Imika 4:7 - IWE ỌNỊNỊ

⁷ Ịzẹyịza aza ẹnẹẹ vị ọkụmị, di ahịka ẹkụra huu ọ dụ wa ne hi nị. Ọ kà ọnị rẹ vaa mẹ ẹnị ana vọ anẹkụra ana nyị ụkata. Dị ahịka ọnị ọ kụkụ vị ohinọyị ẹnịnị tụ́ Ijerusarẹmị pooro zịna nị.

Imika 4:7 Referans Kwoze

Iruuku 1:33

Ọnị ọ vaa vị ohinọyị ovwoovu Ijekọvụ pooro nị. Ohinọyị ọnị ọ vaa rị, ọ yị vaa nyị ẹzẹtẹ.”

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Imika 2:12

Ẹwụ nịnị Anisirẹrị ana vọ, Ohomorihi vaa kụ́ wụ nịnị gụ. Ọ vaa kụ̀ wụ nịnịị gụ anka atẹmẹ ana wara va gụ ini eehi ẹnịnị avọọ. Aza rẹ vanaa gụ hi ịnị ẹtẹ ọnọnị anka atẹmẹ mẹ̀ẹ gụụ hi ịzị ẹẹ̄ rị avọọ.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Ayịsaya 24:23

Ụhwẹ ọ yị kụkụ vaa zẹtẹ ịnị ụmẹ ọnọọ. Ọyị ọnị ọ yị rẹ kụkụ vaa ha. Ẹnẹyịmavara Ochẹtẹẹngụ ọ vaa vị ohinọyị nị. Ọ vaa yà ịnị ataba ini Ijerusarẹmị dị aa mẹ ịjọva. Ọdọvịdị aza nịnị vee re ụbanyị anị.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Imika 5:3

Ohomorihi vaa navọ Anisirẹrị yị ọnịvị pooro di ò tù ụmẹ ọnị ọnịrẹẹ sịị ma ozi. Dị ọ va kụ́ anda ẹnịnị ọnị ịrẹsụ vịdị hụ. Dị ọ kụ́ wa ve beri wa.

Ijowẹrị 3:17

Isirẹrị vaa yẹ ka ọnị Ẹnẹyịmavara ọ vi Ohomorihi ẹnịnị nị. Ọnị ọ ra Ịzayọnị ataba ọnịnị anị nị. Ijerusarẹmị vaa vị ẹkụra ọtụrenyi, enyisi ọ vị ka isoja anẹkụra ọsa nịnị ẹ rị ọ nị.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ịdanịyẹrị 7:27

Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.

Ayịsaya 66:8

Ẹnẹ maanị wụ́ ẹngụ ịrẹyị ọnọnị da? Ẹnẹ vavọọ re e da? Áá zụ ma ẹkụra ịnị ẹkụhị ọnya? A vị ọza ọ zụ dọ ẹkụra ha ịnị aba ọnyọọnya?

Ayịsaya 60:22

Ovwoovu ene weyi kere-kere vaa nyị ụkata anka ẹkụra. Ịjị ụmẹ òo si tu, ọnị vaa mẹ ka ịsa ẹnịnị ẹ mẹ eyiha-eyiha. Ọnị ọ vị Ẹnẹyịmavara nị.

Ayịsaya 6:13

Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ayịsaya 16:5

A vaa nyị irima anovwoovu Idevidi ana vaa rị ohinọyị. O vee sì ịrẹyị ọza, dị ahịka ịzẹyịza aa sịị mẹ̀ ọkarẹyị nị. Ịsa ana vọrọ kẹnẹ ọ vaa mẹ nị.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ịdanịyẹrị 4:34

Inebukadineza ka, ịjị ịrayị ịhịmba sị mẹ dị ọnị kana eyi ihinẹba, dị ịrẹsụ anị vavẹ eehi nị. Ọnị ộ sị ụga ọnịrị ụbanyị beri igirima yị Ohomorihi ana yara pooro zịna-zịna. Ohomorihi aa mẹ ịjọva avaba ẹhẹ pooro nị. Ịjọva anị ẹ yị vaa nyị ẹzẹtẹ.

Ijowẹrị 2:32

Ịnị ụmẹ ọnọọ, Ẹnẹyịmavara vaa dọ ọza tụra ọza ana aa hị́ ọ há. Anka Ẹnẹyịmavara mẹẹ kà a, Aza ana ya ịnị ataba Ịzayọnị ọnịrị Ijerusarẹmị vaa ha. Ịnị ẹngụ aza ẹnẹẹ Ẹnẹyịmavara wo oto ka aza ọnị ọnị hị́ vaa ya nị.

Ịzẹhwanaya 3:13

Ẹnị ana ha ịnị Anisirẹrị ẹ yị kụkụ vaa mẹ̄ ebira odivi, ẹ yị rẹ kụkụ vee chechee, ẹ yị kụkụ vee vene ọza. Dị Ẹnẹyịmavara ee sere wa, dị angwa o yi hi wa, dị ọ mẹ ka ò zee yị wa.

Ezikẹẹrị 43:7

ozi-ọza, ọnị Ẹnẹyịmavara ọ́ raa sị aga ohinọyị hi ẹtẹ ịzị ẹnị o. Ịzị ẹnị ọnị vaa rá ịnị akakana Anisirẹrị nịnị, dị ọnị vị ohinọyị ẹnịnị pooro nị. Anisirẹrị nịnị à vị ohinọyị ẹnịnị ẹ́ yị ma vana na mẹ̀ ori. Ẹnịnị é yị me vene ne oku ohinọyị ẹnịnị tụ ịzẹnị, dị ẹ̀ sị mẹ̀ ụhị nyị ịrẹha ọnị Ẹnẹyịmavara.

Ọbadaya 1:21

Aza ẹnị Ẹnẹyịmavara dọ ha vaa ra ịrẹsụ ataba Ịzayọnị, dị ẹ̀ yaa mẹ̀ ịjọva tụra Anedomi ịrẹsụ. Ẹnẹyịmavara vaa vị ohinọyị tụra wa ịrẹsụ.

Imika 2:13

Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.

Ịzẹhwanaya 3:20

Ẹnẹyịmavara kà, ụmẹ aa vẹ ọnị ọnị vaa kụ́ aza ana gara hi ẹhẹ vavẹ eehi ẹnịnị. Ọnị vaa mẹ̀ ka ẹ ngụrẹyị ịnị avaba ẹhẹ Ẹnẹyịmavara kà ọnị vaa mẹ̀ ka ọ varẹma zee yị avaba ẹnịnị.