Ireevi 1:9 - IWE ỌNỊNỊ

⁹ Ọza ọnọọ vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi anaa mẹ̀ ụkọrọ ịzọọ rị avaba ịsị ịsọvọ ọnọọ ịra ịrẹsụ ụta. Agụ ịsa ịsọvọ ọnọnị vị eneē hine Ẹnẹyịmavara.

Ireevi 1:9 Referans Kwoze

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ireevi 1:13

Ọza ana va mẹ̀ ịsọvọ aanị vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi va sị ịsị ịsọvọ ọnọọ nọ ọvịdị Ẹnẹyịmavara. Ịrẹma anị dị ọ va rị ọ ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

2 Anịkọrịntị 2:15

Vị ị sị mẹẹ anka eturare ana agụ anị zoza oni Ikirisiti aa sịị mẹ ịsọvọọ hi Ohomorihi avọọ nị. Ộ gara hi ẹtẹ yị avaba aza ana aa há ọnịrị aza ene ee vu ẹtẹ.

Ezikẹẹrị 20:41

Ẹnẹyịmavara kà ịjị ọnị ọọ raa kụ wụ nịnị vavẹ eehi hụrị avaba ịzị a gara wụ nịnị ne hi, ụ́ kụkụ vaa sị mẹẹ anka ịsọvọ enee hine ọnị nịnị avọọ yị ọnị nị. Ọnị vaa sịị zụ anẹkụra ka è ré ka ọnịnị ọnị vị nị.

Ireevi 3:11

Dị Ohirẹsụ irehi Ohomorihi anaa mẹ̀ ụkọrọ ụmẹ ọnọọ rị avaba ẹsẹnị ịra ịrẹsụ ụta anka ịsọyịrị ana sị̀ va mẹ̀ ịsọvọ yị Ẹnẹyịmavara.

Ọyịkụra 29:18

Dị ụ va sị avaba ịdẹba ọnọọ dị ụ rị ọ ịra ịrẹsụ ụta ọnọọ. Ẹmị ụ rị ọnọọ ịra yị nị. Agụ anị ô zee mi eyi ẹtẹẹtẹrẹ.

Anihwiripi 4:18

Ẹpahwịrọdịtụsị ộ sị avaba ịsa ọnị ụ sị tụ́ ọ va yị mị. Avaba ịsị mee sì saka-saka, ma sị ọ nyị booro aanị; ọ́ọ hyakụ si huna ọpa oni mee sì. Ẹyịza ẹnẹẹ vị ana sị mẹẹ anka ịsa ana ahụ anị zoza avọọ; vị ọ rẹ yà anka ịsọvọ ene zé Ohomorihi eyi ẹtẹẹtẹrẹ avọọ nị.

Ezikẹẹrị 20:28

Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ahẹ Ụgama 66:15

Mị vaa sị uye ana banyị dị mị sị mẹ ịsọvọọ wụ. Ịdẹba, imaaru ọnịrị ẹvụ vị ọnị mị vaa kụ́ụ mẹ ịsọvọọ wụ.

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ireevi 9:14

Dị ọ nyịna ẹnya ịnịnẹ uye ọnọọ ọnịrị ahụ anị, dị ọ kụ wa tụra uye ịsọvọ ọnọọ ana vọ tụ ịrẹsụ ụta, dị ọ rị wa ịra.

Ireevi 8:21

Á mẹ raà nyịna iruvu ịdẹba ọnọọ ọnịrị ahụ anị, dị Imosiisi na rị ana vọ ịra nị. Ịsị ịsọvọ ana a rị ịra aanị vị ịsọyịrị. Agụ anị ô hine Ẹnẹyịmavara.

Ireevi 1:17

Ana vọ ịnị inomi ọnọọ vị ọnị ohirẹsụ irehi Ohomorihi vaa vọ zị oze ịnị avaka anị, ama ẹ yị vaa jị avaka anị kwooze. Dị ọ va rị avaba anị ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ọyịkụra 29:25

Ẹ̀ẹ vavọọ sị ọ henyi, dị ụ va dọ wa dị ụ sị beri ịsọvọ ana aā rị ịra ịrẹsụ ụta dị ụ rị ọ ịra ịrẹsụ ụta. Ịsa ana a rị ịra yị mị ọ vị nị. Agụ anị ô zee mi eyi ẹtẹẹtẹrẹ.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ọyịkụra 12:9

Ọ kà asị a nyị ẹnị ẹ rị ẹrẹẹrẹ, asị a nyị ẹnị ẹ rẹ sị enyi chịnẹ, ama dị ẹ̀ sị ịra hu ịrẹsụ anị ọnịrị ahụ anị ne beri ẹnyịnịnẹ anị.

Ireevi 4:31

Ọ vaa kụ avaba ụhị ịsụpa ọnọọ anka a mẹ kụ ụhị ịsụpa ana a sị vaa mẹ̀ ịsọvọ ọ yị pe Ohomorihi mẹ uzee avọọ. Ohirẹsụ irehi Ohomorihi vaa rị ọ ịra ịrẹsụ ụta ịsọvọ dị ọọ dà agụ ohine hi Ẹnẹyịmavara. Aanị ohirẹsụ irehi Ohomorihi mẹ vaa mẹ̀ ịsọvọ yị ọza ọnọọ, dị aa vagu ịvị anị yọ nị.

Ịrịka 15:3

di e si ka ẹnị ẹ mẹ̀ ịsọvọ ene vee hine ọnị ayị nị, ẹ sị uye ịsọvọ ọnọọ hụụnị ịsụpa ẹnịnị. Ọ daka vị ịsọvọ tụra ịsọvọ ana aā rị ịra, ọ vị ịzẹzẹ, a vị ịsọvọ ayohine, a vị ịsọvọ ana aā mẹ ịnị eche irenyi-irenyi ana aā rị ịrayị-ịrayị.

Ịrịka 28:11

Ama ịnị ẹkụhị ịpaapa ịnị ụhwẹ, Ẹnẹyịmavara kà a Anisirẹrị nịnị ẹ̀ sị ozi ụnọ ẹẹva ọnịrị ịdẹba ọnya, ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ.

Iwe Ọhụhị Imosiisi ana aa hị́ Ọyịvatụrọda 12:27

Yà ịzọọ mẹ̀ ịsọvọ ana a vaa rị ịra bemi-bemi ịrẹsụ ụta ịsọvọ Ẹnẹyịmavara. Ama anya ịsa ịsọvọ ana vọ vị ọnị ụ vaa vàa hi ẹtẹ akaha ụta ịsọvọ Ẹnẹyịmavara Ohomorihi awụ. Wa zụ rị uye anị.

Ireevi 2:2

dị ọ sị ọ ve tu ezi Eerọnị nịnị ana vị ohirẹsụ irehi Ohomorihi, ohirẹsụ irehi Ohomorihi anaa mẹ̀ ụkọrọ ụmẹ ọnọọ vaa ká ayị ọyịkwọ ọnịrị angwẹ ọnọọ uvoku ọnya beri avaba eturare ọnọọ, dị ọ rị wa ịra ịrẹsụ ụta ịsọvọ. Ọnọọ vaa sịị zụ̀ ka avaba anị asị va yị Ẹnẹyịmavara nị. Agụ ịsị ịsọvọ ọnọnị vị eneē hine Ẹnẹyịmavara.

Ireevi 2:9

Ohirẹsụ irehi Ohomorihi ọnọọ vaa dàa hụụnị ịbụrẹdị ọnọọ ana vaa sị zụ ka avaba anị a sị va yị Ẹnẹyịmavara nị. Dị ọ rị ọ ịra ịrẹsụ ụta ịsọvọ. Agụ ịsị ịsọvọ ọnọọ vị eneē hine Ẹnẹyịmavara.

Ireevi 2:16

Dị ohirẹsụ irehi Ohomorihi sị hụụnị ịsa ọnọọ ọnịrị angwẹ ọyị tamayị, beri avaba eturare ọnọọ dị ọ rị wa ịra anka ịsọyịrị ana sị va mẹ̀ ịsọvọ yị Ẹnẹyịmavara.

Ireevi 3:5

Ohirẹsụ irehi Ohomorihi nịnị vaa sị avaba ọsọnị ọnịrị ịsị ịsọvọ ana aā rị ịra, dị ọ rị wa ịra ịrẹsụ ụta Agụ ịsị ịsọvọ ọnọnị vị eneē hine Ẹnẹyịmavara.

Ireevi 6:14

Ọda ana a vaa sị mẹ̀ ịsọvọ ịsọyịrị yị. Ezi Eerọnị nịnị ana vị ohirẹsụ irehi Ohomorihi ẹ vaa sị ọ vẹ ọvịdị Ẹnẹyịmavara ịrẹsụ ụta ịsọvọ nị.

Ireevi 8:28

Dị Imosiisi dọ wa ịsọyịrị ọnọnị, dị ọ sị tụra ịsị ịsọvọ ana aā rị ịra, dị ọ rị wa ịra ịrẹsụ ụta nị. Ịsị ịsọvọ ana a sị sị wa rị ohirẹsụ irehi Ohomorihi ọsọnị vị nị, agụ anị ô hine Ẹnẹyịmavara ẹtẹẹtẹrẹ.

Ịrịka 28:7

Eche vị ana a sị beri ịsọvọ ana a mẹ ụpẹ ẹẹva ịnị ẹkụhị. Eche irita ọnyara a sị mẹ̀ ịsọvọ va hi ịrẹsụ ụta nị.

Ịrịka 28:8

Ozi atẹmẹ ọhụva ọnịrị ayị ana a kwọ beri eche vị ana a raà rị ịra mẹ̀ ịsọvọ oruva. Agụ areyi oō hine Ẹnẹyịmavara ayị.

1 Ịtọpa 6:34

Erikana, Ijerohami, Eriyẹrị, Itowa,

2 Ịtọpa 4:6

Dị Isoromọnị rẹ mẹ ẹnyochiruvọ ẹẹwụ, dị ọ sị ẹẹhị tụ́ eyi ụvọha, dị ẹẹhị ọsa ya eyi ụvọrị nị. Ịnị ẹnya ẹnẹnị aa nyịna ịsa ịsọvọ ana a rị ịra nị. Ohirẹsụ irehi Ohomorihi nịnị kẹnẹ aa nyịna ẹngụ ịnị uruku enyi ọbanyị nị.

Ezikẹẹrị 40:38

Ịnị ohweje ana ya ẹhẹ, â nyị irehi oweyi ana á dà vaka aku ana ya enoze, oze ọbanyị ana ya eyi ẹbẹẹba. Ộ nyị oze na ngụ ịnị aku ana á dà tu enoze aanị. Aku ọnọọ vị ana và eyi ka ohweje. Ịzọọ á yaa nyịna uye ana a sị va mẹ̀ ịsọvọ aa si ọ wụ nị.