Imatiwu 6:25 - IWE ỌNỊNỊ

²⁵ Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta?

Imatiwu 6:25 Referans Kwoze

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

1Ipita 5:7

Sị avaba ariro awụ nịnị chire Ohomorihi ụvọ, agụvị ka ọ́ọ sị ịrẹyị awụ nịnị tụ́ ịnị ayị anị.

Aniroomi 8:32

Ohomorihi ẹnẹ ẹ̀ yị hyakụ sị Ozi anị ụvọta-ụvọta tẹ yị, ộ na a vọ ka ò sú yị avaba ayị. Ọza ana na aa sị Ozi anị ụvọtaa yị, si u ro ka ọ yị kụkụ zụ sị yị ọọhẹ kẹnẹ?

Ahẹ Ụgama 55:22

Ịrẹyị ene èe tù wu, ụ sị chire Ẹnẹyịmavara ụvọ, ka ọ vaa sị ụvọọ za wụ Ohomorihi ọ yị vaa zẹẹ ka aza ana aa mẹ ịzẹyịza ẹ̀ hyẹdụ.

Imatiwu 6:31

Agụvị avọọ asị ụ rẹ̀ mẹ ariro nịnị ka: ‘Sị ị vaa rị?’ À vị ka, ‘Si i vee hú’ ọnịrị ‘Si i ve sii kú ẹngụ?’

Ịmaakị 4:19

dị ariro ẹhẹ ọnọnị ọnịrị evene ẹkẹhị ọnịrị ụbanyị ẹhẹ beri oyisì odivi ịsa ana vọ ngụ ịnị ayị ẹnịnị, dị ẹ za ịrẹyị ọnọọ rị nị; agụvị avọọ ẹ yị nyị ẹtụtụ.

Imatiwu 10:19

Ịhị àa hị́ wụ nịnị ịrẹka, asị u ne roo tịtẹ nịnị ka u mè vee tụ́ ohi, à vị ka sị ụ vaa kà kẹ! Ịjị ụmẹ òo si tù, ịsị àa vọrọ ka wa kà nịnị, a vaa sị zụ̀ wụ nịnị.

1 Anịkọrịntị 7:32

Me yi sì ka à nyị ịsị ẹ và wụ ayị zi nịnị. Ọza ẹnẹ ẹ̀ yị nyị ọnẹẹ, vị anaā sịị ayịị tụ́ ịnị ịsa Ananyị yị. Vị eē sì ka ẹnị ẹ̀ẹ mẹ̀ ịsa ene zé Ananyị yị eyi kẹnẹ nị.

Imatiwu 6:34

Agụvị avọọ asị ụ rẹ̀ mẹ ariro agụvị ụhwọọ. Ụhwọọ ọ vaa mẹ ariro ẹngụ anị nị. Sị eyi pe ariro ajịnị kẹnẹ!”

2 Itimoti 2:4

Ọza ana aa kụ̀ ịrẹkụ, ọ mā kụkụ nyị eyi yị ụkọrọ ẹngụ anị, agụvị ò zụ zé ọga anị ana dọ ọ eyi.

Iruuku 8:14

Aza ẹnẹnị vị ana yà anka ihu ene e mi tụ́ ịnị akakana ikeyi. Ẹ mẹ̀ wụ́ ịrẹyị ọnọọ, dị ẹyaa vụrị nị. Ama ariro ẹhẹ ọnịrị ẹkẹhị beri ụbanyị ẹhẹ ọnọnị ộ za ịrẹyị ọnọọ rị; agụvị avọọ ẹtụtụ ẹnịnị e yi ve vi.

Imatiwu 13:22

Ọza ana rẹ dọ ihu ọnọọ tụ́ ịnị akakana ikeyi, ọ vị ọza ana wụ́ ịrẹyị ọnọọ di ariro ẹhẹ ọnọnị ọnịrị evene ẹkẹhị ọnịrị ụbanyị za ịrẹyị ọnọọ rị nị, agụvị avọọ ẹyị nyị ẹtụtụ.

Iruuku 12:11

Ịhị àa za wụ nịnị nọ ini irehi Ohomorihi, àa vị ini ikootu, àa vị ịdị aza ana nyị ọda, asị u ne ro o nịnị ka u mè vee tụ́ ohi, à vị ka sị ụ vaa kà kẹ!

Ịmaakị 13:11

Ịjị àa za wụ nịnị nọ ini ikootu, asị u ro ịrẹyị ọnị ụ vaa kà tịtẹ nịnị! Ịjị ụmẹ òo si tù gẹdẹ-gẹdẹ, ịsị Ohomorihi ọ̀ọ sị tụ́ wụ nịnị irenu, ụ kà a nịnị; agụvị ka ẹ yị vị ẹwụ nịnị ụvọta aa kà ịrẹyị, Ụhwẹ Ọnịnịị yọ nị.

Ijeremaya 45:5

Avọọ, asị ẹwụ Ibaruki kà a ka wee si ịsa ozoza-ozoza yị ẹngụ awụ, agụvị ka ọnị Ẹnẹyịmavara vaa kụ ẹngụkata tu avaba aza, ọ ka, ama ẹwụ Ibaruki, aha tụra aha ọnị waa nọ, ọnị ẹ́ yị vaa zẹẹ ka à nyị ịsị ẹ mẹ̀ ẹwụ.