Imatiwu 6:30 - IWE ỌNỊNỊ

³⁰ Ohomorihi ọ̀ọ vavọọ sị uzoza yị avị, oni u wèe re ajịnị, ụhwọọ dị a sị ọọ ká tụ́ ịnị ịra, wé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ!

Imatiwu 6:30 Referans Kwoze

Iruuku 12:28

Ohomorihi ộ vavọọ sị ịsa ozoza yị avị, oni u wèe re ajịnị, ụhwọọ di a sị ọọ ká tụ́ ịnị ịra, wéé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ.

Imatiwu 14:31

Dị Ijeesu wụsẹ tana ụvọ anị, dị ọ za a nị. Dị ọ kà, “Ẹdọwụ awụ ộ da weyi kẹnẹ. Sị ẹ vẹ dị ụ waa mẹ ayị ẹẹva?”

1Ipita 1:24

Avaba aza vị ana sị mẹẹ anka avị avọọ Uzoza ọza vị ana sị mẹẹ anka ododo avị Ịjị avị ọ̀ọ sị wụ̀, dị ododo anị wọ̀rọ̀ va ha.

Imatiwu 16:8

Dị Ijeesu sị yẹ nị, dị ọ ka, “Ẹdọwụ awụ nịnị ộ da weyi. Sị ẹ vẹ dị ụ waa kà a ka wẹ yị za ịsọyịrị nịnị?

Imatiwu 8:26

Dị ọ kà a yị wa, dị ọ ka, “Sị ẹ vẹ du wee hí angwa nịnị? Ẹdọwụ awụ nịnị ô weyi, oo!” Dị ọ kwẹẹtẹ, dị ọ tụ́ ahị ọnịrị irehu ohuvọ nị, dị ẹtẹ tịtẹ sii nị.

Ịjọọnụ 20:27

Dị Ijeesu kà a yị Ịtọmọsị ka, “Sị igege awụ tụ́ ịzẹnị, di u we re ụvọ amị! Rẹ tana ụvọ awụ, dị ụ wa sị tụ́ ịnị akaha amị! Asị ụ rẹ̀ kụkụ mẹ ayị ẹẹva, waa dọ ọ wụ́!”

Ịmaakị 4:40

Di Ijeesu kà a yị wa ka: Sị ẹ vẹ di eyee hí angwa nị? Ọ kà ẹnịnị ẹ ẹ̀ yị va sị ayị tụra ọnịị?

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Iruuku 9:41

Dị Ijeesu ka, “Ho! Sị ẹ vẹ dị ẹwụ nịnị anị ụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? M mẹ̀ kụkụ vaa yà ịda awụ nịnị hu aanị? Ịzị mị vaa sị ẹngụ dọ ịrẹyị awụ nịnị nee tù? Sị ozi ewu ọnọọ vẹ ịzẹnị!”

Ịmaakị 9:19

Dị Ijeesu ka, “Sị ẹ vẹ dị ẹwụ nịnị anụmẹ ọgọnị ọ̀ yị dọ wụ́ vụrụ-vụrụ aanị? M mẹmẹ kụkụ vaa yà ịdị awụ nịnị kùu hu aanị? Ịzị mị vaa sị ẹngụụ dọ ịrẹyị awụ nịnị nee tù? Sị ozi ọnọọ vẹ!”

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”