Imatiwu 8:20 - IWE ỌNỊNỊ

²⁰ Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Imatiwu 8:20 Referans Kwoze

Ahẹ Ụgama 84:3

Inomi irenyi-irenyi ẹ kụ́ ịrẹngwẹ mẹ arekuku ẹ sị irehi mẹ pè ịzị a yàa mẹ̀ ịsọvọ ini eehi awụ, Ẹnẹyịmavara Ochẹtẹẹngụ ẹwa vị Ohomorihi ọnịrị ohinọyị amị nị.

Iruuku 2:7

Dị ọ ma ozi ịpaapa anị ọnọrụ nị, dị ọ sị ịta para a, dị ọ sị ọọ tụ́ ịzị ịsụpaā yàa rị ịsa nị. Ẹnịnị e yi re aha yà ini irehi ọnị ọzọgaā chí.

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

Iruuku 2:16

Dị ẹ wụsẹ zwe na, di e ne tù Imeri ọnịrị Ijosẹẹhụ beri ozi ọnọọ ka â sị ọọ hụtụ ịzị ịsụpaā yàa rị ịsa nị.

Iruuku 2:12

Wáá yẹ ịsị ụ va sị yẹ ozi ọnọọ nịnị? U vee re ozi ọnọọ nịnị ka â sị ịta para a, dị a sị ọọ hụtụ ịzị ịsụpaā yàa rị ịsa nị.”

Ahẹ Ụgama 109:22

Emi vi onosiye ọnịrị oniruwa, ayị amị vị ana nyayịnẹ du ẹnẹmẹhị.

Ahẹ Ụgama 69:29

Avaba ẹngụ amị vị ana kata dị aa zị mị Ohomorihi, navọ wa dọ mị tụ́ di we sere mị.

Iruuku 8:3

Ẹnị ọsa vị Ijowana, ose Ichuza ana vị ozi ahụ Ịhẹrọdị, ọnịrị Isusana beri anẹẹ ọrụrụ-ọrụrụ ọsa anaā sịị ịsa ẹnẹ ẹ̀ẹ nyịị mẹ ọgụvọ yị Ijeesu ọnịrị ezirẹma anị.

Imatiwu 12:32

Ọza tụra ọza ana àa kà ịrẹyị odivi hi ẹmị Ozi ọza onigirima, a vaa vagu ọọ ịnị anị. Ama ọza ana àa kà ịrẹyị odivi hi Ụhwẹ Ọnịnị, ọza ọyị vaa vagu ọọ ịnị ẹhẹ ọnọnị ọnịrị ịnị ẹhẹ ana aa vẹ.”

Ahẹ Ụgama 104:17

Inomi irenyi-irenyi vị ana mẹ ịrẹngwẹ hi ịnị ọchị ene hi ịzọọ.

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Imatiwu 17:9

E mèe chíi hụụnị atabaa vẹ, di o hú wa ụvọ, dị ọ ka, “Asị ụ kà ịsa oni u re aanị yị ọza ọnyọọnyị pooro dị ẹmị Ozi ọza onigirima ọ̀ ha hụụnị isu!”

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:13

Ijeesu ộ nọ ọgụrị ẹkụra Ịsẹsarịya-Ihwiripi. Dị ọ họ̀ ezirẹma anị ka, “Ẹnị aza sị ọọ hị́ ka ẹmị Ozi ọza onigirima ọ́ọ vị?”

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

Imatiwu 12:8

agụvị ka ẹmị Ozi ọza onigirima ọ vị ọga ẹkụhị ụhwọtụ nị.”

Ahẹ Ụgama 40:17

Ịzẹyịza onosiye mị vị nị, ẹ yị nyị ịsị mị nyị, navọ asị u hi ayị amị Ẹnẹyịmavara Ohomorihi amị, ẹwaa gụ mị ụvọ dị waa dọ mịị tụ́ nọ navọ kwogwo we jintu va gụ mị ụvọ.

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Ahẹ Ụgama 104:12

Inomi nịnị ệ mẹ ịrẹngwẹ gụrị enyi ọnọọ, di e hi ịnị avọ́ ọchị dị ẹ yaa jị ahẹ nị.

Imatiwu 13:37

Dị Ijeesu tụ́ ohi, dị ọ kà a yị wa ka, “Ọza ene chire ihu ozoza vị ana jẹẹ yị Ozi ọza onigirima.

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Iruuku 9:58

Dị Ijeesu kà a yọ ka, “Ahaka nịnị ệ nyị ụsị, inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana a vọrọ ka ma yà tụ́ ụhwọ́.”

Iruuku 12:8

“Dị ma rẹ kà a wụ nịnị ka, Ọza ana àa dọ irenu éyi aza ka áamị ọ́nị vị nị, emi Ozi ọza onigirima rẹ vaa dọ irenu ọ́vịdị anggẹẹrị Ohomorihi ka áamị ọ́za ọnọọ vị nị.

Iruuku 18:8

Dị ma kà a wụ nịnị ka o vee jintuu mẹ̀ ịsa ana vọrọọ yị wa. Mị ka ee, ịhị ẹmị Ozi ọza onigirima ọ̀ọ vavẹ, méé kuku vee tù ka aza ẹ sị sị ayị tụra mị ịnị ẹhẹ?”

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Ịjọọnụ 1:51

Dị Ijeesu rẹ kà a yọ ka, “Ịzẹyịza m maa kà a wụ nị: U vee re ka ẹbẹẹba ộ na hi ẹtẹ, dị anggẹẹrị Ohomorihi aa vaa hịrẹẹ vaachi ịrẹsụ ẹmị Ozi ọza onigirima.”

Ịjọọnụ 3:13

Ẹẹ̀ yị nyị ọza ana hịrẹ nọ ịdị Ohomorihi da, ẹ̀ yị rẹ vị ẹmị Ozi ọza onigirima kẹnẹ ana hụrẹ ẹbẹẹba ịzọọ chí vẹ.

Ịjọọnụ 3:14

A vaa nyị ka à sị ẹmị Ozi ọza onigirimaa tụ́ ẹba, anka Ímosiisi mẹ̀ sị ẹwụ tụ́ ẹba ịnị ụnọmị ịyẹẹyẹ avọọ,

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịjọọnụ 6:53

Dị Ijeesu va kà a yị wa ka, “Ịzẹyịza m maa kà a wụ nị, wẹ̀ yị rị ọchẹngụ ẹmị Ozi ọza onigirima, di u we re hú anya amị nịnị, wẹ yị va zụụ yara obooro nịnị.

Ịjọọnụ 6:62

Wèe ve re ka ẹmị Ozi ọza onigirima aa varẹma hịrẹẹ nọ ịzị mị vịdị yà yọ?

Ịjọọnụ 12:34

Dị ọkọnị aza ẹnẹẹ tụ́ ohi, dị ẹ ka, “Yâ wụ́ ka ọda ayị ộ kà a ka vị Ikirisiti vaa yà ịzọọ pooro zịna-zịna nọ! Sị ẹ vavẹ dị ẹwụ ka a vaa sị Ozi ọza onigirimaa tụ́ ẹba? Ẹnẹ va vị Ozi ọza onigirima ọnọọ?”

Ịjọọnụ 13:31

Ịjị Ijudasi si hu, dị Ijeesu ka, “Booro aanị, aa vaa sị igirimaa yị Ozi ọza onigirima, dị a rẹ sị igirima yị Ohomorihi ini oze anị.

Odeyi 7:56

Dị Isitivini ka, “Re! Mee re, íhinẹbaa mẹ̀ na hi ẹtẹ, di Ozi ọza onigirima jẹẹ éyi ụvọrị Ohomorihi nị!”