Imatiwu 9:11 - IWE ỌNỊNỊ

¹¹ Ịjị Anihwarisi nịnị re e, dị ẹ kà a yị ezirẹma anị ka, “Sị ẹ vẹ dị ọga awụ nịnị ee beri ọdẹkẹhirehi ọnịrị aza edivi nịnị rị ịsa?”

Imatiwu 9:11 Referans Kwoze

Imatiwu 11:19

Ẹmị Ozi ọza onigirima ọ vavẹ; maa rị, mee hú, ẹ rẹ ka: ‘Ho! Wee re ọnịnọbanyị ọnịrị ohweche! Ọta ọdẹkẹhirehi ọnịrị aza edivi ọ vị nị.’ Ịrẹyọyẹ Ohomorihiī sị ẹngụụ zụ̀ ịnị ịsa ana aa mẹ.”

Iruuku 5:30

Dị ọzwọzọda ọnịrị Anihwarisi nịnị aa rị ihuhu, dị ẹ kà a yị ezirẹma Ijeesu ka, “Sị ẹ vẹ di u wee beri ọdẹkẹhirehi nịnị ọnịrị aza edivii rị ịsa, dị ẹwụrị wa ee hú nịnị?”

Ịmaakị 2:16

Ọzwọzọda nịnị ana rẹ vị Anihwarisi ê re, Íjeesu mèe beri aza edivi ẹnịrị ọdẹkẹhirehi nịnị rị ịsa. Dị ẹ kà a yị ezirẹma anị ka, “Sị ẹ vẹ di ee beri ọdẹkẹhirehi ọnịrị aza edivi nịnị ị rị ịsa?”

Anihiburu 5:2

Ọnị ụvọta ọnị ọ rẹ zụ nyeeyi ini oze ọrụrụ-ọrụrụ, agụvị avọọ o zụ roo yị aza ẹnẹ ẹ̀ yị yẹ, ọnịrị aza ene ee nyeeyi.

Anigaratiya 2:15

Ịzẹyịza, Aniju obooro ị vị nị, yẹ yị vị anarịmadọwụ nịnị anaā mẹ ịvịị hi Ohomorihi.

Iruuku 19:7

Ịjị aza maanị ree, dị ẹyaa rị ihuhu nị, ka, “Ho! Ijeesu o ne ree chí ini irehi ọza odivi o!”

Ayịsaya 65:5

Ẹnịnị vanaā kà a yị aza ana vọ ka, “kana kwooze, a sị ụ sị ụvọ kanyị yị, ka aza ọnịnị ị vị̀ nị.” Ẹmịrị ẹngụ aza ẹnẹẹ ẹ yị zụ mẹ ọnya. Màa kụ ayịị hi wa, vị ọ sị mẹẹ anka ịra ene è yi me mí avọọ nị.

2 Ịjọọnụ 1:10

Àa nyị ọza ana vẹ ini eehi awụ nịnị, dị ẹ̀ yị vị ịrẹyị ọnị Ijeesu sị zụ̀ yị ọ za vẹ nị, asị ụ dọ ọ tụ́ ini eehi awụ nịnị, asị ụ hyakụ kụ́ ọ nịnị vụrụ-vụrụ.

Imatiwu 5:46

Àa vị ọza ene sì ịrẹyị awụ nịnị kẹnẹ, ẹwụ nịnị re sì ịrẹyị anị nị, ye re ọgụ ọnị ụ nyị? Avọọ aza edivi ẹnị mẹ̀ rẹẹ̄ mẹ nị.

Imatiwu 9:10

Ộ da kù chee, dị Ijeesu yaayịtẹ ini eehi ọnọrụ ọnọọ ka ẹnị ẹ̀ rị ịsa nị. Ọdẹkẹhirehi ọrụrụ nịnị ọnịrị aza edivi nịnị ệ vẹ, dị ẹ yaayịtẹ pe ọnịrị ezirẹma anị nị.

Odeyi 11:3

Dị ẹ ka, “Sị ẹ vẹ di u ne chí ini eehi aza ẹnẹ ẹ̀ yị jị ụvẹvẹnẹ, dị ẹwụrị wa hyakụ aa rị ịsa bẹẹ?”