Iruutu 1:8 - IWE ỌNỊNỊ

⁸ dị Inawomi hị́ ese ezi anị ẹyịva, dị ọ kà yị wa ka ẹ̀ varẹma ka ọnyị ẹnịnị na nị. Dị ọ kà Ẹnẹyịmavara ọ̀ mẹ ọyịza yị wa anka ẹnị mẹ̀ rẹ mẹ yị ọva ẹnịnị ene sú ọnịrị ọnị nị.

Iruutu 1:8 Referans Kwoze

Iruutu 1:5

dị ezi anị ọnọrụ ẹyịva ẹnẹẹ ve sú nị. Dị ọnyị ẹnịnị kụkụ vị osoku ọnịrị ọbọrị nị.

Iruutu 2:20

Dị Inawomi ka, “Ẹnẹyịmavara vaa mẹ ka ò zee yi Ibowazị. Ẹnẹyịmavara o yi mē hí ayị ọza ene sú ọnịrị ọza ana yàra. Oō vayị ẹnịnị.” Dị Inawomi ka, “Wáá yẹ ka ọnọrụ ọnọọ vị anda ayị. Ọza ana vọrọ ka ọ̀ za ẹnya ayị ọ vị nị.”

Anikorasi 3:18

Ẹwụ nịnị ọnẹẹ ana nyị ọnọrụ, waa ká ịrẹsụ hii yị ọva awụ nịnị anka ọ mẹ̀ vọrọ tụra ọza Ohomorihi.

Anikorasi 3:24

Wáa yẹ ka Ikirisiti Ananyị yị, ụ waa hẹkẹ nịnị nị. Oni o vee sí wu atọ ụkọrọ awụ nịnị nị, ọnị ọ vị ka ẹyịza ọnị ọ sị tẹ wụ nịnị.

Anẹhwẹsọsị 5:22

Ẹwụ nịnị ose, ọzọza ọ̀ọ sị ịrẹsụụ yị ọva anị, anka ụ mẹ̀ sị ịrẹsụ yị Ananyị yị nịnị,

Iruutu 1:7

Dị ẹ varẹma aa nọ ịnị ẹtẹ Ijuda nị. Ẹ mẹ̀ vavọọ kwẹẹtẹ va tụra oze aa na,

Iruutu 1:9

Dị ọ rẹ ka Ẹnẹyịmavara ọ̀ sị wa na gẹrị ọnọrụ ọyịza ịzị ẹ vaa yàa nyị ayọnẹtẹ nị. Ịjị ọ vavọọ sị kà, dị ọ hara wa kú ayị, di Ọpa ọnịrị Iruutu a jị òrèrè boro-boro nị.

Iruutu 3:10

Di Ibowazị ka, “Ẹnẹyịmavara ọ̀ navọ ò zee wụ, ozi emi. Ịsị ụ mẹ̀ aanị ô huna ọnị ụ vịdị mẹ̀ ana sị zụ ka wâ sị ayị yị ovwoovu ọva awụ. Wẹ yị kà a ka wee si ezwọọmụha, ọ̀ọ nyị ịsa, ọ̀ọ yị nyị.

2 Ịsamụwẹrị 2:6

Ọ kà Ẹnẹyịmavara anaā mẹ ịzẹyịza pooro ọ̀ vavọọ ọ̀ vayị ẹnịnị, dị ọ̀ mẹ ka ò zee yi wa. Di Idevidi ka oni vee si wa atọ ebira ozoza ẹnị ẹ maanị mẹ aanị.