Ịrịka 5:2 - IWE ỌNỊNỊ

² ọ̀ ka yị Anisirẹrị ka ẹ dụ ọza ana nyị ụkụ ana zụ da gẹ ọza anka ụkụ ọbanyị ọnịrị ọza ana nyị ịtahụ anaa va enyi beri ọza ana kanyị oku hụrẹ ẹngụ.

Ịrịka 5:2 Referans Kwoze

Ireevi 21:1

Ẹnẹyịmavara ộ kà yị Imosiisi ka ọ jị ido ẹnịnị yị ezi Eerọnị ana ohirẹsụ irehi Ohomorihi. Ộ ka enyisi ọ vị nị ka ọza ẹnyẹnyị ẹnịnị ọ kanyị oku anda ẹnịnị eni ee su.

Ireevi 13:46

Ịrẹma ọnị ụkụ ọnọọ yị yàrị ọ, ọ́ yị vaa nị, agụvị ka ẹ́ yị nị, ọ́ vaa hụụ ịzị aza ana vọ ra hi, dị ọyịnyara na ra aha ọsa nị.

Ịrịka 12:14

Dị Ẹnẹyịmavara tụ Imosiisi ohi ka, “Ada Imeriyamị ọ̀ọ jị atẹ ku ọ eyi, aanịka ọ yị yaanị hụụ ịnị akakana aza ẹkụhị ịhịmba? A sị ọ hụụnị akakana aza ẹkụhị ịhịmba, dị ọ va varẹma vẹ.”

Ịrịka 31:19

Avaba aza ana wụ́ ọza, a vị aza ana sị ụvọ kanyị oku vee hí ịrẹma ẹkụra ẹkụhị ịhịmba. Ịhyẹgwẹta anị ẹ mẹ ẹngụ ẹnịnị ọnịrị ẹnyẹnẹẹ ẹnẹ kụ́ vẹ ọnịnị.

2 Ohinọyị 7:3

 nyị ọnụkụ ọbanyị ẹẹna ene hi ẹhẹ oze ọbanyị ọbanyị ẹkụra ana a zịị̄ ngụ Ịsamarịya ịnị ụmẹ ọnọọ. Ẹnịnị ệ kà a yị ẹngụ ka, aanị ẹnị wáá mẹ vee hi ịzẹnị, dị ẹnị sú nị?

Ireevi 13:8

Ohirẹsụ irehi Ohomorihi vaa zama a re, àa vị ịtahụ ọnọọ sị yara hi ẹngụ nị, dị ọ kà a ka ọza ọnị ụkụ ọnọnị za ẹ́ yị kụkụ nị, ụkụ ọbanyị ọ za a nị.

Ireevi 14:8

Ọza ana nyị ka à mẹ ido ụkụ ana za a aanị vanaa nyịna ịta anị, dị ọ kụ́ ẹyị anị, dị ọ hụ enyi, ọ̀ọ sị enyi hụ, ọ kụkụ vaa nị. Ịrẹma ọnọọ, ọ vaa vẹ vaa ra beri aza ana vọ ịzị e hi, ama ọ vaa vịdịị yà ịrẹma ajẹngụ anịị mẹ ẹkụhị ịhịmba da.

Ireevi 23:29

Ọ kà ọza ana àa rị ịsa ọnyọọnyị ịhị ọnọọ, ọnị Ẹnẹyịmavara ẹ́ yị ma vana za a ịrịka beri aza anị.

Ịrịka 5:1

Ẹnẹyịmavara ộ ka yị Imosiisi ka,

Ịrịka 12:10

dị eguhi ana da jẹẹ ịrẹsụ ajẹngụ va hịrẹ nị. Obobooro ọnọọ ụkụ za Imeriyamị, dị ẹngụ anị aa vwẹtẹ anka owu ochiche avọọ nị. Eerọnị mẹ maanị re e kẹnẹ,

Ireevi 13:45

Ọza ọnị ụkụ ọbanyị ọnọọ za vị ana vaa kụ ẹnya ana nàa hi ẹngụ, dị a sị o che ẹyị anị. Ọ̀ và ịsa ku irenu dị oo nowu ka ọnị ẹ́ yị nị o, ọnị ẹ́ yị nị o.