Imatiwu 6:2 - IWE ỌNỊNỊ

² Agụvị avọọ, wàa mẹ ẹyịza, asị ụ nọọ ẹngụ awụ, anka ónogevegeve nịnị mẹ̀ẹ̄ mẹ ini irehi ahẹkẹ Aniju ọnịrị ini orere ka aza ẹ̀ẹ ga ẹnị. Ịzẹyịza mị kà wụ nị, ẹ sị ọgụ ẹnịnị dọ da.

Imatiwu 6:2 Referans Kwoze

Imatiwu 6:5

Wàa mẹ̀ aduwa, asị ụ mẹ̀ anka ọmọzakụyẹ nịnị. Eē sì ka ẹnị ẹẹ̄ jẹẹ ini irehi ahẹkẹ Aniju ọnịrị ini oreree mẹ̀ aduwa ka aza è zụ re ẹnị. Ịzẹyịza, mị kà wụ nịnị nị, ẹ sị ọgụ ẹnịnị dọ da.

Imatiwu 6:16

“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da.

Ịjọọnụ 5:41

“Mẹ yị dụ ka aza ẹ̀ẹ ga mị.

Anihiburu 13:16

Tamayị di u we re ka waa mẹ ọyịza nịnị! Ịsị ụ wàa nyị, ẹwụrị ọza ọ̀ọ gàa nịnị! Ẹngụ ẹnẹẹ ọ vị ịsọvọ oni Ohomorihi sì nị.

Iruuku 20:46

“Sị eyi pe ẹnụ awụ nịnị ịnị ụvọ ọzwọzọda nịnị. Eē sì ka eni èe chire awuru ọgọdọọ zịịzị, dị aza ẹ̀ẹ kụ́ ẹnị ini ohu. E reē sì ka ẹnị ẹ̀ẹ yaayịtẹ aha ene hu keekere ini irehi Ohomorihi ọnịrị ịzị àa kụ́ gụ aa rị eche.

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.

Ahẹ Ụgama 37:21

Aza edivi ẹ̀ẹ dọ ọza ịsa rere e mē vene sị ọ varẹma. Ama aza ana aā mẹ̀ ebira ana vọrọ ẹnị vị ana aa mẹ ẹyịza.

Anẹhwẹsọsị 4:28

Ọza eneē vidii yi oyi, ọ̀ na hụụnị oyi oyiyi! Ọ̀ kụkụ naa sị ụvọ anịị mẹ̀ ụkọrọ ini oze ene zoza, dị ọ̀ zụ nyị, dị ọ̀ hyakụụ mẹ ọgụvọọ yị onosiye nịnị bẹẹ!

Anigaratiya 2:10

Ệ dá ịpẹ yị kẹnẹ ka ya tamayị onosiye nịnị. Ịsị emi reē sì ka ma mẹ gẹdẹ-gẹdẹ ọ vị ọnọọ nị.

Odeyi 10:4

Ô re anggẹẹrị ọnọọ, dị angwa hí ọọ nị. Dị ọ ka, “Sị ẹ vị ọnọọ, Ananyị yị?” Dị anggẹẹrị ọnọọ ka, “Ohomorihi ọ raà tamayị aduwa awụ ọnịrị ẹyịza ọnị ụ waa mẹ.

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

1 Itimoti 6:18

Kàa ka ẹ̀ẹ mẹ ọyịza, dị ẹ̀ẹ mẹ ọza ẹyịza, asị ẹ ngụ ayịsa! Ọnọọ ọ vaa mẹ ka ẹ̀ vị ọzọbanyị obooro nị.

Aniroomi 12:8

Ọza ana àa tụ́ ọza ọtụtụrụma, ọnị ọ̀ rẹ sị eyi pe ụkọrọ anị! Ọza ana àa mẹ ẹyịza, ọ̀ọ mẹẹ, asị o ti tụ́ ịnị anị! Ọza ana àa nyị ọda tụra ịrẹsụ aza, ò re ka ọnị ọyị nyị uworo! Ọza ana àa vayị ọza, ọ̀ọ sị ayohinee mẹẹ!

Odeyi 24:17

“O si kù ọnị mị hụrẹ Ijerusarẹmị. Dị mị va nọ ịzọọ ka ma sị ẹkẹhị na yị aza amị, dị ma rẹ mẹ̀ ịsọvọ hi Ohomorihi nị.

Odeyi 10:31

Dị ọ ka: ‘Ịkọnẹrịyọsị! Ohomorihi ọ sị aduwa awụ dọ. Ọ rẹ tamayị ẹyịza ọnị ụ waa mẹ.

Odeyi 10:2

Ộ nyị ahẹkẹ ẹtẹẹtẹrẹ, ọnịrị aneehi anị ệ nyị angwahi Ohomorihi. Ọ rẹẹ̄ mẹ aza ẹyịza, dị ọ rẹẹ̄ mẹ̀ aduwaa hi Ohomorihi ụmẹ tụra ụmẹ nị.

Odeyi 9:36

 nyị ọnẹẹ ọnya aanị ana yà Ịjọpa, ozirẹma ọ vị nị. Aā hị́ ọọ Itabita. Iruvo ịrẹha anị ọ vị Ịdọkaasị ịnị ẹkụra Anigiriki, ọnọọ vị ka “akọnọ”. Ọọ̄ mẹ ọyịza ẹtẹẹtẹrẹ, dị aa gụ onosiye nịnị ụvọ.

Ịjọọnụ 13:29

Ijudasi o sị eyi pe ẹkẹhị ẹnịnị nị, agụvị avọọ dị aza ẹnyị ẹnịnị ro ka vị Ijeesu kà a yọ ka ọ̀ na hị́ ịsị ẹnị vaa sị rị eche nị. Ẹ rẹ ka ẹ̀ yị vị avọọ, ahịka vị ọ ka ọ̀ sị ẹkẹhị yị onosiye nịnị nị.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

Iruuku 6:42

Wáá zụ ka ẹ yị ọnọhụva awụ ka: ‘Ọhụva amị, jẹẹ ma sị ẹchịchị hụụnị eyi awụụ wụ’, ama dị ẹwụ e yi re ọvọọvọrọ ana yà ini eyi awụ? Ẹwụ ọmọzakụyẹ, wẹ rẹ̀ vịdị sị ọvọọvọrọ ana yà ini eyi awụ daa! Ịjọnọọ di u wee re ẹtẹ ẹtẹẹrẹ, dị ụ wa va zụ sị ẹchịchị ana yà ini eyi ọnọhụva awụ.”

Ịmaakị 12:39

E reē sì ka ẹnị ẹ̀ẹ yaayịtẹ aha ene hu keekere ini irehi Ohomorihi ọnịrị ịzị aa kụ́ gụ aa rị eche.

Ụhịrẹyị 20:6

Ọzọza vị anaa kà a ka ọnị ọ wụra chị ayị za, ama ene kụkụ zụ re ọza ana wụra chi ayị tụra kẹ?

Ụhịrẹyị 19:17

Ọza ana mẹ ọnụya ẹyịza vị anaa sị ịsa rèré Ẹnẹyịmavara, o vee sí ọ yọ varẹma.

Ahẹ Ụgama 112:9

Ẹngụ aza ẹnẹẹ ệ vịdị raà mẹ vi ana vaa jẹẹ pooro. Ọ vaa nyị ụkata dị aza aa sị ụbanyịị yọ.

Ihwirimọnị 1:7

Ẹnẹbẹnị, ịrẹyị ọza ọnị u sì, ộ mẹ̀ ka ịnẹ amị ò hine ẹtẹẹtẹrẹ, ộ rẹ sị ọtụtụrụma mị bẹẹ. Wa raà mẹ ka avaba aza Ohomorihi ẹ̀ nyị ayọnẹtẹ.

1 Anịtẹsaronika 2:6

Yẹ yị kà ka ọzọnyị-ọzọnyị ọ̀ ga yị, ọ̀ọ vị ẹwụ nịnị, ọ̀ọ vị aza ẹnẹsa. Anka odeyi Ikirisiti, ya yaanị re oze kà a ka wa sị ịsa ana vọrọ yị nịnị.

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

Iruuku 13:15

Dị Ananyị yị kà a yọ ka, “Ẹwụ nịnị ọmọzakụyẹ ẹnẹnị, aanịka wẹ mā ngwara imaaru ọnịrị ịkẹrịkẹtẹ awụ nịnị ka è ne hú enyi ịnị ẹkụhị ụhwọtụ?

Iruuku 12:56

Ẹwụ nịnị ọmọzakụyẹ, wâ yẹ ịsị eguhi ọnịrị ẹtẹẹ̄ kà nịnị; ama sị ẹ vẹ dị ụ wẹ̀ yị yẹ ịsị ụmẹ ọnọnị aa kà nịnị?

Iruuku 12:33

Ná ịsa ọnị ụ nyị, dị ụ wa sị mẹ onosiye nịnị ẹyịza! Mẹ asụnụ ene è yi mē bo yị ẹngụ awụ nịnị, dị ụ wa sị ogu awụ nịnị tẹ tụ́ ẹbẹẹba! Ịzọọ, ẹnịnị e yi zụ vú, oyi ọ yị zụ nọ ịzọọ, ikere o yi re zụ ne du ọọ.

Iruuku 11:43

Ẹwụ nịnị Anihwarisi ẹ sị dà. Uū sì ka wa yaayịtẹ aha ene hu keekere ini irehi Ohomorihi; u reē sì ka aza ẹ̀ẹ kụ́ wụ nịnị ini orere.

Iruuku 11:41

Sị ịsa ana yà ịnị ako ọnịrị ịsa ana yà ịnị ịchacha awụ nịnị mẹ onosiye nịnị ẹyịza, ịjọnọọ avaba ịsa vaa nịị yị wụ nịnị.

Iruuku 6:24

Ama ẹwụ nịnị opisa, ọ sị dà, agụvị ka wa sị ẹhẹ ẹngwọọrọ awụ nịnị rị da.

Ịmaakị 7:6

Dị Ijeesu ka, “Ẹwụ nịnị ọmọzakụyẹ ẹnẹnị! Ịrẹyị ana Ayịsaya chẹrẹ ịyẹẹyẹ, ộ da sẹrẹ wụ nịnị kẹnẹ, ọ ka: ‘Ohomorihi ka: Irenu kẹnẹ aza ẹnẹnị sị sị ụbanyị yị mị nị; ama ẹnịnị ẹ yị dọ ịrẹyị amị tụ́ ịnị ayị ẹnịnị.

Imatiwu 24:51

Dị ọga anị za a, dị ọ sẹ̀ ẹ rugu-rugu, dị ọ sị ọgụ ọmọzakụyẹ yọ. Ịzọọ di ee nowu, dị aa rị anyị.”

Imatiwu 23:6

Àa nyị ịzị a kụ́ ẹngụ gụ aa rị eche, ọnịrị ini irehi ahẹkẹ Aniju, aha ene hu keekere eē sì ka ẹnị ẹ̀ yaayịtẹ nị.

Imatiwu 22:18

Ama Ijeesu ộ yẹ ebira odivi ẹnịnị, dị ọ kà a yị wa ka, “Sị ẹ vẹ dị ụ waa zama mịị re nịnị, ẹwụ nịnị ọmọzakụyẹ?

Imatiwu 16:3

Àa vị ẹnẹnẹ yọ, dị eguhi ee ví, dị ẹtẹ tịtẹ dụụmẹ nị, dị ụ ka orihi vaa zụ̀ ajịnị. Ẹwụ nịnị ọmọzakụyẹ, wâ yẹ ịsị eguhiī kà nịnị; sị ẹ vẹ dị ụ wẹ̀ yị yẹ ịsị apọtẹrẹwa ụmẹ ọnọnị aa kà nịnị?

Imatiwu 15:7

Ẹwụ nịnị ọmọzakụyẹ ẹnẹnị! Ịrẹyị ana Ayịsaya chẹrẹ ịyẹẹyẹ ộ da sẹrẹ wụ nịnị kẹnẹ. Ọ kà,

Ayịsaya 58:7

Ẹnịnị ẹ da ịsa yị aza ọnị ụngwẹ aa kụ, dị ẹ sị irehi ẹnịnị yị onosiye ẹnẹ ẹ yị nyị irehi ka ẹ ra, dị ẹ sị achị yị aza ana tụ ahwaahụ, asị e yi ka ẹnị ẹ yị mẹ ọgụvọ yị anda ẹnịnị.

Ayịsaya 9:17

Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị.

Ịrẹyị Ọzwọzịsa 11:2

Re ka waa gà ẹyịza awụ tu aza ọrụrụ-ọrụrụ agụvị ka we yị yẹ ịrẹyị odivi anaa vẹ ọvịdị.

1 Ịsamụwẹrị 15:30

Dị Ịsọọrụ tụ́ ohi dị ọ ka, “Mâ yẹ ka ma sị akụvị mẹ, ama navọ asị ụ mẹ̀ ụhị nyị mị ịnị eyi ọdọvịdị aza amị ọnịrị Anisirẹrị. Navọ wa saasa mị varẹma dị ma na hẹkẹ Ẹnẹyịmavara ana vị Ohomorihi awụ.”

Imatiwu 7:5

Ẹwụ ọmọzakụyẹ, wẹ rẹ̀ vịdị sị ọvọọvọrọ ana yà ini eyi awụ daa! Ịjọnọọ di u wee re ẹtẹ ẹtẹẹrẹ, dị ụ wa va zụ sị ẹchịchị ana yà ini eyi ọhụva awụ.

Imatiwu 5:18

Ịzẹyịza, mị kà wụ nịnị nị, pooro dị ẹbẹẹba ọnịrị ẹhẹ ọ̀ ta, ẹ yị nyị ikonya ịnị ọda ana vaa jịị ha vụrụ-vụrụ. Avaba anị saka-saka ọ vaa sẹ nị.

Ayịsaya 10:6

ka me si tụ́ aza ẹnẹ ẹ̀ yẹ ẹmị Ohomorihi. Mâ tụ́ wa ka ẹ̀ na kụ́ ogu aza ana mẹ ayị kụ́ mị. Mị ka ẹ̀ na vara wa eteesu dị ẹ̀ẹ kụ́ ahụụ hi wa ini orere.

Imatiwu 6:3

Ama wàa mẹ ẹyịza, asị ụ zẹẹ ka ụvọha awụ ọ̀ yẹ ịsa ọnị ụvọrị awụ aa mẹ!

Imatiwu 23:5

Avaba ịsa ẹnịnị vị ẹnẹ ẹẹ̄ mẹ ka aza è re e kẹnẹ. Ampo ana a chẹrẹ ịrẹyị Ohomorihi tụ́, dị a sụ́ ọ za ụvọ ọnịrị ibe, ẹnịnị vị ana banyị irenyi. Avọ awuru ẹnịnị vị ana rẹ gọdọ irenyi.

1 Anịkọrịntị 13:3

Màa hyakụ nyẹngụ sị avaba ogu ọnị mị nyị mẹ ẹyịza, dị mị hyakụ zẹẹ ka à rị mị ịra nị, ama àa vị ka me yi sì ịrẹyị ọza, ẹ yị nyị ọgụ ịsị ọ vị yị mị.