Imatiwu 8:26 - IWE ỌNỊNỊ

²⁶ Dị ọ kà a yị wa, dị ọ ka, “Sị ẹ vẹ du wee hí angwa nịnị? Ẹdọwụ awụ nịnị ô weyi, oo!” Dị ọ kwẹẹtẹ, dị ọ tụ́ ahị ọnịrị irehu ohuvọ nị, dị ẹtẹ tịtẹ sii nị.

Imatiwu 8:26 Referans Kwoze

Ahẹ Ụgama 65:7

Ịjị òkū aa dà vụụ-vụụ, dị aa jị ayị, ẹwa mẹ̀ ẹ ka ọ̀ varẹma nẹtẹ hẹẹ nị Mị ka ịjị anẹhẹ kwẹẹtẹ aa mẹ ezigi ẹwa varẹma sị wa ayị nẹtẹ nị.

Ahẹ Ụgama 89:9

Òkū ana aa dà vụ̀ụ́vụụ, ẹwa nyị ọda tụra a nị. Òo si nyima aa jị ayị, dị ụ rẹ kà a yọ ka ọ̀ mẹ hẹẹ.

Imatiwu 6:30

Ohomorihi ọ̀ọ vavọọ sị uzoza yị avị, oni u wèe re ajịnị, ụhwọọ dị a sị ọọ ká tụ́ ịnị ịra, wé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ!

Aniroomi 4:20

Ọ yị mẹ ayị ẹẹva, dị ọ̀ọ jị ịrẹyị Ohomorihi ịrẹka. Agụvị ka ộ sị ayị tụra Ohomorihi, ộ jẹẹ geri-geri, dị aa sị ụgaa yị Ohomorihi nị.

Imatiwu 16:8

Dị Ijeesu sị yẹ nị, dị ọ ka, “Ẹdọwụ awụ nịnị ộ da weyi. Sị ẹ vẹ dị ụ waa kà a ka wẹ yị za ịsọyịrị nịnị?

Ẹtore 10:2

Ộ nyị iwe oweyi ọnya aanị rị ụvọ ọnị ọ hụ̀ tịtẹ. Ộ sị ahị ụvọrị tụ́ ini òkū, dị ọ sị ahụ ụvọha anị tụ́ ini eteesu nị.

Ihabaku 3:8

Dị ọ họ̀ Ẹnẹyịmavara kà okuha ọ́ọ́ vị ana mẹ ayị kụ ọ nị, a vị oku o du ọ ayị nị? Eyiyee! Ẹnẹyịmavara ộ tụra eguhi anka umaata anị, dị eguhi ana da dụụmẹ vị ịkẹkẹ ịrẹkụ anị ọnị ọ sị nyị ehuna.

Ịnahụmị 1:4

Ẹnẹyịmavara ọ̀ọ mẹ̀ ọda kẹnẹ, dị avaba enyi ini irehu ọnịrị òkū nịnị wụ̀ za ẹtẹ. Avị ọnịrị ododo ene hi inozi Ịbasanị ọnịrị Ịrẹbanọnị ne beri Ataba Ịkamẹrị vị anaa wara za eteesu.

Ayịsaya 63:12

Ọnị ộ mẹ̀ ka ụkata igirima anị ọ ya pe Imosiisi ọnị ọ sị ga oku hi. A vaa ga a pooro zịna-zịna nị.

Imatiwu 8:27

O si hí aza ẹnẹẹ irenu, dị ẹ ka, “Ẹngụ ọza ịsị ẹ vị ọnọnị ana ahị ọnịrị irehu raa wụ́ chiree bẹẹ?”

Imatiwu 17:20

Dị Ijeesu kà a yị wa ka, “Agụvị ka wẹ yị dọ wụ́ nịnịị yọ nị. Ịzẹyịza, m maa kà a wụ nịnị nị, ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ataba ọnọnị ka ò hu iruvo hụụ ịzẹnị na tụ́ ịzọsọọ, vi ee hu iruvo nị, ẹ yị nyị ịsị ụ wẹ̀ yị va zụụ mẹ nịnị. [

Iruuku 4:35

Dị Ijeesu tụ́ ọ ohuvọ, dị ọ ka, “Wụsẹ mẹ hẹẹ, dị ụ wa jịnẹ hụụnị ẹngụ ọnọrụ ọnọọ!” Ụ́hwẹ echu ọnọọ mè ne ọnọrụ ọnọọ nya ẹtẹ éyi aza ẹnẹẹ, dị ọ jịnẹ hụụnị ẹngụ anị nị, ama ọ yị tụ̀ ọ ụnava.