Imika 3:3 - IWE ỌNỊNỊ

³ Waa nọ wa ịtụmpaha, waa chaka wa ẹchụkụ waa vọ wa anka uye ana chịnẹ avọọ. Mị ka waa nọ aza anị ịtụmpaha anka uye ịnị avị avọọ di waa rị wa nị.

Imika 3:3 Referans Kwoze

Ahẹ Ụgama 14:4

Di Ohomorihi ka aza edivi ẹnẹnị ẹ yị yẹ ịrẹyị. Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ nị. Ẹ yị hyakụ kà a ka ẹnị aa mẹ̀ aduwa hi Ẹnẹyịmavara.

Ezikẹẹrị 11:3

Ẹnịnị ka, ẹ́ yị nyị aa jẹẹ, dị ẹnị ẹẹ varẹma dà irehi. Ẹ ka Ijerusarẹmị vị ana sị mẹẹ anka ụnọkọ ana a sịị̄ mẹ̀ ịsa, dị ẹnị vị uye ene hi ịnị anị nị. Ama ụnọkọ ọnọnị ẹ́ yị zẹẹ ka ịra ò tu ẹnị.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Ahẹ Ụgama 27:2

Ịjị aza edivi ana vị ọnịvị amị ẹ̀ẹ dà pè mi dị ẹ ka ẹnị aa vaa wụ̀ mị nị, ẹnịnị vị ana vaa tụ́ ahụ dị ẹ vangga.

Ayịsaya 3:14

Ẹnẹyịmavara o reè tenyi ẹngụ ka ọnị ọ̀ mẹ̀ ọkarẹyị yị azọkụ ọnịrị ọdọvịdị aza anị. Ọ kà ẹwụ nịnị ọ sị aza anị gara ha. Ogu ene hi ini eehi awụ nịnị vị ẹnya ọnị ụ kụ́ hụrẹ ịda onosiye nịnị.

Ezikẹẹrị 24:4

Ẹnịnị ẹ̀ tọ̀ uye ozoza-ozoza hi ọ, ụvọ ọnịrị usi uye. Ẹnịnị ẹ̀ rẹ tọ̀ọ ịpa ana nyị ẹchụkụ hi ịnị ụnọkọ ọnọọ.

Imika 2:8

Ama pooro va ngụ ụmẹ ọnọnị, aza amị vana kwẹẹtẹ tu mi anka ọnịvị amị avọọ. Aza ana aa parahu hẹẹ, di è yi pè wu nịnị kụ̀ ịrẹkụ wa za wa, wa dọ wa awuru ozoza eni e chire.

Ụhịrẹyị 30:14

Aza ẹnyị vị ana aa ha ọhọha, dị ẹ yaa za onosiye ọnịrị anarịmanyị nịnị mẹ ụngwẹ.

Ayịsaya 3:15

Ẹmị Ananyị wụ, ẹmị Ẹnẹyịmavara Ochẹtẹẹngụ mee họ̀ use mị ka si u ro dị ụ maanị nyayịnẹ aa chamayịị yị aza amị nịnị? Sị ẹ vẹ dị ụ maanị aa za wa eyi kwọrọ ẹtẹ?

Emọsị 8:4

Dị ọ ka ẹ̀ tamayị ẹnịnị mẹmẹ aa mẹ̀ ẹvaya yị ọkụmị nịnị, dị ẹ yaa wụ́ onosiye ene hị́ ịnị ẹtẹ ọnọọ.