Iruuku 1:2 - IWE ỌNỊNỊ

² Aza ana sị eyi re ịrẹyị ẹnẹẹ hụrẹ ụmọrụmọ, dị ẹ rẹ yaa kà enube ọyịzaa zị, ẹ kà a yị nị.

Iruuku 1:2 Referans Kwoze

Ịjọọnụ 15:27

Ẹwụ nịnị rẹ vaa dọ ivenu tụ́ ịnị ịrẹyị amị bẹẹ, agụvị ka ịdị amị ụ yà nịnị hụrẹ ụmọrụmọ nị.

Odeyi 26:16

Ama kwẹẹtẹ jẹẹ! Mâ sị ẹngụ zụ̀ wụ ka ma nyị wụ mẹ ozi ahụ amị. Ụ rẹ vaa vị onivenu ịsa oni u re ajịnị aanị ọnịrị ọnị mị vaa sịị zụ̀ wụ.

2Ipita 1:16

Ẹ yị vị ịtọpa aza kẹnẹ ị sị rị ụvọ aa zị, ị maa kà a wụ nịnị ini oze ụkata Ijeesu Ikirisiti Ananyị yị ọnịrị ọ mẹmẹ vẹ. Ama yáa sị eyi ayị ré igirima anị.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Ịmaakị 1:1

Aanị énube ọyịza Ijeesu Ikirisiti Ozi Ohomorihi meme nyima nị,

Odeyi 1:3

Ị́rẹma isu anị, ộ vana sị ẹngụ zụ̀ ezirẹma anị ụmẹ ọrụrụ-ọrụrụ, ọ mẹ̀ ha hụụnị isu. Ê re e mẹ ẹkụhị ẹbẹẹva ini oze ana ahịka ọza ọ yị zụ jị ọọ ịrẹka ka ọ yàra. Ộ kà a yị wa ịjọva Ohomorihi mẹmẹ yà.

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.

Odeyi 4:20

Agụvị ka ẹyị e yi zụ kú irenu, dị asị ị kà ịrẹyị ẹnẹ ẹyị ụvọta si re, dị ị rẹ sị ọọ wụ́.”

Iruuku 24:48

Ẹwụ nịnị ọ vị onivenu ịrẹyị ọnọnị nị.

1 Anịkọrịntị 4:1

Agụvị avọọ, yẹ nịnị ka ezi ahụ Ikirisiti ị vị nị, oni Ohomorihi raà sị ịrẹyị anị oni iruvo anị nyịnẹ chire yi ụvọ ka ya sị eyi pee.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Ịmaakị 4:14

Ọza ene mi ịsa ọyịna aanị vị ene ne mi ịrẹyị Ohomorihi.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Ịmaakị 16:20

Dị ezirẹma anị na, dị ẹ naa kà enube ọyịza avaba aha nị. Ananyị yị aa mẹ ọgụvọọ yị wa, dị aa sịị zụ ka ịrẹyị ẹnẹ ẹyaa ka vị ịzẹyịza zị oze ini oze apọtẹrẹwa ana aa mẹ nị.]

Ịjọọnụ 16:4

Mâ maanị jintu sị ọọ kà a wụ nịnị, agụvị ịjị ụmẹ ọnọọ òo si tù, wa tamayị nịnị ka mâ vịdị sị ọọ kà a wụ nịnị. Mẹ yị vịdị kà ịrẹyị ẹnịnịị wụ nịnị hụrẹ ụmọrụmọ, agụvị ka mị yị yà ịdị awụ nịnị.”

Odeyi 8:4

Ọdọwụ nịnị ana gara hi, ệ nọ avaba aha, dị ẹyaa kà enube ọyịza nị.

Odeyi 14:25

Ệ kà enube ọyịza ọnọọ Ípeega, di e chí nọ Atarịya nị.

Odeyi 16:6

Ịpọọrụ nịnị ệ zị oze ẹtẹ Ihwirigiya ọnịrị Ịgaratịya na para hu, agụvị ka Ụhwẹ Ọnịnị ọ yị zẹẹ ka ẹ̀ kà ịrẹyị Ohomorihi ịnị ẹtẹ Esiya.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.