Iruutu 1:1 - IWE ỌNỊNỊ

¹ Â nyị ụmẹ ọnya aanị ọnị Anisirẹrị nịnị ệ yị nyị ohinọyị, dị ahịka aza irenyi-irenyi ệ mẹ ọdọvịdị ẹnịnị nị. Ụmẹ ọnọọ ụngwẹ vavọọ sị kụ̀ ịnị ẹtẹ Anisirẹrị nị. Â nyị ọnọrụ ọnya aanị ịjọnọọ ịnị ẹkụra Ịbẹtịrẹhẹmị ini ẹtẹ Ijuda. Ộ kụ́ ose anị ọnịrị ezi anị ẹẹva hụrẹ Ịbẹtịrẹhẹmị nọ ịnị ẹtẹ Imowabi.

Iruutu 1:1 Referans Kwoze

Oyinyima 12:10

Ịnị ụmẹ ọnya ụngwẹ ô nyima aa kụ̀ ịnị ẹtẹ Ikanaani. Ụngwẹ ọnọọ vị ana aa kụ̀ ẹtẹẹtẹrẹ, agụvị avọọ di Abụramị si hu aa nọ Ijipiti ka ọnị ọ̀ na ra ịzọọ nị.

Oyinyima 26:1

Ịnị ụmẹ ọnya ụngwẹ o re nyima aa kụ̀ ịnị ẹtẹ ọnọọ. Ọnọnị vị ụngwẹ irenyi yị ụngwẹ ana vịdị kụ̀ ịnị ụmẹ Abụrahamị. Di Ayiziiki kụ̀ra nọ Igera, ịda ohinọyị ana aā hị́ Abimẹrẹkị nị. Ọnị ọ vị ohinọyị Anihwirisiti nịnị nị.

Ezikẹẹrị 14:13

Ozi-ọza, ẹkụra ọyịvụrụ ọ̀ọ mẹ̀ ebira odivi hi ọnị, dị ẹnịnị ẹ̀ yị sị ayị tụra ọnị nị, ọnị vee gù wa oze ịsọyịrị. Ọnị vaa mẹ ka ụngwẹ ọ̀ kụ̀ wa, dị ọnị wụ̀ aza ọnịrị ịsụpa nịnị va ha.

Ọdọvịdị 17:8

Ọọ kụ̀rà hụrẹ ẹkụra ka ọnị o ne si aha ọsa dị ọnị ọ na ra ịnị anị. Ọ mẹ va tụra oze aa na dị o ne tu irehi Imika ịnị ẹkụra ataba ịnị ẹtẹ Ehwireemi nị.

Ireevi 26:19

Ọ kà ọnị vaa gara ụkata ẹnẹ ẹnịnị vavọọ è sii wùu zị avọọ ha; ọnị vaa mẹ ka à sị orihi zụ̀ yị wa, dị ẹtẹ ẹnịnị wụ, dị ọ katẹngụ anka enyusẹ avọọ.

Oyinyima 43:1

Ụngwẹ aa kịị kụụ hu avọọ ịnị ẹtẹ Ijipiti.

Emọsị 4:6

Ẹnẹyịmavara kà ọnị ộ kụ́ ụngwẹ ngụ ẹkụra ẹnịnị ama ẹnịnị ẹ yị vaa va hụụnị ebira odivi ka ọnị vẹ.

Ahẹ Ụgama 105:16

Ohomorihi ộ kụ́ ụngwẹ na ngụ ịnị ẹtẹ Anijipiti, di o du avaba ịsọyịrị ẹnịnị ha nị.

Iwe Ọhụhị Imosiisi ana aa hị́ Ọyịvatụrọda 28:38

U vee chire ịsa tatarata tụ ịnị aarẹ ama dị a hịka ịsa kiiki aanị u re hụụnị anị nị; agụvị ka akụvarịva vị ene vee du waa ha.

Ezikẹẹrị 14:21

Ẹnẹyịmavara Ananyị ụkata hu ka, ọnị vaa zị oze ẹẹna ene divi hu kere-kere ọnị ọnị zị sị ụya rị ọza, dị ọnị sị ụya rị Ijerusarẹmị, oze ẹẹna ẹnẹẹ ẹ vị ịrẹkụ, ụngwẹ ọbanyị, uye edivi ọnịrị ụkụ nị. Dị ọnị sị wụ̀ aza ẹnịrị ịsụpa nịnị và ha.

Ijeremaya 14:1

Ịrẹyị ọnị Ẹnẹyịmavara kà yị Ijeremaya ịnị ịpa ọyọjị anaa vẹ yị.

Ahẹ Ụgama 107:34

dị ẹtẹ ana vịdị aa mẹ̀ ịsa ọ̀ vara ẹtẹ anọ-anọ ẹnẹ ẹ̀ yị kụkụ zụ mẹ̀ ịsa. Ebira edivi ana aza ana ra hi ịzọọ aa mẹ ọ mẹ ka Ohomorihi ọ̀ vavọọ mẹ ịzọọ nị.

1 Ohinọyị 18:2

Ịzẹyịza di Erija si hu aa sị ẹngụ anị naa zụ̀ Ahabị nị. Ịnị ụmẹ ọnọọ ụngwẹ aa kụ̀ ẹtẹẹtẹrẹ Ísamariya.

Ọdọvịdị 12:8

Ịjị Ịjẹhwịta vavọọ wusu, aa nyị ọnọrụ ọnya aanị anaa hị́ Ibizani, Anị Ịbẹtịrẹhẹmị ọ vị nị, dị ahịka ọnị ọ vana vara ọdọvịdị Anisirẹrị nịnị nị.

2 Ịsamụwẹrị 21:1

Ịnị ụmẹ oni Idevidi sị rị ohinọyị, â nyị ụngwẹ ana kụ̀ ịrayị ẹẹta tụra ẹngụ tụra ẹngụ. Di Idevidi va họ̀ Ẹnẹyịmavara use ka sị ẹ vẹ nị. Dị Ẹnẹyịmavara kà a yi Idevidi ka Ịsọọrụ ọnịrị aneehi anị ẹ sị ịvị rị agụvị ka Ịsọọrụ ộ wụ Anigibiyọnị.

Ọdọvịdị 17:7

 nyị ozi Anireevi ọnya ịnị ẹkụra Ịbẹtịrẹhẹmị ịnị ẹtẹ Ijuda dị ọ vị ozi ịnị abara Ijuda nị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

1 Ịtọpa 2:51

Ozi ụpọhụva anị Ịsarịma, ọ vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtị-Ịgada nị.

1 Ịtọpa 2:54

Ịsarịma ana dà Ịbẹtịrẹhẹmị ọ vị ohiku Aninetohwa, Anatịrọtị Ịbẹtị Ijowabi ọnịrị achẹva Animanahati ne beri Anizori.