Iruutu 1:12 - IWE ỌNỊNỊ

¹² Mị ka wa nọ eehi nịnị. Wéē re ka me si bo aanị. Mẹ yị kụkụ zụ nyị ọnọrụ. Àa daka vi ka ma zụ nyị ọnọrụ ịrahụ ajịnị, dị mị hyakụ rẹ ma ezi ọnọrụ nị,

Iruutu 1:12 Referans Kwoze

Oyinyima 17:17

Di Abụrahamị tana tụra ẹtẹ, dị ọ và eyi kú ẹtẹ di ee nyinyi nị. Di ee ro o ịnị ayị anị ka: áá kụkụ zụ ma ozi yị ọza ana sị gụ ịrayị ẹchẹhị? Isera ana sị gụ ịrayị ẹnarẹwụ aanị ọ kụkụ zụ ma ozii?”

1 Itimoti 5:9

Asị ụ dọ osoku tụ́ ini osoku nịnị, àyị vị ọ sị gụ ịrayị ẹbẹẹta (60), dị ahịka ụpẹ ọnya kẹnẹ ọ nyị ọnọrụ da nị.

Oyinyima 38:11

Di Ijuda kụkụ va hị́ Ịtama ose ozi anị, dị ọ ka: Ọ̀ kụkụ vavọọ vị osoku tụ́ ịda ada anị pooro di Isera ọ̀ vịra. Ijuda ô ro o ka ọnị ọ̀ọ ka Isera o re kú o ogu aanị, ọnị ọ rẹ nyayịnẹ su anka ẹnẹbẹnị anị nịnị. Ịzẹyịza di Ịtama na yà ịdị ada anị nị.

Iruutu 1:11

Dị Inawomi tụ́ wa ohi ka, “Varẹma wa na nịnị ezi emi, sị ẹ vẹ dị ụ ka waa saasa mị nịnị? Wu wéé ro ka ma kụkụ zụ ma ezi ọsa ana vaa nyị wụ nịnị nị?

Iruutu 1:13

wáá va zụ jẹẹ zi wa pooro di ẹ̀ vịra? Wụ wáá ka wẹ yị kụkụ vaa nyị ọnọrụ nịnị nị? Eyiye de, ezi emi! Ayị amị ô du ẹtẹẹtẹrẹ hụụnị ayị awụ nịnị, agụvị ka Ẹnẹyịmavara ọ raà mẹ ụya rị mị.”