Imika 1:3 - IWE ỌNỊNỊ

³ Ẹnẹyịmavara ọ sị hụrẹ ịzị ọ yà aa vẹ. O vee chii vẹ dị ọ̀ vaa zị ụsẹ ịrẹsụ ataba nịnị.

Imika 1:3 Referans Kwoze

Emọsị 4:13

Ọ kà ọnị ọ mẹ̀ ataba nịnị, dị ọnị tụ́ ahị ana tụ́ nị. Ọnị ọọ̄ sị ịrẹyị anị zụ ọza nị. Ọnị ọ vara etohozi tụ́ ịnị ẹnẹnẹ nị. Ọnị a zị ụsẹ ziizi ịrẹsụ avaba ataba ene hi ịrẹsụ ẹtẹ nị. Ịrẹha anị ọ rị Ẹnẹyịmavara Ohomorihi Ochẹtẹẹngụ nị.

Ayịsaya 26:21

Ẹnẹyịmavara ee chii hụrẹ ẹbẹẹba ịda anịị vẹ, dị ọ̀ va sị ụya rị aza ene hi ịnị ẹhẹ agụvị ebira odivi ẹnị ẹ yaa mẹ. Aza ana vịdị were wụ̀ ọza dị ọza ọ̀ yị yẹ vi oni iruvo ẹnịnị vaa tụ́ ẹhẹ. Aza ana a vavọọ wụ di e nē wa hi ịnị ẹtẹ vaa jịnẹẹ tụ́ ẹhẹ.

Iwe Ọhụhị Imosiisi ana aa hị́ Ọyịvatụrọda 32:13

Ọnị ộ mẹ̀ ka ẹnịnị ẹ vị ohinọyị tụra anẹkụra ene hi ịrẹsụ ataba. Dị ệ rị ịsa ịnị aarẹ anị nị. Dị ệ rị ẹhụ hụụnị ịnị akakana ịrẹka, dị ọchị angwẹ orivi nịnị aa hụ ịnị ịrẹta-ịrẹta akaha ataba nị.

Ihabaku 3:19

Ẹnẹyịmavara Ochẹtẹẹngụ ọ vị ụkata anị nị. Ọ vaa sị ụkata yị ọnị jẹẹ anka epeni, dị ọnị aa zị ụsẹ ịrẹsụ ataba.

Ahẹ Ụgama 115:3

Ohomorihi yà ẹbẹẹba, ịsa ene zee e eyi kẹnẹ ọọ̄ mẹ nị.

Ezikẹẹrị 3:12

Kẹnẹ, dị ụhwẹ Ohomorihi sị ọnị kwẹẹtẹ nị. Dị ọnị wụ ẹtẹ ịrẹyị hyụụ ịrẹma anị, a maa kà a ka, aa sị ụgaa yị igirima Ohomorihi ana yà ẹbẹẹba nị

Ayịsaya 25:10

Ẹnẹyịmavara vee sere ataba Ịzayọnị. Ama Imowabi vị ọnị ọ vaa kụ́ ahụụ hii za ẹtẹ, dị ọ mẹ̀ ụhị nyị ọ ẹtẹẹtẹrẹ.

Ijoovu 40:12

O re wa dị ọ ka wa chi. O vu aza ọhịmị ẹtẹ aha tụra aha ene ee hi kẹ.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.

Ịzakaraya 14:4

Ịnị ụmọ ọnọọ Ẹnẹyịmavara vaa jẹẹ ịrẹsụ Ataba orivi, eyi ịzị ọyịị̄ zị hụrẹ vẹ Ijerusarẹmị, ịjọnọọ upoporo vaa ga ataba orivi hi oze ẹẹva. Achẹva anị va ya eyi ẹbẹẹba, dị ọsa ya eyi ụvẹtẹ.

Emọsị 9:5

Ẹnẹyịmavara Ochẹtẹẹngụ Ananyị yị, Ọ sị ụvọ kanyị ẹtẹ kẹnẹ dị o su enyi, dị avaba aza aa zị ẹngụ nị. Ẹtẹ va sị mẹẹ́ irehu Ịnayịrị Ijipiti enee hi dị ọ hụ avọọ nị.