Iruutu 1:6 - IWE ỌNỊNỊ

⁶ Inawomi vị ana yịị ra ịnị ẹtẹ Imowabi, dị ọ va wụ́ ka Ẹnẹyịmavara ộ tamayị aza anị nị. Ộ sị ịsọyịrị va yị wa. Dị Inawomi ọnịrị ese ezi anị va kwẹẹtẹ ka ẹnị ẹ hụrẹ Imowabi nị.

Iruutu 1:6 Referans Kwoze

Ahẹ Ụgama 132:15

Ọ rẹ ka ọnị vaa mẹ ka ò zee yọ ẹtẹẹtẹrẹ, dị ọnị mẹ ka onosiye ene hi ịzọọ è re ịsa rị dị ịnẹ ọ̀ há wa.

Ahẹ Ụgama 111:5

Aza ene hí angwa anị vị ọnị ọọ̄ sị ịsọyịrị yị. O mē hi ayị ịrẹyị ọnị ọ kà tịtẹ ka ọnị vaa mẹ.

Ọyịkụra 4:31

Aza ẹnẹẹ ệ dọ ka ịrẹyị ẹnịnị vị ịzẹyịza. Ịjị ẹ wụ́ ọ ka Ẹnẹyịmavara o reè re ụya ọnị ẹnịnị aa rị, dị ịrẹyị ene tu Anisirẹrị zị ọ ẹngụ nị. Dị ẹ tana tụra ẹtẹ, dị ẹ hẹkẹ ẹ nị.

Ọyịkụra 3:16

Dị ọ rẹ ka ọ̀ na kụ azọkụ Anisirẹrị gụ dị ọ̀ kà a yị wa ka Ẹnẹyịmavara ana vị Ohomorihi ana Abụrahamị, Ayiziiki ọnịrị Ijekọvụ ohiku ẹnịnị hẹkẹ ọ raà sị ẹngụ zụ̀ ọ. Ọka ọ̀ kà a ka ọnị ka ọnị ee re wa ịsị aa sị waa mẹ ịnị ẹtẹ Ijipiti.

Iruuku 19:44

Dị ẹ vara wụ eteesu saka-saka beri ezi ewu. Ẹnịnị ẹ yị vaa navọ ịrẹta ẹnyịị tụra ọsa, agụvị ka wẹ yị yẹ ụmẹ oni Ohomorihi sị vẹ ka ọnị ọ̀ va dọ wụ há.”

Iruuku 1:68

“À vẹ ya sị ụga yị Ananyị yị ana vị Ohomorihi Anisirẹrị! Agụvị ka ọ va raà gụ aza anị ụvọ, ọ sị wa hị́ varẹma.

Imatiwu 6:11

Sị ịsọyịrị ẹkụhị ajịnị yị yị,

Ijeremaya 29:10

Ẹnẹyịmavara kà, ịjị waa raa mẹ ịrayị ẹtarẹwụ Ịbabịrọnị nịnị, ọnị vaa va eyi vẹ ịnị ịrẹyị awụ nịnị, dị ọnị kụ wụ nịnị và vẹ eehi anka ọnị mẹ vịdị kà a.

Ayịsaya 55:10

Orihi ọnịrị ata orihi vị anaā hụrẹ ẹbẹẹba vẹ, dị ẹ yị vavẹ ịzọọ, ẹ̀ yị vị ịjị ẹtẹ sị enyi hú. Ẹtẹ ọ̀ọ sị enyi hú, dị ọ mẹ ka ịsa ịnị aarẹ ẹ̀ chị́ hi ẹhẹ, dị ẹ si ihu yị ọza eneē mí ịsa ọyịna, dị ọ sị ịsọyịrị yị ọza.

Ịzẹhwanaya 2:7

Ẹnẹyịmavara kà ọnị vaa sị ịzọọ yị Anijuda nịnị ana vọ ka ẹ ra ịzọọ, dị ẹẹ kụ ịsụpa ẹnịnịị̄ rị ịzọọ, dị ẹẹ sụ ịnị irehi Anasikeroni nịnị, Ẹnẹyịmavara ana vị Ohomorihi ka ọnị vaa tẹsị ẹnịnị, dị ọ varẹma ze yị wa.

Ahẹ Ụgama 146:7

Ọnị ọọ̄ vụ̀ ịrẹvụụ yị aza ana aza aa mẹ ehunaa yị nị. Ọnị ọ rẹẹ sị ịsọyịrịị yị ọza ọnị ụngwẹ aa kụ̀ nị. Ọnị ọọ̄ hụrẹ aza ana a za hi ịnị ẹngwa nị.

Ahẹ Ụgama 145:15

Avaba aza vị ana kụ́ eyi pè wụ, dị waa sị ịsọyịrị ẹnị Aza ana aa mẹ ịzẹyịza vaa jẹẹ pè e.

1 Ịsamụwẹrị 2:21

Ẹnẹyịmavara ộ nyị Ịhaana iyi ẹtẹẹtẹrẹ. O re zyẹẹ tụra ẹngụ tụra ẹngụ dị ọ ma ezi anọrụ ẹẹta ọnịrị ezi anẹẹ ẹẹva. Ama Ịsamụwẹrị ọnị yị ya ịda Ẹnẹyịmavara, aa vịra.

Oyinyima 50:25

Di Ijosẹẹhụ kà a yị ezi Isirẹrị dị ọ ka, “Mâ yẹ ka Ohomorihi vaa gụ wụ nịnị ụvọ. Ama hị́ eku mị nịnị ka ụ vaa kụ́ ẹchụkụ amịị za wàa nọ ịnị ẹtẹ ọnọọ nịnị.”

Oyinyima 48:15

Di Ijekọvụ mẹ̀ aduwa yị Ijosẹẹhụ dị ọ ka, “Ohomorihi, oni ohiku anị Abụrahamị ọnịrị Ayiziiki hẹkẹ, Ohomorihi ana zụ̀ ọnị oze pooro ve tù ajịnị,

Oyinyima 28:20

Di Ijekọvụ zẹẹ Ohomorihi ịzẹzẹ dị ọ ka: Àa vị ka Ohomorihi ộ yà pè ọnị, di o sere ọnị ịnị ụsẹ ọnị ọnị aa zị aanị nị; ọ̀ọ sị ịsọyịrị yị ọnị, dị ọ sị ịta yị ọnị kú ẹngụ nị

Oyinyima 21:1

Ẹnẹyịmavara ô nyị Isera iyi anka ọ mẹ̀ vịdị kà a. Ịsị ọ ka ọnị aa mẹẹ yọ dị ọ mẹ̀ ẹ yọ ịzẹyịza nị.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

1 Itimoti 6:8

Agụvị avọọ, yàa sị ịta ọnịrị ịsọyịrị nyị, áa vọrọ ka ọnọọ ọ̀ hụ yị.

Ahẹ Ụgama 147:14

Ọ yị zẹẹ ka aza ana kara wụ nịnị ẹ̀ kú ịrẹkụ re tù wu nịnị, di aa sị ịsọyịrị ana aā hị́ ihwiti ene zozaa wụ nịnị nị.

Ụhịrẹyị 30:8

Ộ ka Ohomorihi ọ sị apẹ ọnịrị ireche noze rịịrị ọnị. Asị ọ zẹ ka iruwa ọ za ọnị, dị asị ọ rẹ mẹ̀ ogu hi ẹtẹ yị ọnị baaba, ama ọ sị ẹhụ ịsọyịrị anị kẹnẹ yị ọnị.

Iruutu 1:5

dị ezi anị ọnọrụ ẹyịva ẹnẹẹ ve sú nị. Dị ọnyị ẹnịnị kụkụ vị osoku ọnịrị ọbọrị nị.

Iruutu 1:7

Dị ẹ varẹma aa nọ ịnị ẹtẹ Ijuda nị. Ẹ mẹ̀ vavọọ kwẹẹtẹ va tụra oze aa na,

Ahẹ Ụgama 102:14

Ezi ahụ awụ vị ana nyayịnẹ sì ịrẹyị Anịzayọnị. Ọ̀ọ daka zee e eyi ọ sị jị eburu, ẹnịnị vị ana aa vịị vayị Anịzayọnị

Ijowẹrị 2:19

Dị ọ tu wa ohi ka ọnị vaa mẹ ka ịsa ịnị aarẹ ẹnịnị o zoza, dị ẹ nyị akụ ọnịrị eche ọwọọwa ne beri angwẹ ana hụ́ wa, dị ọ vọ ẹtẹ hi ẹtẹ. Agụvị avọọ Anẹkụra ana vọ ẹ yị kụkụ vaa sị wa ẹtẹ.