Imatiwu 6:16 - IWE ỌNỊNỊ

¹⁶ “Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da.

Imatiwu 6:16 Referans Kwoze

Inehemaya 1:4

Ịjị Inehemaya maanị wụ́ ịrẹyị ọnọnị, dị ẹngụ anị sị va hi, dị ọ yaayịtẹ aa jị òrèrè nị. Agụvị ka ịrẹyị ọnọọ ộ zị ọ ẹngụ, ộ yaatụ mẹ ẹkụhị ọrụrụ-ọrụrụ ệ yị rị ịsa, dị aa da ịpẹ yị Ohomorihi ana nyị ẹbẹẹba nị.

Ịdanịyẹrị 9:3

Ọ kà ịjị ọnị maanị re e kẹnẹ, dị ọnị ệ ro ịrẹyị Ohomorihi Ananyị yị nị. Di oni nyima â mẹ̀ aduwa, dị ọnị â dá ịpẹẹ yọ nị. Ọ kà ọnị ệ yị rị ịsa, dị a hịka ịta kawụ-kawụ ọnya aanị kẹnẹ ọnị sị vụ, dị ọnị kụ atịtọ ku ịrẹsụ nị.

Iruuku 18:12

Mịị̄ za awẹ ụpẹ ẹẹva ịnị ọsẹ, mị rẹẹ̄ tụ́ agẹẹwụ avaba ịsị màa nyị.’

Ịmaakị 2:18

Ezirẹma Ịjọọnụ nịnị ọnịrị ezirẹma Anihwarisi nịnị vị anaā ba awẹ ịjẹnyị. Dị aza ẹnyị aanị ká Ijeesu vẹ nị, dị ẹ kà a yọ ka, “Sị ẹ vẹ dị ezirẹma Ịjọọnụ ọnịrị ezirẹma Anihwarisi nịnịị̄ ba awẹ, dị ezirẹma ẹwụ ẹnị ẹ̀ yị mā vavọọ mẹ?”

Ahẹ Ụgama 69:10

Maa jị òrèrè, mẹ yị rị ịsa, dị aza aa kụ̀ mị ụhụ nị.

Ahẹ Ụgama 35:13

Ama àa vị ẹmịị yọ, ẹngụ àa zị wa, di mi chire awuru ana sị zụ̀ ka ayị amị vi ene dụ Dị mẹ yị zẹẹ ka ma rị ịsa, dị mị ká ịrẹsụ hi dị maa mẹ̀ aduwa.

Odeyi 14:23

Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.

Imatiwu 6:5

Wàa mẹ̀ aduwa, asị ụ mẹ̀ anka ọmọzakụyẹ nịnị. Eē sì ka ẹnị ẹẹ̄ jẹẹ ini irehi ahẹkẹ Aniju ọnịrị ini oreree mẹ̀ aduwa ka aza è zụ re ẹnị. Ịzẹyịza, mị kà wụ nịnị nị, ẹ sị ọgụ ẹnịnị dọ da.

Imatiwu 6:2

Agụvị avọọ, wàa mẹ ẹyịza, asị ụ nọọ ẹngụ awụ, anka ónogevegeve nịnị mẹ̀ẹ̄ mẹ ini irehi ahẹkẹ Aniju ọnịrị ini orere ka aza ẹ̀ẹ ga ẹnị. Ịzẹyịza mị kà wụ nị, ẹ sị ọgụ ẹnịnị dọ da.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

2 Ịsamụwẹrị 12:16

Di Idevidi hụ agụvị ozi ọnọọ dị aa dá ịpẹẹ yi Ohomorihi nị. Idevidi ọ yị rị ịsa, dị ọ ngụ ịnị eehi dị ọ na hụtụ ini eteesu nị.

Ahẹ Ụgama 109:24

Mẹ yị rị ịsa, idinku amị kụkụ aa banyị, mâ ta kwọrọ, mị kụkụ tịtẹ gawụ-gawụ.

1 Ohinọyị 21:27

Ahabị mẹ̀ maanị wụ́ ịrẹyị ẹnẹnị, dị ọ za ịta anị dị ọ nà a nị. Dị ọ sị ịta kú ẹngụ ọ́za oni oku sú avọọ, dị aa ba awẹ, dị ọ hụtụ tụ́ ịnị atịtọ nị. Di ahịka vị ọ kụkụ aa zi siisii nị.

2 Anịkọrịntị 11:27

Mâ mẹ̀ ụkọrọ, ộ ngụ mị ẹngụ. Ụmẹ ọrụrụ-ọrụrụ mẹ yị sụ̀ ara ịrahụ. Ụngwẹ ộ kụ̀ mị, enyi ọ rẹ kụ̀ mị. Ụmẹ ọrụrụ-ọrụrụ me yi re ịsa rị, me yi re aha yà, me yi re ịta kú ẹngụ.

1 Anịkọrịntị 7:5

Asị ẹvarose yi ka ẹnị ẹ yị kanyị ẹngụ, ẹ̀ yị vị ẹ hụhụ dọ ka ẹnị aa sị ụmẹ chee tịtẹ, dị ẹnị ẹ̀ẹ mẹ̀ aduwa. Ẹ̀ẹ vavọọ sị ọ mẹ, ẹ̀ rẹẹ mẹ ẹvarose ẹnịnị, agụvị asị Echu ne re oze za wa mẹ ịvị, agụvị ka ẹ yị zụ sị ụvọ za ẹngụ ẹnịnị.

Iruuku 2:37

Dị ọ kụkụ vana aa mẹ osoku hụrẹ ịrayị ẹbẹẹna tụra ẹẹna nị. Ọ mā hụụnị irehi Ohomorihi pooro. Dị aa ba awẹ, dị ọ raa mẹ̀ aduwa, ọ màa hẹkẹ Ohomorihi ọọdụ ọnịrị ịrahụ nị.

Ịmarakayị 3:14

Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara?

2 Ịsamụwẹrị 12:21

Dị ezi ahụ anị ka, “Sị waa mẹ aanị? Ozi ọnọọ mẹ̀ yà ịzọọ, wẹ yị rị ịsa, wee sụ́ ùnè. O ve wusu dị ụ kwẹẹtẹ dị waa rị ịsaa?”

2 Anịkọrịntị 6:5

Ê tụ́ yị, á kụ́ yị hi ịnị ẹngwa, â tụ́ ịrẹyị tù yị. Aza ệ za yị mẹ̀ ụkọrọ, yẹ yị sụ̀ ara, yẹ yị rẹ rị ịsa.

Odeyi 10:30

Dị Ịkọnẹrịyọsị ka, “Ụmẹ aanị ajịnọgwẹẹna mị sị sị aa mẹ̀ aduwa ini eehi amị nị, ịnị ụmẹ agogo ẹẹta ọọdụ. Di mi vene re ka ọza ịnya ene chire awuru ọvụ sẹnẹ-sẹnẹ jẹẹ ọ́vịdị amị nị.

Imatiwu 6:1

“Sị eyi pe ẹngụ awụ nịnị! Asị ụ mẹ ahẹkẹ awụ nịnị agụvị aza è ree kẹnẹ, ka ẹ̀ yị va avọọ, wẹ yị vaa dọ ọgụ hụụnị ụvọ Ada awụ nịnị ẹbẹẹba.