Imatiwu 9:37 - IWE ỌNỊNỊ

³⁷ Dị ọ kà a yị ezirẹma anị ka, “Ịsa ịnị aarẹ ọ sị rụrụ tụ́ ịnị aarẹ, ama ọnụkọrọ ẹyị vavọọ rụrụ.

Imatiwu 9:37 Referans Kwoze

Iruuku 10:2

Dị ọ kà a yị wa ka, “Ịsa ịnị aarẹ ọ sị hụrẹ tụ́ ịnị aarẹ, ộ rụrụ; ama ẹ yị nyị ọnụkọrọ yà. Waa dá ịpẹẹ yị ọza ana nyị aarẹ nịnị ka ọ̀ tụ́ aza, dị ẹ̀ na mẹ̀ ịsa ịnị aarẹ.

Ịmaakị 16:15

Dị Ijeesu kà a yị wa ka, “Waa nọ avaba ẹhẹ nịnị, dị ụ waa kà enube ọyịza yị avaba anẹhẹ nịnị.

1 Anịkọrịntị 3:9

Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Odeyi 16:9

Ịrahụ ịhị ọnọọ, Ịpọọrụ ô re ẹtẹ. Ô re ka â nyị ọnọrụ Animasedoniya ana jẹẹ dị aa dá ịpẹẹ yị ọnị ka, ọnị ọ̀ vẹ Imasedoniya, dị ọnị ọ̀ va gụ ẹnị ụvọ.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Ahẹ Ụgama 68:11

Ananyị yị ọ sị ịrẹyị kà, di Ohomorihi anyẹnẹẹ kụkụ aa kà ana nị

1 Itimoti 5:17

Azọkụ ịragụ Ohomorihi ana àa mẹ̀ ụkọrọ ẹtẹẹrẹ, vị ana a vọrọ ka à sị ụbanyị yị, dị à rẹẹ sị ịsaa yị wa; hu keekere, aza ana aa sịị vụrị ka ẹnị ẹ̀ẹ kà ịrẹyị Ohomorihi, dị ẹnị ẹ̀ rẹẹ zụ̀ aza ịsa.

Anikorasi 4:11

Ijeesu ana aā rẹẹ hị́ Ịjọsịtọsị ka ọnị kụ́ wụ nịnị. Aza ẹnị ẹyịta ẹnẹnị kẹnẹ ẹ vị Aniju ene ee pe mii mẹ̀ ụkọrọ yị ịjọva Ohomorihi nị. Ẹnịnị ệ kụ́ mị ẹngụ nịya ẹtẹẹtẹrẹ.

Odeyi 18:10

agụvị ka mâ yà pe wu. Ẹ yị nyị ọza ana zụ mẹ wụ ịsọnyị-ịsọnyị. Mâ nyị aza rụrụ hi ịnị ẹkụra ọnọnị.”

Imatiwu 9:38

Waa dá ịpẹẹ yị ọza ana nyị aarẹ nịnị ka ọ̀ tụ́ aza dị ẹ̀ na mẹ̀ ịsa ịnị aarẹ!”

Imatiwu 20:1

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka adarehi ọnya aanị, ana kwẹẹtẹ ẹnẹnẹ viri-viri ka ọnị ọ̀ na dọ anụkọrọ, dị ẹ̀ va mẹ̀ ụkọrọ yị ọnị ịnị ụbazị anị.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.