Imatiwu 7:11 - IWE ỌNỊNỊ

¹¹ Ẹwụ nịnị ana vị aza edivi, wàa yẹ ka áa vọrọ ka wa sị ịsa ọyịza yị ezi ewu nịnị; ụ mẹmẹ va yẹ ka Ada awụ nịnị ẹbẹẹba ọ yị vaa sị ịsa ozoza yị aza ana aa họ̀ ọ use?

Imatiwu 7:11 Referans Kwoze

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Aniroomi 8:32

Ohomorihi ẹnẹ ẹ̀ yị hyakụ sị Ozi anị ụvọta-ụvọta tẹ yị, ộ na a vọ ka ò sú yị avaba ayị. Ọza ana na aa sị Ozi anị ụvọtaa yị, si u ro ka ọ yị kụkụ zụ sị yị ọọhẹ kẹnẹ?

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Ayịsaya 49:15

Ẹnẹyịmavara ộ họ̀ wa ka, ọnyị ozi wéé hi ayị ozi anị ana ka ịrẹva? Ọ́ọ́ zụ nyị ịhyẹrẹ ozi anyavava ana hụụnị ẹngụ anị tụ ẹhẹ. Ọnyị ozi ọ̀ọ daka hi ayị ozi anị ọnị e yi vee hi ayị ẹnịnị.

Ahẹ Ụgama 86:15

Ẹnẹyịmavara, Ohomorihi anaā vayị ọza ụ vị nị, vị ụụ ngụ ayị ọza nị, wẹ mā hụra kụ́ ayị, wâ nyị ịzẹyịza, avọọ ụ mẹ̀ rẹẹ̄ vayị ọza nị.

1 Ịjọọnụ 4:10

Ịsị aā hị́ ịrẹyị ọza oyisì yị: Ẹ́ yị vị ka vị ẹyị sì ịrẹyị Ohomorihi nị, ama Ohomorihi o sì ịrẹyị ayị nị, dị ọ tụ́ Ozi anị vẹ ẹhẹ ka ọ̀ va sị ẹngụ anị mẹ̀ ịsọvọ, dị à zụ vagu yị ịnị ịvị ayị nị.

Ahẹ Ụgama 86:5

Ẹnẹyịmavara, ịsa ozoza ụụ̄ mẹ, dị ụụ̄ rẹẹ vagu ọza nị. Avaba aza ana aa mẹ̀ aduwaa hi wụ vị oni ụụ̄ sì ịrẹyị anị.

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

Oyinyima 6:5

Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịmarakayị 1:6

Ẹnẹyịmavara Ochẹtẹẹngụ ộ kà a yị ohirẹsụ irehi Ohomorihi nịnị ka, ozi vị anaā sịị ụbanyị yị ada anị, di ozi ahụ ọnị rẹ sị ịrẹsụ nẹtẹ yị ọga anị. Ọnị ọ̀ọ vị ada ẹnịnị, dị ọnị vị ọga ẹnịnị nị, sị ẹ vị ụbanyị ada ọnịrị angwahi ọga ẹnị ẹ nyị yị ọnị? Dị ọ rẹ ka ẹ raa si eyi oweyi re ọnị nị. Ama dị ẹ yaa họ̀ ọ use ka, ẹnị mẹmẹ sị eyi oweyi re e nị?

Ahẹ Ụgama 85:12

Mâ yẹ kaakara ka Ẹnẹyịmavara vaa mẹ̀ ịsa ene zoza, dị ẹtẹ ayị vaa mẹ̀ ịsa.

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.

Anigaratiya 3:22

Ama Iwe Ohomorihi ọ sị ọọ kà ka ụvọ ịvị ọ sị avaba ẹhẹ kara. Aza ana sị ayị tụra Ijeesu kẹnẹ, ẹ vaa dọ ẹyịza ọnọọ oni Ohomorihi raà kà a ka ẹ yị nyị ka ọnị ọyị vaa sịị yị aza ana sị ayị tụra Ijeesu.

Aniroomi 3:9

Ẹyị Aniju yọ, yáá dahi hu aza ẹnẹ ẹ̀yị vị Aniju? Vụrụ-vụrụ, yẹ yị dahi hu wa ikonya! Máa vịdị raà sị zụ̀ ka ẹyịrị wa vị ọnị ụvọ ịvị kara tịtẹ.

Ijeremaya 33:14

Ẹnẹyịmavara kà, re, ụmẹ aa vẹ ọnị ọnị vaa mẹ avaba ịsa ọnị ọnị ka ọnị vaa mẹẹ yị Anijuda ẹnịrị Anisirẹrị nịnị aanịị yị wa.

2 Ịsamụwẹrị 7:19

Ho! Ẹnẹyịmavara Ochẹtẹẹngụ, ụ ka ẹhwị ọnị ụ mẹ aanị ọ yị mẹ̀hị zee? Dị ụ rẹ maanị kà ịrẹyị ịsa ozoza ọnị ụ vaa mẹẹ yị ẹmị ozi ahụ awụ ịrẹma ụhwọọ? Ụ nyayịnẹ ngụ ayị ọza oo!

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ijoovu 15:16

Ẹnẹ va vị ẹyị ọza ana sị vụ dị ị sị du ha. Ẹyị anaa mẹ̀ ebira odivi pooro anka ọza mee hú enyi avọọ.

Ayịsaya 63:7

Ayịsaya ka ọnị vaa kà a Ẹnẹyịmavara mẹmẹ aa ngụ ayị ẹnịnị. Ọnị aa ga a agụvị avaba ọyịza ọnị ọ mẹ yị ẹnị, dị mẹ ize yị Anisirẹrị nịnị agụvị ka ộ vayị ẹnịnị, di o sì ịrẹyị ẹnịnị pooro nị.

Imatiwu 7:10

à vị òo họ̀ use ivovo, dị ọ na sị ẹwụ odivi va yọ?

Imatiwu 23:9

Asị a rẹ nyị ọza ọnị ụ waa hị́ ‘Ada ayị’ ịnị ẹhẹ ọnọnị nịnị, agụvị ka ọza ịnya kẹnẹ ọ vị Ada awụ nịnị; ọ yà ẹbẹẹba.