Imatiwu 9:36 - IWE ỌNỊNỊ

³⁶ Ama o mè re ọkọnị aza, ayị ẹnịnị ộ vá a, agụvị ka ọ sị ngụ wa ẹngụ, ẹ kụ́ vazi anka atẹmẹ ẹnẹ ẹ̀ yị nyị ọza ana aa tẹsị ẹnịnị avọọ.

Imatiwu 9:36 Referans Kwoze

Ịrịka 27:17

Ọza ọnọọ ọ vaa kụ́ aza nọ ịrẹkụ agụvị asị aza anị sị mẹẹ anka atẹmẹ nịnị ẹnẹ ẹ yị nyị ọza ene sere e avọọ.

Ịmaakị 6:34

Ịjị e si tù ịzọọ, dị Ijeesu jịnẹ hụụnị ẹpa nị. Ịjị o re ọkọnị aza ẹnẹnị, ayị ẹnịnị ộ vá Ijeesu, agụvị ka ẹnịnị vị ana yà anka atẹmẹ ẹnẹ ẹ̀ yị nyị ọza ene ee sere wa avọọ. Ijeesu ô nyima aa sị ịrẹyị ọrụrụ-ọrụrụụ zụ̀ wa.

Ijeremaya 50:6

Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Imatiwu 14:14

Dị Ijeesu jịnẹ hụụnị ẹpa nị. O mè re ọkọnị aza ẹnẹẹ, ayị ẹnịnị ộ vá a, dị ọ mẹ ọnịkụ ẹnịnị ụkụ nị.

Ịzakaraya 10:2

Ori nịnị ẹ yị ka ịrẹyọyẹ, ọhẹva nịnị vị ene cheeche, aza ana ka ụra vị enee vene aza. Agụvị avọọ aza aa woowo zị anka atẹmẹ ene vu avọọ nị. Ẹnịnị ẹẹ nyị ẹngụkata agụvị ka ẹnịnị ẹ yị ọza ene sere wa.

Imatiwu 15:32

Ijeesu ộ hị́ ezirẹma anị, dị ọ kà a yị wa ka, “Ayị ọkọnị aza ẹnẹnị aa vá mị, agụvị ka hụrẹ ajịnọgwẹẹta ẹ hụrẹ yà ịzẹnị nị, ẹ yị nyị ịsa ana a vọrọ ka ẹ̀ rị. Mẹ yị vaa kà a ka ẹnịrị ụngwẹ ẹ̀ẹ nọ eehi, ka èwù va za wa óze.”

Imatiwu 15:24

Dị Ijeesu tụ́ ohi, dị ọ ka, “Agụvị Anisirẹrị nịnị ana sị mẹẹ anka atẹmẹ ene vú kẹnẹ a tụ̀ mị vẹ ẹhẹ nị”.

2 Ịtọpa 18:16

Di Imikaya va ka, “Mê re ka avaba Anisirẹrị ẹ sị gara hi ịnị ataba anka atẹmẹ ẹnẹ ẹ̀ yị nyị ọza ene ee sere wa avọọ. Ẹnẹyịmavara kà ẹnịnị ẹ yị nyị ohirẹsụ. Ọ kà ẹnịnị ẹ̀ varẹma ẹ̀ẹ nọ eehi ẹnịnị ịnị ẹngwọọrọ.”

Anihiburu 5:2

Ọnị ụvọta ọnị ọ rẹ zụ nyeeyi ini oze ọrụrụ-ọrụrụ, agụvị avọọ o zụ roo yị aza ẹnẹ ẹ̀ yị yẹ, ọnịrị aza ene ee nyeeyi.

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

Imatiwu 10:6

Ama nọ ịdị Anisirẹrị nịnị, agụvị ka eni e vú anka atẹmẹ avọọ nị!

1 Ohinọyị 22:17

Di Imikaya va ka, “Mê re ka avaba Anisirẹrị ẹ sị gara hi ịnị ataba anka atẹmẹ ẹnẹ ẹ̀ yị nyị ọza ene ee sere wa avọọ. Ẹnẹyịmavara kà ẹnịnị ẹ yị nyị ohirẹsụ. Ọ kà ẹnịnị ẹ̀ varẹma ẹ̀ẹ nọ eehi ẹnịnị ịnị ẹngwọọrọ.”

Ịzakaraya 11:16

Ẹnẹyịmavara kà ọnị ộ sị oseratẹmẹ ka o sị eyi pe atẹmẹ anị, ama ẹ yị mẹ ọgụvọ yị ẹnị uye ee chire angwa, o yi si ene vu, ẹ yị mẹ ụnava ẹnị ana tọ ụna, a vị dị ọ hyakụ sị ịsa yị ẹnị ana nịya.

Ayịsaya 13:14

Azọga ene hi Ịbabịrọnị vee zwee nọ eehi ẹnịnị. Ẹnịnị vị ana vaa sị mẹẹ anka atẹmẹ ẹnẹ ẹ̀ yị nyị ọza ana si eyi pè e nị.

Ịmaakị 8:2

“Ayị ọkọnị aza ẹnẹnị aa vá mị, agụvị ka hụrẹ ajịnọgwẹẹta ẹ hụrẹ yà ịzẹnị nị, ẹ yị nyị ịsa anaa vọrọ ka ẹ̀ rị.