Imatiwu 7:21 - IWE ỌNỊNỊ

²¹ “Ẹ yị vị avaba aza ana aa hị́ mị ka: ‘Ananyị yị!’ ẹ vaa ngụ ịzị Ada ayị ẹbẹẹba yà aa mẹ ịjọva; ẹ̀ yị vị aza ana aa mẹ̀ ịsa ana Ada amị ẹbẹẹba sì ka ẹ̀ mẹ.

Imatiwu 7:21 Referans Kwoze

Aniroomi 2:13

Ayị vị ka vị ọza aa wụ́ ịrẹyị ọda ọnọọ kẹnẹ, dị Ohomorihi wụsẹ jị ịhị yọ nị. Eyiye, ịjị ọza àa mẹ̀ ịsa ọnị ọda ọnọọ kà, ịjọnọọ Ohomorihi vaa jị ịhị yọ nị.

Iruuku 6:46

“Sị ẹ vẹ dị waa hị́ mị ‘Ananyị yị, Ananyị yị’, ama dị ụ wẹ yị mẹ̀ ịsa ọnị mị kà?

Ijemiisi 1:22

Asị u vene ẹngụ awụ nịnị, dị ahịka ụ waa wụ́ ịrẹyị ọnọọ kẹnẹ nịnị nị; wa rẹẹ mẹ̀ ẹ nịnị bẹẹ.

Iruuku 11:28

Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Anihiburu 4:6

Yáa yẹ ka aa yị nyị aza ẹnyị ana vaa ngụ ịzọọ. Ye re ree ka aza ẹnẹẹ ana a vịdị kà enube ọyịza ọnọnịị yị, ẹnịnị ẹ yị dọ ọ wụ́, agụvị avọọ ẹnịnị ẹ yị zụ ngụ ịzọọ.

Ịjọọnụ 6:40

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

Ẹtore 3:5

Ọza ana àa nyị ehuna, a vaa sị ịta ọvụụ chiree. Me yi vee du ịrẹha anịị hụụnị iwe ọnị ịrẹha aza ana yàra pooro zịna-zịna hi. Mị vaa kà a ọ́vịdị Ada amị ọnịrị anggẹẹrị anị ka aza amị ọ vị nị.

1Ipita 4:2

Ịnị avaba ẹhẹ awụ nịnị ana vọ, sị ụ kụkụ sị ẹngụ awụ yị ịsa ẹhẹ ọnọnị ọnị ọchẹngụ ọzaā sì! Ama wee sì ịsị Ohomorihi òo sì nịnị.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

Imatiwu 12:50

Ọza ana àa mẹ̀ ịsa ana Ada amị ẹbẹẹba sì, ọnị ọ vị ọyịnyara amị ọnịrị onyeyiza amị beri ọnyị amị nị.”

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.

Ịjọọnụ 3:5

Dị Ijeesu rẹ ka, “Dị ma kà ịrẹyị ịzẹyịza yị wụ, ẹ yị nyị ọza ana zụ ngụ ịzị Ohomorihi yà aa mẹ ịjọva, ẹ̀ yị vị a sị enyi ọnịrị Ụhwẹ Ọnịnị tenyi ọọ ma.

Imatiwu 18:3

dị ọ ka, “Ịzẹyịza m maa kà a wụ nịnị, ẹ̀ yị vị ụ vara ebira awụ nịnị dị ụ wa yà anka ozweyi avọọ, wẹ yị vaa ngụ ịzị Ada ayị ẹbẹẹba yà aa mẹ ịjọva nịnị vụrụ-vụrụ.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

Ịmaakị 3:35

Ọza tụra ọza ana àa mẹ̀ ịsa oni Ohomorihi sì, ẹnị ẹ vị ẹyịnyara amị ọnịrị onyeyiza amị beri ọnyị amị nị.”

1 Anịtẹsaronika 5:18

Ịsa tụra ịsa ana àaa mẹ, waa kụ́ Ohomorihi avọọ pooro. Ẹ́wụrị Ijeesu Ikirisiti mẹ̀ sị vị ọnya nịnị aanị, ịsị Ohomorihi sì ka wa kụkụụ mẹ nịnị ọ vị ọnọọ nị.

Anẹhwẹsọsị 6:6

Asị ụ mẹ̀ ebira omeyọza kẹnẹ nịnị, ama waa sị ayị ọnyaa mẹ̀ ụkọrọ awụ nịnị anka ezi ahụ Ikirisiti ene ee sì ka ẹnị ẹ̀ mẹ ịsị Ohomorihi sì!

1Ipita 2:15

Ohomorihi ô sì ka waa mẹ̀ ebira ọyịza, agụvị dị ụ wa zụ mẹ ka ọnụra nịnị ẹnẹ ẹ̀ yị nyị ịsị ẹ yẹ, ẹ̀ sị irenu ẹnịnị kú oku.

Imatiwu 25:21

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

1 Anịtẹsaronika 4:3

Ohomorihi óo sì ka wa vị ọnịnị nịnị, dị asị ụ nyị ụvọ tụ́ ịnị ịrẹkọyịsẹ nịnị vụrụ-vụrụ.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

Iruuku 13:25

Ịjị adarehi ọ̀ọ sị kwẹẹtẹ dị ọ sị oze gu nị, dị ẹwụ nịnị kụkụ jẹẹ ẹhẹ aa sị ụvọọ ká oze ka: ‘Ananyị yị! Ananyị yị! Na oze yị!’ Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Iruuku 18:25

Ộ tụ́ akanya yị opisa ka ọ̀ ngụ ịzị Ohomorihi yà aa mẹ ịjọva, huna ọ mẹ̀ tụ́ akanya ka ịnyaakụmị ọ̀ ngụ ini uhwohwo ọrịhị na para hu.”

Ịmaakị 9:47

Àa vị eyi awụ ọ mẹ ka wa mẹ ịvị nị, tụ̀ ọọ ne ta! Ộ dahi ka wa sị eyi ọnya ngụ ịzị Ohomorihi yà aa mẹ ịjọva, hu ka wa nyị eyi ẹyịva, dị ụ wa ngụ ini ẹkụra,

Imatiwu 19:24

Dị ma rẹ kà a wụ nịnị ka: Ộ tụ́ akanya yị opisa ka ọ̀ zụ ngụ ịzị Ohomorihi yà aa mẹ ịjọva huna ọ mẹ̀ tụ́ akanya ka ịnyaakụmị ọ̀ ngụ ịnị uhwohwo ọrịhị na para hu.”

Imatiwu 18:35

Avọọ gẹdẹ-gẹdẹ Ada amị ẹbẹẹba mẹ̀ vaa mẹ wụ nịnị nị, ọzịnya-ọzịnya awụ nịnị ọ̀ yị vagu ọnọhụva anị hụụnị ayị anị vẹ.”

Ịjọọnụ 15:23

Ọza ana àa nyị ịhyẹrẹ amị, vị ọ rẹ nyị ịhyẹrẹ Ada amị avọọ nị.

Imatiwu 26:42

Dị ọ rẹ varẹma ụpẹ ọhụva na mẹ̀ aduwa nị, dị ọ ka, “Ọga, àa vị ka ụyọrị ọnọnị ọ yị zụ hụrẹ mị ịrẹsụ, ẹ̀ yị vị mị rị ọọ, mẹ ịsị u wèe sì!”

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Ẹtore 2:27

anka Áda anị mẹ̀ sị ụkata yị ọnị. Ọ vaa sị okutẹ enyusẹ mẹ ịjọvaa tụra wa. Dị aa chaka wa, a mẹ̀ẹ chaka ụnọkọ rugu-rugu avọọ.

Ịjọọnụ 14:7

Wàa yaanị yẹ mị nịnị, ụ rẹ yaanị yẹ Ada amị nịnị bẹẹ. Hụrẹ ọyaanị na, wa sị ọọ yẹ nịnị, we re si oo re nịnị.”

Ịjọọnụ 5:17

Dị Ijeesu kà a yị wa ka, “Ada amị aà yịị mẹ̀ ụkọrọ va ngụ ọyaanị, agụvị avọọ ẹmị raa yịị mẹ̀ ụkọrọ nị.”

Imatiwu 26:39

Dị ọ kà nọ ọvịdị chee, dị ọ va ku ẹtẹ, dị aa mẹ̀ aduwa nị. Dị ọ ka, “Ọga, ọ̀ọ yaanị rụra mẹ, ụmẹ ụyọrị ọnọnị ọ̀ há hụrẹ mị ịrẹsụ; ama ẹ yị vị ịsị mi sì, ẹ̀ yị vị ịsị u wèe sì.”

Imatiwu 18:10

“Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Imatiwu 18:19

Dị ma rẹ kà a yị wụ nịnị ka: Aza ẹnị ẹẹva ịnị ẹngụ awụ nịnị ẹ̀ẹ sị ayị vị ọnya ịnị ẹhẹ ịnị ịsa ene èeyee họ̀ use, Ada amị ana yà ẹbẹẹba vị ana aa mẹ̀ ẹ yị wa.

Imatiwu 25:10

Di e si hu aa na nị. Ẹ màa naa hị́ angwẹ, dị ọza ana aa nyị ọnẹẹ vẹ nị. Dị ẹnị ene tenyi ẹngụ aanị saasa a ngụ eehi nọ ini ịrẹyị ọnẹẹ, di e gu oze nị.