Imatiwu 7:14 - IWE ỌNỊNỊ

¹⁴ Oze ana aa sị ọza naa ngụ ịzị ọza yàā yà ịda Ohomorihi pooro zịna-zịna, ộ hana, oze anị aa dẹẹrẹ aanị. Aza chee aanị e ree nị.”

Imatiwu 7:14 Referans Kwoze

Imatiwu 22:14

Ọza ọrụrụ-ọrụrụ a hị́ nị, ama chee a nyị nị.”

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Ịmaakị 8:34

Dị Ijeesu hị́ ọkọnị aza ọnịrị ezirẹma anị, dị ọ kà a yị wa ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Ụhịrẹyị 8:20

Oze ana vọrọ dị ọ vị ịzẹyịza ọnịị̄ zị nị.

Ayịsaya 30:21

Wàa daka nyee eyi zị oze ụvọrị aa vị oze ụvọha, Ohomorihi vaa jẹẹ ịrẹma awụ, dị waa wụ́ ọ́ màa kà a ka, “oze yi, và tụra a.”

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Imatiwu 20:16

Avọọ ọ́dịrẹma mẹ̀ vaa vị ọdọvịdị, dị ọdọvịdị vị ọdịrẹma nị.”

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Ayịsaya 57:14

Ẹnẹyịmavara kà, “jẹẹ aza amị ẹ̀ vàka mị vẹ. Kụ́ ịsị ẹ dọ wa oro hụrẹ oze yị wa. Tụ́ oze yi wa, di u we tenyi oze ọnọọ tịtẹ.”

Aniroomi 9:32

Sị ẹ vẹ? Agụvị ka ịsa ẹnẹẹ mẹ ọ yị jẹẹ ịrẹsụ ẹdọwụ, ama ị́rẹsụ ụkọrọ ụvọ ẹnịnị ọ jẹẹ nị. Agụvị avọọ ẹnịnị ệ tụ́ ahụ, dị ẹ và angga ịnị ịrẹta ọnọọ anaā mẹ ọzaa tụ́ ahụ nị.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Ahẹ Ụgama 16:11

Ụ vaa sịị zụ̀ mị oze ana vọrọ ka ma zị dị ma yàra Màa yà ịda awụ, ọnọọ vaa mẹ ka maa jẹ ịrajẹ dị ịnẹ amị òo hine pooro kẹnẹ nị.

Imatiwu 7:13

“Zị oze dẹẹrẹ ọnọọ ngụ eehi nịnị! Agụvị ka oze ana na ngụ ịzị aza yàā vu ẹtẹ, ộ gana, oze anị aa ba mị ba mị aanị. Aza ana zị oze avọọ ệ rụrụ ẹtẹẹtẹrẹ.

Imatiwu 7:15

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.