Ireevi 1:11 - IWE ỌNỊNỊ

¹¹ Ọ vaa wụ̀ ọ akẹbẹẹba ụta ịsọvọ, dị ohirẹsụ irehi Ohomorihi nịnị che uye ọnọọ sẹ ụtọ ịsọvọ eyi ẹnyị eyi ọsa.

Ireevi 1:11 Referans Kwoze

Ireevi 1:5

Ọza ọnọọ vaa wụ̀ imaaru ọnọọ ịzọọ. Ohirẹsụ irehi Ohomorihi nịnị anka Eerọnị vaa sị ịsụpa ọnọọ nọ ọvịdị Ẹnẹyịmavara, dị e ve che e sẹ ụta ịsọvọ eyi ẹnyị eyi ọsa. Ụta ịsọvọ ọnọọ vị ene hi tu enoze ana zịị ngụ ịnị ajẹngụ ọnọọ.

Ezikẹẹrị 8:5

Ohomorihi ộ kà a yị ọnị ka, ozi-ọza, ọnị ọ̀ kana eyi oze eyi ẹbẹẹba. Ọnị kana eyi, dị ọnị re ka ọ̀ sị gụrị ụta ịsọvọ ana yà ịzị a zịị̄ ngụ eehi ịpa oze ọbanyị, ori anaā mẹ ka ayị ọọ ku Ohomorihi ẹtẹẹtẹrẹ yà ịzọọ nị.

Ireevi 7:2

Ịsụpa ana àa sịị mẹ̀ ịsọvọ ọnọnị vị ana á vaa wụ̀ eyi ẹbẹẹba ụta ịsọvọ, eyi ọnọọ á yaa wụ̀ ịsụpa ịsọvọ ana aā rị ịra nị. Anya anị vị ana a vaa vaku akaha ụta ịsọvọ ọnọọ eyi ẹyịna.

Ireevi 6:25

ọ̀ kà a yị Eerọnị ọnịrị ezi anị ka, ọda ịrẹyị ịsa ịsọvọ ịvị yị. Ịzị a ya wụ̀ ịsụpa ana a sị mẹ̀ ịsọvọ ana aā rị ịra, a rẹ vaa yaa wụ̀ ịsụpa ana a sị mẹ̀ ịsọvọ ịvị ọvịdị Ẹnẹyịmavara nị; Ẹnẹyịmavara ịnya kẹnẹ ọ nyị nị.

Ọyịkụra 40:22

Di Imosiisi rẹ si itevuru dị ọ sị va tụ́ ịnị ajẹngụ ọnọọ nị. Ịpa ẹbẹẹba àa sị para ịta ana a sị jị oze hu ịnị ajẹngụ ọ sị itevuru ọnọọ tụ́ nị.

Ọyịkụra 24:6

Di Imosiisi sị achẹva imaaru ọnọọ dị ọ sị tụ́ ịnị ẹnya nị. Dị ọ sị achẹva ana vọ di o chee sẹ ụta ọnọọ nị.

Ireevi 4:29

Ọ vaa sị ụvọ tụra ọnyị ẹvụ ọnọọ ịrẹsụ, dị aa wụ̀ ọ ịzị a yàa wụ̀ ịsụpa ana a sị vaa mẹ̀ ịsọvọ ana a rị ịra.

Ireevi 8:19

Imosiisi ộ wụ ịdẹba ọnọọ, dị ọ và anị ku ụta ọnọọ jesi kara a ẹngụ-ẹngụ nị.

Ireevi 14:13

Ọ vaa wụ̀ ozi atẹmẹ ọnọọ ịzị ẹ yaā wụ ịsị ịsọvọ ịvị ọnịrị ịsị ịsọvọ ana aā rị ịra, aha ana a nyị ka à yaa mẹ̀ ẹ; ịsị a sị mẹ̀ ịsọvọ agụvị ka ọza ộ rị ịvị, vị ohirẹsụ irehi Ohomorihi anka ịsị ịsọvọ ịvị avọọ. Ịsa Ohomorihi ịnya kẹnẹ ọ vị nị.

Ezikẹẹrị 43:18

Ezikẹẹrị ka Ẹnẹyịmavara ộ kà a yị ọnị ka, ọnị ozi-ọza ò batọ ịrẹyị ọnị ọnị aa kà. Ịjị àa sị ụtọ ọnọnị dà, ọnị Ezikẹẹrị ọ̀ sị ọtirenyi yị ọnị. Ọnị ọ̀ rị ịsọvọ ịra ịnị anị, dị ọnị ò che ịsụpa ana a sị mẹ̀ ịsọvọ sẹ ẹ.