Imika 1:7 - IWE ỌNỊNỊ

⁷ Ẹnẹyịmavara kà avaba ori ẹnịnị vị ọnị ọnị vaa chaka rugu-rugu. Dị ọnị sị ịra rị avaba ịsa ana a kụ́ na yị ọsẹrẹka nịnị ene hi ini irehi ori ẹnẹẹ. Ọ kà avaba ori ẹnịnị vị ọnị ọnị vaa garaa ha. Anịsamarịya vị ana kụ́ ogu ẹnẹẹ̄ sịị hẹkẹ ori. Aza ẹnẹsa rẹ vaa dọ wa, dị ẹnị rẹ sị naa hẹkẹ ori ẹnịnị.

Imika 1:7 Referans Kwoze

Iwe Ọhụhị Imosiisi ana aa hị́ Ọyịvatụrọda 23:18

Ọza ọ̀ọ na sẹ̀ ịrẹka, ọ̀ọ vị ọnẹẹ, ọ̀ọ vị ọnọrụ, dị ọ dọ ẹkẹhị ịnị anị nị, a sị ụ sị ẹngụ ẹkẹhị ọnọọ vẹ ini irehi Ẹnẹyịmavara Ohomorihi awụ. A sị ụ sị ve sí ụta ịsa ọnị ụ vịdị wo oto ka ụ vaa mẹ. Ẹnẹyịmavara ộ nyị ịhyẹrẹ ọsẹrẹka ini irehi Ohomorihi.

Ihoseya 2:12

Ẹnẹyịmavara kà ọnị vee du ụbazị ịvayịnị ọnịrị ọchị ihwigi ọnị onyeehi anị sị si ọ ụta ịbẹhị anị ha. Ọ́ kà ọnị vaa vara ịzọọ iruku, dị uye ini avị aa rị ịsa ene hi ịnị anị.

Ẹtore 18:3

Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.

Ihoseya 8:6

Ọza ọ bẹ ọchị ọnị ẹ yaa hẹkẹ avọọ nị. Ori kẹnẹ ọ vị nị, agụvị avọọ ọnị aa chaka a rugurugu ha.

Ẹtore 18:9

Ohinọyị anẹhẹ nịnị ene pe e sẹ̀ ịrẹka, di e re dudu aa rị ẹhẹ, vị aa jị òrèrè anị, di eyee nowu agụvị anị, Ịjị èe re areyi anị màa dà, ọ màa rị ịra.

Ijowẹrị 3:3

Dị ẹ sị ịsa sì ẹnịnị mẹmẹ vaa ga aza ẹnẹ za hị́ ẹngụ ụvọ nị. Dị ẹ ná ezi anọrụ ẹnịnị ọrịhị, dị ẹ sị ẹkẹhị anị ne si ụta ara yị ọsẹrẹka nị. Avọọ ẹ mẹ rẹ ná ezi anyẹnẹẹ ẹnịnị, dị ẹ sị ẹkẹhị anị hu eche nị.

Ihoseya 2:5

Ọnyị ẹnịnị vị ọsẹrẹka ana sị ụhị wara rị. Ịnị ịrẹkọyịsẹ ọ ya dọ ịrẹẹ ẹnẹẹ nị. Ọ kà ọnị aa dụ onyeehi zịị agụvị dị ọnị ọ rị, dị ọnị o hu, dị ọnị nyị achị ọnịrị angwẹ orivi ne beri eche nị.

Ayịsaya 27:9

Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.

2 Ịtọpa 31:1

Ịrẹma ọnị eche ọyịparahu ọnọọ ta wa rị, dị avaba Isirẹrị ana nọ Ijerusarẹmị kụ́ ẹngụ aa ngụ ẹkụra-ẹkụra ene hi ẹtẹ Ijuda, Ịbẹnjamịnị, Ehwireemi ọnịrị Ịmanasẹ nị. Ịzị èe tu dị ẹ́ gara ịrẹta ori ana a kụ́ gụ, di é che avaba ọchị ana a bẹ jẹẹ yị ori ọnẹẹ ana aā hị́ Asẹra, dị ẹ́ chata ụta ịsọvọ, di é wú avaba irehi ori ẹnịnị ha. Ịjị ẹ sị mẹ̀ ta, dị ọzọza va nọ eehi anị nị.

Iwe Ọhụhị Imosiisi ana aa hị́ Ọyịvatụrọda 9:21

Ịvị ọ vị ka Anisirẹrị nịnị ẹ sị enyusẹ mẹ imaaru dị ọ vị uyi ori ẹnịnị nị. Agụvị avọọ ọnị rị ọ ịra, dị ọnị mẹ ka aa kwọ ọ, dị a va atịtọ anị hi enyi ene sì vaa chi hụrẹ ịrẹsụ ataba nị.

Ireevi 26:30

Ọ kà ịzị ẹyaa mẹ ahẹkẹ ịrẹsụ ataba vị ọnị ọnị vaa garaa ha, dị ọnị che ụta ẹnẹ ẹẹ̄ rị eturare ịra ịnị anịị va ha. Oku ẹnịnị vị ọnị ọnị vee ne vàa ku ori ẹnịnị ịrẹsụ. Ẹnịnị vị anaā vana nyị ọnị ịhyẹrẹ

1 Ịsamụwẹrị 5:4

Ẹnẹnẹ eyinẹhẹ anị, dị ẹ rẹ nọ ini eehi Ịdagọnị ori ẹnịnị nị. Di e re ne tù ka Ịdagọnị ọ rẹ sị hyẹdụ, di o và eyi kú ẹtẹ tụ́ ọvịdị Apoti Ẹnẹyịmavara nị. Dị ịrẹsụ anị ọnịrị ụvọ anị kụ́ swẹ va hi enoze nị. Dị ahịka igugu ori ọnọọ kẹnẹ ọ kụkụ vọ nị.

Ayịsaya 2:18

Ọza ọ mā vana wụ́ ịrẹha ịsa ana aa hị́ ori.

Ayịsaya 23:17

Ịrayị ẹtarẹwụ ọ̀ọ sị para hu, Ẹnẹyịmavara vaa navọ Ịtaya ka ò re nyima ohu anị, ọnịrị avaba anẹhẹ rẹ vaa sẹ ohu.

Ezikẹẹrị 6:6

Avaba ẹkụra ene hi ẹtẹ Isirẹrị ọnịrị avaba aha ẹnẹ ẹyaa mẹ ori vị ene e vee vú ẹtẹ. Avaba ụta ọnị Ụ mẹ ịsọvọ ịnị anị nịnị ọnịrị ụta ọnị ụ rị eturare ịra ịnị anị nịnị vị ana a vaa garaa ha. Ori awụ nịnị vị ana a va chakaa vaaha, dị avaba ịsị ọnị ụ mẹ jẹẹ nịnị ta samị-samị.

Ihoseya 2:14

Ẹnẹyịmavara kà ọnị e vene e nọ ịnị ụnọmị ịzị ọnị vaa tangwa ka ịrẹyị yọ, dị ọnị ọ dọ ayị.

Ihoseya 8:5

Ẹnẹyịmavara kà tee ẹwụnị Anịsamarịya! Yere ụmẹ ọnị ụ vaa sị rị ịhị nịnị? Ọ kà ọnị aa kụ́ ayị hi wa agụvị ọchị ọnị ệ bẹ anka ụnọ ọnị ẹ sị mẹ̀ ori ẹnịnị.