Imika 1:6 - IWE ỌNỊNỊ

⁶ Ẹnẹyịmavara kà Anịsamarịya vị ọnị ọnị vaa vara itutuu tụ́ ịnị avị ịzị aza aa dà aarẹ tụ́. Ọ kà ọnị vaa jị ẹkụra ọnọọ eburu, dị ọnị kụ́ eburu anị na và hi ini ozi. Ọ kà ẹkụra ọnọọ vị ọnị ọnị vaa tụ́ ahwaahụ.

Imika 1:6 Referans Kwoze

Ezikẹẹrị 13:14

Ọ kà, ọnị vee wú ọvọ ọnị ụ kú ọda ọvwọọvụ nịnị avọọ. Ọnị vaa gara a ha, dị e kuku ee ré a mẹmẹ ka a ẹtẹ chengede, ọ ka ọvọ ọnọọ vee wú, dị aa va wụ̀ avaba ẹnịnị ha. Ịjọnọọ, avaba aza vaa yẹ ka ọnị ọ̀ vị Ẹnẹyịmavara nị.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Arụwẹ 4:1

Kaaa! Ezi Anijerusarẹmị ana vịdị maanị nyị ụbanyị anka igooru ana za ẹtẹ avọọ ẹ maanị mi aanị nị? Ịrẹta ana sị da irehi Ohomorihi ẹ kụ gara và hí avaba oze ẹkụra.

2 Ohinọyị 19:25

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

Imatiwu 24:2

Dị Ijeesu kà a yị wa ka, “U wee re avaba irehi ẹnẹnị nịnị? Ịzẹyịza m maa kà wụ nị, ẹ yị nyị ịrẹta ikonya ana a vaa navọ tụ́ ịrẹsụ ọsa. Vi e vee wú waa ha saka-saka nị.”

Ihabaku 3:13

Ẹnẹyịmavara ộ jịnẹ na dọ aza anị ọnịrị ọza ọnị ọ nyị ha. Ộ wụ̀ ọdọvịdị anẹkụra odivi, di o vu aza ene hi ịzọọ ẹtẹ nị.

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Ihoseya 13:16

Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Ijeremaya 51:37

Ẹtẹ Ịbabịrọnị vaa jị eburu dị ahịka uye ịnị avị ẹ kụkụ ra ịzọọ nị. Ịrẹyị anị vaa mẹ ayịị hụrị aza ịnẹ, ẹtẹẹtẹrẹ èe re e, dị ọ kụkụ aa nyị ọza ịhyẹrẹ. Ọza ẹ́ yị ma vana ra ịzọọ.

Ijeremaya 51:25

Ọ kà, ẹwụ nịnị Anibabironi, vị ụ sị mẹẹ nịnị anka ataba enee du avaba ẹhẹẹ ha avọọ nị. Ama ọnị, Ẹnẹyịmavara ọ́ sị eyi ịrazị và ka wụ. Ọ kà, ọnị vaa za wụ, dị ọnị và wụ nịnị nẹtẹ saka-saka na za eteesu, dị ọnị navọ wụ nịnị tụ ịnị edudu.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Ayịsaya 25:12

Avaba ẹkụra ẹnịnị ẹnị ẹ jị ọvọ kara vi oni Ohomorihi vee wuu hi ẹtẹ saka-saka, dị ọ vara a eteesu nẹrẹ-nẹrẹ.

Ayịsaya 25:2

Wâ za ẹkụra ọnọọ wa sị ọ jị eburu. Wê wu ọvọ ana jị kara ẹkụra hi ẹtẹ. Ẹkụra azọga ana vịdị nyị ụkata ệ ta. Ọza ọ mā vana tenyi ọ dà.

2 Ịsamụwẹrị 17:13

Ọ kà àa vi Idevidi zwe na ngụ ịnị ẹkụra nị, dị aza kụ́ obo vẹ dị ẹnị si tụra a hụụnị ataba na ngụ ini ozi. Dị ẹnị chaka ẹkụra ọnọọ nẹrẹ-nẹrẹ.

Ayịsaya 17:1

Ịrẹyị ene vee tù Anịdamasịkọsị yị. Ẹnẹyịmavara kà ọza ọ yị kụkụ vaa yẹ ka â nyị ẹkụra ana aa hí Ịdamasịkọsị. Ịzọọ vị ana vaa jị eburu bemi-bemi.

Ijeremaya 31:5

Ọ kà, ụ vanaa da ụbazị ịvayịnị hi ịrẹsụ ataba Ịsamarịya nịnị. Anaarẹ nịnị vee chire ịvayịnị dị ẹyaa rị ẹtụtụ anị.

2 Ohinọyị 18:9

Ịnị ana tụ ịrayị ọhụna ọnị Ihezekaya rị ohinọyị, ọnọọ ọ rẹ tụ ịrayị ọhụhịmba ọnị Ihoseya rị ohinọyị Isirẹrị nị. Isamenaseri ohinọyị Asiriya ộ kụ́ ịrẹkụ nọ Isirẹrị, dị isoja anị họ̀ kara Ịsamarịya nị.

2 Ohinọyị 18:10

Ịnị ana tụ ọ ịrayị ọhụta ẹnẹ ẹ vavọọ na ta kara Ịsamarịya, dị ụvọ ẹnịnị ku Ịsamarịya nị. Ụmẹ ọnọọ ọ gụ ịrayị ịhịnọnyị ọnị Ihezekaya rị ohinọyị nị; dị ọ vị ịrayị ịhịịna ọnị Ihoseya rị ohinọyị nị.

Emọsị 6:8

Evere Ijekọvụ ẹnẹẹ e re du Ẹnẹyịmavara ayị. E re ẹngụ ẹnịnị huu ịsa ọsa, avọọ Ẹnẹyịmavara nyị ịhyẹrẹ ịsa ene ro ka ẹ vị ụkata ẹnịnị nị. Ẹnẹyịmavara Ohomorihi ọga isoja ọ raa hị́ eku ka ọnị vaa hụrẹ ẹnịnị ogu ẹnịnị ụvọ yị ọnịvị ẹnịnị.