Imatiwu 9:8 - IWE ỌNỊNỊ

⁸ Ịjị ọkọnị aza ẹnẹẹ re e, ô hí wa irenu, dị ẹyaa sị ụgaa yị Ohomorihi ana maanị sị ụkata yị aza nị.

Imatiwu 9:8 Referans Kwoze

Iruuku 7:16

Angwa ô hí avaba ẹnịnị, dị ẹyaa ga Ohomorihi nị, dị ẹ ka, “Ọnịsẹ ọbanyị ọ sị kwẹẹtẹ ịnị akakana ayị o, Ohomorihi ọ zị vẹ ka ọnị ọ̀ va gụ aza anị ụvọ”.

Imatiwu 15:31

Ô hí aza ẹnẹẹ irenu, e mè re ka ogurenu aa kà ịrẹyị, dị ẹngụ oswẹngụ ta, dị oswahụ nịnị aa zị ụsẹ, dị ogweyi nịnị ree re ẹtẹ nị. Dị ẹyaa ga Ohomorihi Anisirẹrị nịnị nị.

Odeyi 4:21

Dị anikootu kà wa ọnọ hu avọọ ẹtẹẹtẹrẹ, dị ẹ hụrẹ wa ụvọ nị. E yi re oze sị ụya rị wa, agụvị ka avaba aza vị ana aa sị ụgaa yị Ohomorihi agụvị ịsa ana mẹ.

Iruuku 23:47

Ọga isoja ẹchẹhị nịnị ô re ịsa ana mẹ, dị ọ sị ụga yị Ohomorihi nị, dị ọ ka, “Ịzẹyịza, ọnịrẹyịzẹyịza ọ́nọrụ ọnọnị vị nị.”

Iruuku 17:15

Ọ́za ịnyara ẹnịnị mè re ka ẹngụ anị ọ́ọ ta, dị ọ vavẹ, dị ọ sị ọngwẹ anị tụ́ ẹba, dị aa sị ụgaa yị Ohomorihi nị.

Ịmaakị 2:12

Obooboro ọnọọ, dị ọ kwẹẹtẹ, dị ọ sị odooro anị, dị aa na éyi avaba ẹnịnị nị. Ô hí avaba aza ẹnẹẹ irenu ẹtẹẹtẹrẹ, dị ẹyaa sị ụgaa yị Ohomorihi nị. Dị ẹ ka, “Yẹẹ̀ yị maanị re da.”

Anigaratiya 1:24

Dị ẹyaa sị ụgaa yị Ohomorihi agụvị amị nị.

Ịjọọnụ 15:8

Wàa nyị ẹtụtụ nịnị ẹtẹẹtẹrẹ, ọ vaa mẹ ka aza ẹ̀ sị ụbanyị yị Ada amị nị; oze avọọ ụ rẹ nyẹngụ zị vị ezirẹma amị nịnị nị.

Iruuku 13:13

Dị ọ sị ụvọ tụra a nị. Obooboro ọnọọ dị ọnẹẹ ọnọọ vọrọ jẹẹ, dị aa sị ụgaa yị Ohomorihi nị.

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Ịmaakị 7:37

Ô hí wa irenu ẹtẹẹtẹrẹ, dị ẹ ka, “Ịsa tụra ịsa ọnị ọ̀ọ mẹ vị eneē zoza ẹtẹẹtẹrẹ. Ộ mẹ ka ogutọ ọ̀ọ wụ́ ịrẹyị, ọ rẹ mẹ ka ogurenu ọ̀ọ kà ịrẹyị.”

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Imatiwu 12:23

O si hí avaba ọkọnị aza ẹnẹẹ irenu, dị ẹ ka, “Ẹwáá ka ozi Idevidi ọnọọ yị?”

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Imatiwu 9:7

Dị ọ kwẹẹtẹ, dị aa nọ eehi anị nị.

Iruuku 2:20

Di oseratẹmẹ ẹnẹẹ varẹma aa na, dị ẹyaa kụ́ Ohomorihi avọ, dị ẹ rẹ yaa sị ụbanyịị yọ nị agụvị avaba ịsa ene e re dị ẹ rẹ wụ́. Ánggẹẹrị ọnọọ mẹ̀ yị kà a yị wa gẹdẹ-gẹdẹ ọ vị nị.

Iruuku 17:18

Ẹ yị nyị ọza ịnya ene e re ana vavẹ va sị ụga yị Ohomorihi, ẹ̀ yị vị ọzọga ọnọnị ịnya kẹnẹẹ?”

Iruuku 18:43

Obooboro ọnọọ, di ee re ẹtẹ nị. Dị aa dụ Ijeesu na, dị aa sị ụgaa yị Ohomorihi nị. Ịjị avaba aza ẹnẹẹ re e, dị ẹnị raa ga Ohomorihi nị.

2 Anịkọrịntị 9:13

Ịsa ẹnẹ ẹyịza ọnị ụ mẹ nịnị sị tụ́ ẹhẹ, vaa mẹ ka aza ẹ̀ẹ sị igirimaa yị Ohomorihi, agụvị ka wáa nyị ịzẹyịza tụ́ ini enube ọyịza Ikirisiti ọnị ụ ka wâ dọ nịnị, ọnịrị ka wẹ yị sị ụvọ kú oku nịnị, ẹwụrị wa ne beri avaba aza ana vọ aa gà ịsa ọnị ụ nyị nịnị.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.