Iruutu 1:16 - IWE ỌNỊNỊ

¹⁶ Ama dị Iruutu tụ́ o ohi ka, “Asị ụ rẹ kụ́ ọ hi mi ẹngụ ka ma navọ wụ dị ma varẹma. Ịzị wàa nọ kẹnẹ ẹmị raa nọ nị, ịzị waa ra ẹmị raa ra nị. Anda awụ nịnị ẹ rẹ vaa vị anda amị nị. Ohomorihi awụ ọ rẹ vaa vị Ohomorihi amị nị.

Iruutu 1:16 Referans Kwoze

2 Ịsamụwẹrị 15:21

Di Itayi tụ́ ohi dị ọ ka, Taarụ, ọnị ộ sị Ẹnẹyịmavara ọnịrị ịrẹsụ ohinọyị tẹ ivenu ka aha tụra aha oni ohinọyị ọ̀ọ yà ịzọọ ọnị raa yà nị. Ọ kà ọ̀ọ daka tù iisu, ọnịrị ohinọyị yọ nị.

Ahẹ Ụgama 45:10

Ẹwụ ose ohinọyị, navọ wa sị ụtọ tụ́ ịnị ịrẹyị ọnị maa vaa kà Sị ayị hụrẹ ịda anda awụ nịnị ọnịrị aneehi ada awụ.

Imatiwu 8:19

Dị ọzwọzọda ọnya aanị vẹ nị, dị ọ kà a yọ ka, “Ịnda, maa dụ wụ nọ aha tụra aha ọnị ụ wàa nọ.”

Ịjọọnụ 13:37

Dị Ipita ka, “Ananyị yị, sị ẹ vẹ dị mẹ̀ yị zụ dụ wụ vẹ booro aanị? Mê tenyi ẹngụ ka me sú agụvị awụ.”

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

Ayịsaya 14:1

Ama Ẹnẹyịmavara ọnị vaa vayị ezi Ijekọvụ ana vị aza anị. Ọ rẹ vanaa kụ́ waa vẹ ka ẹ̀ va ra ịnị ẹtẹ ẹnịnị. Azọga va naa ra pè wa ịzọọ.

Odeyi 21:13

Dị Ịpọọrụ ka, “Sụ waa mẹ nịnị aanị, dị waa jị òrèrè nịnị? U wee sì ka we du mi ayị nịnị nịị? Mê tenyi ẹngụ ka à wụ̀ mị Íjerusarẹmị agụvị ịrẹha Ijeesu Ananyị yị, ayị vị ka à sụ́ mi orupa kẹnẹ.”

Ihoseya 13:4

Ẹnẹyịmavara kà ọnị ọ vị Ẹnẹyịmavara Ohomorihi ẹnịnị ana dọ wa ha hụụnị ụvọ Anigipiti ana za wa ọrịhị nị. Asị a nyị ịsa ọnyọọnyị ẹnị ẹ mẹ Ohomorihi ẹnịnị ẹ vị ọnị. Ẹ yị nyị ọdọzaha ọsa.

Ịdanịyẹrị 2:47

Dị ohinọyị kà a yị Ịdanịyẹrị ka, ịzẹyịza, Ohomorihi Ịdanịyẹrị o huna avaba ori nịnị nị, dị ọ rẹ nyị avaba ohinọyị nịnị nị. Ọ kà, ọnị ọọ̄ sị ịsa ana tẹẹ zụ aza nị. Ohomorihi ọnọọ ọ mẹ ka ọ̀ zụ ka ẹ yị ọnị ụra ọnị ọnị rá nị.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.

Ijosuwa 24:18

Ịrẹkụ mẹẹ chị yị ẹnịrị Anamọrị ọnịrị Anẹkụra ana vọ, Ẹnẹyịmavara ọ dụ wa jịnẹ kwooze yị ẹnị nị. Dị ẹ Ẹnẹyịmavara ọ vị Ohomorihi ẹnịnị ọnị ẹnị vaa saasa dị ẹnị aa hẹkẹ ẹ.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Ịdanịyẹrị 3:29

Agụvị avọọ, dị ohinọyị mẹ ọda ka àa nyị ọza ọnyọọnyị ịrẹsụ ẹtẹ ana ka kẹnẹ-kẹnẹ hi Ohomorihi Isediraki, Imesaki ọnịrị Abedinego, vị a vaa wụ̀ ọ dị a jị irehi anị eburu nị. Ọ kà ẹ yị nyị ori ana maanị nyẹngụ dị ọza tụ.

Iruutu 1:15

Dị Inawomi kà a yị Iruutu ka, “Wéē re ọhịnị awụ. Ộ sị varẹma aa nọ ịda anda ẹnịnị ọnịrị ịda ori ẹnịnị. Wẹ yị dụ ọhịnị awụ naa?”

Iruutu 1:17

Ịzị wèe sú tụ́ emi re vee sú tụ́ nị. Ịzị eè ne wụ tụ́, è re vee ne mi tụ́ nị. Ẹ̀ẹ yị hụhụ vị iswọọza, ẹ̀ yị nyị ịsa ọsa ọnị maa zẹẹ ka ọ ha ẹmịrị ẹwụ hi. Ẹ yị vị avọọ asị Ẹnẹyịmavara zẹ ka ò ozoza mị.”

Iruutu 4:15

Ose ozi ẹwụ ọnọnị ô sì ịrẹyị awụ. Ọnị ọ ma ozi ọnọọ yị wụ nị. Ô huna ezi ọnọrụ ịhịmba yị wụ. Ozi ọnọnị va sị ụkata awụ vara ọwọọwa. Ọ va tẹsị awụ wèe sị bo.”

Ụhịrẹyị 17:17

Ọtọta vị eneē su usu ẹngụ, ama anda vị anaā sịị ụvọ pe ẹnya yị ẹngụ ịrẹyị òo tu ọza.

Iruutu 2:6

Dị ọ tụ ohi ka, “Ozi ọnẹẹ Animowabi ana saasa Inawomi hụrẹ ẹtẹ Imowabi vẹ yọ nị.

Ịzakaraya 8:23

Ẹnẹyịmavara Ochẹtẹẹngụ ka, ịnị ụmẹ ọnọọ anẹkụra ọsa nịnị vaa vẹ vee tụ́ Aniju, dị ẹ sị ụvọ za ụtọ awuru anị, dị ẹ ka ẹnị a saasa a agụvị ka ẹnị ẹ wụ́ ka Ohomorihi ya pe e.