Ịrịka 3:3 - IWE ỌNỊNỊ

³ Ezi Eerọnị anaa hị́ ịrẹha ẹnịnị aanị aa vaa nyị ka ẹ vị ohirẹsụ irehi Ohomorihi nị.

Ịrịka 3:3 Referans Kwoze

Ọyịkụra 28:41

Wàa maanị raà kụ́ ẹnya ẹnẹẹ hi Eerọnị ọnịrị ezi anị ẹngụ, dị ụ va ká angwẹ kú wa, dị ụ nyị wa tụ́ ịnị ụkọrọ amị. Sị wa dị ẹ̀ kụkụ vị aamị, dị ẹ̀ vi ohirẹsụ irehi amị dị ẹ̀ẹ mẹ ụkọrọọ mị.

Ireevi 8:30

Imosiisi ộ sị eturare ọnịrị ana ya ịrẹsụ ụta, dị o po o vabẹ, dị o che e sẹ Eerọnị ọnịrị ezi anị ẹngụ, dị o re che e sẹ ịta ẹnịnị nị. Ọsọnị ọ sị sị wa ọnịrị ịta ẹnịnị tụ irenyi yị Ẹnẹyịmavara nị.

Ireevi 8:12

Imosiisi ộ và angwẹ ọnọọ hi Eerọnị ịrẹsụ ọnị ọ sị nyị ọtirenyi yị Ẹnẹyịmavara.

Anihiburu 7:28

Ọda Imosiisi ộ nyị aza ẹnẹ ẹ̀ yị gụ ka ẹ vị ohirẹsụ ọbanyị irehi Ohomorihi. Ama oto oni Ohomorihi wo, ọ tụra ọda vẹ nị. Ọnị ọ nyị Ozi Ohomorihi ana a mẹ ka ọ gụ pooro zịna-zịna nị.

Ọyịkụra 40:15

Dị ọ̀ rẹ ká angwẹ kú wa anka ọ mẹ̀ ká angwẹ kú ada ẹnịnị dị ẹ̀ rẹẹ mẹ̀ ụkọrọ yị Ohomorihi anka ohirẹsụ irehi Ohomorihi. Ẹnẹyịmavara kà àa vavọọ sị wa nyị, ịpa ẹnịnị ẹ kụkụ vaa vị ohirẹsụ irehi Ohomorihi pooro zịna-zịna nị.

Ọyịkụra 40:13

Dị ọ̀ va sị awuru oni ohirẹsụ irehi Ohomorihi chẹrẹẹ mẹ̀ ụkọrọ di ò chire e yị Eerọnị. Dị ọ̀ va ká angwẹ kú ọ di Eerọnị ọ̀ vị ohirẹsụ irehi Ohomorihi. Dị ahịka ụkọrọ ọnọọ kẹnẹ ọ jị ẹngụ anịị yị nị.

Ịrịka 3:4

Ama Ẹnẹyịmavara ộ wụ Inadabi ọnịrị Abihu ịnị ụnọmị Ịsịnayị agụvị ka ẹnịnị ẹ rị eturare ịra ini oze ẹnẹ ẹ yị vọrọ.

1 Ịtọpa 23:6

Idevidi ộ gà ezi Ireevi nịnị hi oze ẹẹta anka ịrẹsụ ọnị ọzọza hụrẹ vẹ: Ịrẹsụ ẹẹta ẹnẹnị ẹ vị ịrẹsụ ẹnịnị nị: Igerisoni, Ikohati, ọnịrị Imerari.