Ireevi 1:1 - IWE ỌNỊNỊ

¹ Â nyị ọnọrụ ọnya ana aā hị́ Imosiisi. Ẹkụhị ọnya Ẹnẹyịmavara ộ yà ịnị ajẹngụ ọnị ọnịrị ọọ yàa gẹ, dị ọ hị́ ọ, dị ọ sị ọda ẹnẹnịị yọ nị.

Ireevi 1:1 Referans Kwoze

Ọyịkụra 19:3

Di Imosiisi hịrẹ ne tù Ohomorihi ịnị ataba ịzọọ, dị Ẹnẹyịmavara yà ịnị ataba ịzọọ dị ọ hị́ ọ nị. Di Ohomorihi ka, “Maanị ka ịrẹyị ọnọnị yị Anisirẹrị ana chị hụrẹ ịpa Ijekọvụ.

Ọyịkụra 25:22

Mee vee tù wu nịnị ịzọọ, dị ahịka akẹbẹẹba oku apoti ọnọọ, ịnị akakana anị ọnịrị icherubi ẹnẹẹ ene hi ịrẹsụ apoti oto ọnọọ mị yà dị ma kà avaba ọda amịị wụ dụ wa na kà a yị Anisirẹrị nịnị nị.”

Ọyịkụra 29:42

Avọọ ụ mẹ vaa mẹ̀ ịsọvọ ọnọọ enoze ajẹngụ ịzị aa gẹ pooro nị. Ọvịdị amị ịzọọ ịzị ụ yà aa mẹẹ nịnị avọọ, mi vaa vẹ vee tù wu nịnị ịzọọ, di mee pe wu nịnị kà ịrẹyị.

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Ịrịka 7:89

Ụmẹ ọnị Imosiisi ọ̀ọ ngụ ịnị ajẹngụ ne pe Ẹnẹyịmavara kà ịrẹyị, dị ọ wụ ọngwẹ hụrẹ ẹbẹẹba ene e pe e ka ịrẹyị akẹbẹẹba apoti oto ịnị uyi anggẹẹrị ẹẹva.

Ọyịkụra 39:32

Avaba ụkọrọ ajẹngụ ọnọọ ộ ta mẹ saka-saka. Anisirẹrị nịnị vị ana mẹ ajẹngụ anka Ẹnẹyịmavara mẹ̀ kị kà a yị Imosiisi gẹdẹ-gẹdẹ.

Ọyịkụra 33:7

Ịzị Anisirẹrị nịnị ẹ̀ẹ kụ́ udi tụ́, di Imosiisi sị ajẹngụ dị ọ ka nọ ẹhẹ chee, di o si hi ẹtẹ. Dị ọ ka ịzọọ ọ vị ajẹngụ ịzị aā gẹ nị. Àa nyị ọza ene ee sì ka oni ò pe Ẹnẹyịmavara kà ịrẹyị dị ọ jịnẹ hụrẹ udi dị ọ nọ ịzị ajẹngụ ana aā gẹ yà.

Ọyịkụra 24:12

Dị Ẹnẹyịmavara kà Imosiisi ọ̀ hịrẹ vẹ ịrẹsụ ataba dị ọ̀ va yà ịzọọ nị. Ọ kà ọnị aa sị ịrẹta ẹẹva ọnị ọnị chẹrẹ ọda ẹnẹẹ tụ́ yọ dị ọ̀ sị naa kọ aza ẹnẹẹ.

Ireevi 7:38

Ịrẹsụ ataba Ịsịnayị ịnị ụnọmị ịzọọ, Ẹnẹyịmavara ya sị ọda ẹnẹnị yị Imosiisi nị, ịhị ọnọọ ọ kà a yị Anisirẹrị nịnị ka ẹnịnị ẹ̀ va mẹ̀ ịsọvọ ẹnịnị nị.

Ireevi 9:16

Eerọnị ộ rẹ sị ịsụpa ana aa sịị mẹ̀ ịsọvọ ana aa rị ịra, dị ọ mẹ̀ ẹ anka ọda mẹ kà a nị.

Ọyịkụra 3:4

Ẹnẹyịmavara mè re ka Imosiisi aa kà a pè e ka oni ò ne re e, dị ọ vana yà ịnị ọchị ọnọọ dị ọ hị́ ọ nị. Dị ọ ka, “Imosiisi, Imosiisi!” Di Imosiisi ka hèé nị.

Ọyịkụra 40:29

Dị ọ sị ụta ịzị a yàa mẹ̀ ịsọvọ dị a rị ọ ịra, dị ọ sị tụ́ ọgụrị oze ana aa zị naa ngụ ịnị ajẹngụ ọnọọ nị. Dị ọ mẹ̀ ịsọvọ ịzọọ dị ọ rị ọ ịra, dị ọ rẹ sị akụ mẹ̀ ịsọvọ ịzọọ nị. Avọọ Ẹnẹyịmavara mẹ̀ kà a yọ nị.

Ịrịka 1:1

 nyị ụmẹ ọnị Anisirẹrị nịnị sị ka ahụ jẹẹ ịnị ụnọmị Ịsịnayị ẹ̀ mẹ hụrẹ ẹtẹ Ijipiti. Ịhị ẹ tụ ọ ẹkụhị ịpaapa ịnị ụhwẹ ọhụva ịnị ịrayị ọhụva ẹnịnị ịzọọ, Ẹnẹyịmavara pe Imosiisi ka ịrẹyị ịnị ajẹngụ anị nị. Ộ ka

Ịrịka 7:15

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Iwe Ọhụhị Imosiisi ana aa hị́ Ọyịvatụrọda 27:6

Asị ụ sị ịrẹta ana há jị ụta ọnyọọnyị yị Ẹnẹyịmavara Ohomorihi awụ nịnị. Ịzọọ ụ vaa mẹ̀ ịsọvọ ana aā rị ịra,

2 Ohinọyị 16:13

Ộ sị ịsụpa ọnịrị ịsọyịrị mẹ̀ ịsọvọ ana aā rị ịra ịrẹsụ anị, dị ọ và eche ọnịrị hi ọ, ọnị ọ sị mẹ̀ ịsọvọ ọ̀ yị pe Ohomorihi me uzee nị.

2 Ịtọpa 29:32

Ụnọ vị ẹtarẹwụ, ịdẹba vị ẹchẹhị, dị atẹmẹ vị ịrẹka nị.