:

Oyinyima 34:20

Di Ihamori ọnịrị Ịsẹkẹmị ozi anị vẹ enoze ẹkụra ẹnịnị dị ọ kà ịrẹyị yị anẹkụra anị nị dị ọ ka:

Ijosuwa 20:4

Ọ̀ọ vavọọ na ngụ ịzọọ kẹnẹ, dị ọ ne tu ọdọvịdị ene oze ovwoovu ẹkụra. Dị ọ ka yị wa ịsa ana mẹ. Ẹnịnị va sị oze yọ ka ọ ngụ ẹkụra dị ọ ra ịzọọ pe ẹnị.

Iruutu 3:18

Dị Inawomi kà a yọ ka, “Yaayịtẹ ozi emi, dị wa yẹ ịsa ana vaa mẹ. Maa yẹ ka Ibowazị ẹ yị vaa tụ́ ụhwọ́ pooro dị ịrẹyị ọ̀ vị ajịnị.”

2 Ịsamụwẹrị 15:2

Abịsarọmị vị anaā kwẹẹtẹ ẹnẹnẹ viri-viri dị ọ na jẹẹ ụtọ oze ịzị a zịị nọ ịnị ẹkụra. Ọ̀ọ vavọọ jẹẹ ịzọọ dị a nyị ọza oni o re ene ee sì ka ọnị ọ̀ sị ịrẹyị ọza ọnị ọnịrịị kụ́ va tụ̀ ohinọyị ịrẹka dị ọ̀ mẹ̀ ọkarẹyị tụ́ ọ nị, dị Abịsarọmị hị́ ọ. Ọ́ọ vavọọ sị ọ hị́ vẹ, dị ọ họ̀ ọ ka ye re ẹkụra ọnị ọ hụrẹ vẹ. Dị aza ẹnẹẹ rẹ ká a yọ ka ịrẹsụ ọnya ẹnị rẹ vị ini Anisirẹrị nị.

2 Ịtọpa 18:9

Ịjọnọọ ohinọyị Anisirẹrị ọnịrị Ijehosahwati ana vi ohinọyị Anijuda vi ana yaayịtẹ, di ọzọza yà ịnị aga anị nị. Ọzọza vi ene chire awuru di e hi ịzị eē tụ́ ayị ini enoze ana na ngụ ịnị ẹkụra. Dị avaba ọnịsẹ hí ọvịdị ẹnịnị dị ọzọza aa kà ịsẹ nị.

Ahẹ Ụgama 69:12

Aza ene hi oze ini orere aa mẹ mị isiya di ohweche ẹnị aa jị mị ahẹ nị.

Ụhịrẹyị 31:23

Ọva anị vị ọnị eyi yẹ ịzị ọdọvịdịị kụụ gụ ịnị ẹkụra, dị a sị ụbanyị yọ nị.

Ijeremaya 32:10

Ọ kà â mẹ iwe tụ ọ, dị ọnị sị ụvọ hi ọ, dị ọnị rẹ sị ịngọ ngọ ẹkẹhị ọnọọ eyi onivenu nịnị nị.

Oyinyima 19:1

Ini oruva ịhị ọnọọ, dị anggẹẹrị ẹẹva ẹnẹẹ na sị ngụ Isodọmị nị Ịrọọtị ọnị vị ana yaayịtẹ ózee ana na ngụ ịnị ẹkụra. Ịrọọtị mè re wa, di o zwe na gẹrị wa, dị ọ tana tụra ẹtẹ kụ́ wa nị.